Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

କରୋନା ଟୀକାକୁ ନେଇ ଆଶଙ୍କା : ବ୍ରିଟେନ୍‌ ମନ୍ତ୍ରୀ କହିଲେ ଚଳିତ ବର୍ଷ ଟୀକା ଆସିବା କଷ୍ଟକର

27/04/2020 at 9:48 AM

ଲଣ୍ଡନ ୨୭।୪: ସାରା ବିଶ୍ବରେ କରୋନା ସଂକ୍ରମଣ ବଢୁଥିବାରୁ ଟୀକା ପାଇଁ ଚାହିଦା ମଧ୍ୟ ବଢିବାରେ ଲାଗିଛି । ଅନେକ ବିଶେଷଜ୍ଞଙ୍କ ବୟାନରୁ ଆଶା କରାଯାଉଥିଲା ଯେ ଚଳିତ ବର୍ଷ ଶେଷ ସୁଦ୍ଧା କରୋନାକୁ ପ୍ରତିରୋଧ କରିବାକୁ ଏକ ଟୀକା ଆସିପାରିବ ବୋଲି । କିନ୍ତୁ ବର୍ତ୍ତମାନ ବ୍ରିଟେନର ଜଣେ ମନ୍ତ୍ରୀ ବୟାନ ଦେଇଛନ୍ତି ଯେ ସମ୍ଭବ ନୁହେଁ ଯେ ଚଳିତ ବର୍ଷ ଶେଷ ସୁଦ୍ଧା ଆମକୁ କରୋନା ପ୍ରତିରୋଧ ପାଇଁ ଟୀକା ମିଳିପାରିବ ।

ବ୍ରିଟେନର ମନ୍ତ୍ରୀ ଡୋମିଏକ ରାବ ରବିବାର ଦିନ ଏଭଳି ଏକ ବୟାନ ଦେଇଛନ୍ତି । ସେ କହିଛନ୍ତି ଯେ ଯଥାଶୀଘ୍ର କରୋନା ଭାଇରସ୍ ବିଲୋପ କରିବାକୁ ଆମର ପ୍ରୟାସ ଜାରି ରହିଛି । ଏଥିପାଇଁ ବିଭିନ୍ନ ପଦକ୍ଷେପ ନିଆଯାଉଛି । ଟୀକା ପ୍ରସ୍ତୁତି ପାଇଁ ମଧ୍ୟ କାର୍ଯ୍ୟ ଚାଲିଛି । କିନ୍ତୁ ଚଳିତ ବର୍ଷ ଟୀକା ହୋଇପାରିବା ସମ୍ଭବ ନୁହେଁ । ଏହି ସମୟରେ ଲୋକଙ୍କୁ ପରୀକ୍ଷା କରିବା ସବୁଠାରୁ ଗୁରୁତ୍ବପୂର୍ଣ୍ଣ । ଯାହା ଦ୍ବାରା ଏହା ଜାଣିହେବ ଯେ ଭାଇରସ୍ କାହାକୁ ସଂକ୍ରମଣ କରିଛି ଏବଂ ଏହା କେତେ ବିସ୍ତାର ହୋଇଛି ।

ଏବେ ଟୀକା ପ୍ରସ୍ତୁତିରେ ବିଳମ୍ବକୁ ନେଇ ଏଭଳି ବୟାନ ନୂଆ ବିତର୍କ ସୃଷ୍ଟି କରିଛି । କାରଣ ଏଭଳି ବୟାନ ଅକ୍ସଫୋର୍ଡ ୟୁନିଭରସିଟିରେ କରୋନା ଭାଇରସ୍ ଟୀକା ପରୀକ୍ଷା ଆରମ୍ଭ ହେବା ପରେ ଆସିଛି । ସେଠାରେ ଜଣେ ମହିଳାଙ୍କୁ ଟୀକା ଦିଆଯାଇଛି ଏବଂ ବର୍ତ୍ତମାନ ଫଳାଫଳକୁ ଅପେକ୍ଷା କରାଯାଇଛି ।

ଅକ୍ସଫୋର୍ଡ ୟୁନିଭରସିଟି ବର୍ତ୍ତମାନ କରୋନା ଭାଇରସ୍ ଟୀକା ଉପରେ ଅଧ୍ୟୟନ କରୁଛି ଏବଂ ପରୀକ୍ଷା ମଧ୍ୟ ଚାଲିଛି । ପରୀକ୍ଷା ପୂର୍ବରୁ ବିଶ୍ବବିଦ୍ୟାଳୟ ଦାବି କରିଛି ଯେ ଯଦି ସବୁକିଛି ଠିକ୍ ରୁହେ ତେବେ ସେପ୍ଟେମ୍ବର ସୁଦ୍ଧା ଟୀକା ପ୍ରସ୍ତୁତ ହୋଇପାରିବ । ଡିସେମ୍ବର ସୁଦ୍ଧା ଏହା ଏତେ ପରିମାଣରେ ତିଆରି ହୋଇପାରିବ ଯେ ଏହାକୁ ସାରା ବିଶ୍ବକୁ ଦିଆଯାଇପାରିବ ।

ସୂଚନାଯୋଗ୍ୟ ଯେ, ବିଶ୍ବବିଦ୍ୟାଳୟ ଦ୍ବାରା ପ୍ରଥମ ପରୀକ୍ଷା ଅପ୍ରେଲରେ ଆରମ୍ଭ ହୋଇଥିଲା । ଯାହା ଉପରେ ଦୁଇମାସ କାମ କରାଯିବ । ଏହାପରେ ଦ୍ବିତୀୟ ପରୀକ୍ଷା ଜୁନ୍ ମାସରେ କରାଯିବ ଏବଂ ଅଗଷ୍ଟରେ ଶେଷ ପରୀକ୍ଷା ଆରମ୍ଭ ହେବ । ଅର୍ଥାତ୍ ସେପ୍ଟେମ୍ବର ଶେଷ ସୁଦ୍ଧା ଏହି ଟୀକା କରୋନା ଭାଇରସକୁ ପ୍ରତିରୋଧ କରିବାରେ ସଫଳ ହୋଇଛି କି ନାହିଁ ତାହା ନିଶ୍ଚିତ କରିବାକୁ ସମର୍ଥ ହେବ ।

   Related Posts