Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ବେଦୀ ପୂର୍ବରୁ ଉଠିଲା ଶବ : ବ୍ୟୁଟି ପାର୍ଲର ଭିତରେ କନ୍ୟାକୁ ଗଳା କାଟି ହତ୍ୟା, ଅଭିଯୁକ୍ତ ଫେରାର

5/07/2020 at 5:16 PM

ରତଲାମ ୦୫/୦୭ : ମଧ୍ୟ ପ୍ରଦେଶ ରତଲାମ ଜିଲ୍ଲା ଜାବରାରେ ରବିବାର ସକାଳୁ ଏକ ଚାଞ୍ଚଲ୍ୟକର ଘଟଣା ଘଟିଛି | ଯେଉଁ ଘରେ ଖୁସିର ଲହର ଖେଳି ଯାଇଥିଲା ଆଖି ପିଛୁଳାକେ ସେହି ଘରେ ଶୋକର କଳା ବାଦଲ ଛାଇଗଲା | ବାହାଘର ପାଇଁ ମେକ ଅପ କରିବାକୁ ପାର୍ଲର ଯାଇଥିବା ଯୁବତୀଙ୍କୁ ଦୁର୍ବୁତ୍ତ ଗଳା କାଟି ହତ୍ୟା କରିଛି | ହତ୍ୟା ପଛରେ ପ୍ରେମ ପ୍ରସଙ୍ଗ ଥାଇପାରେ ବୋଲି ସନ୍ଦେହ କରାଯାଉଛି | ଘଟଣା ସମ୍ପର୍କରେ ସୂଚନା ପାଇ ଜାବରା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଅଭିଯୁକ୍ତକୁ ଖୋଜିବା ଆରମ୍ଭ କରିଛି | ପୋଲିସ ପହଞ୍ଚି ସୋନୁଙ୍କୁ ହସ୍ପିଟାଲକୁ ନେଇଥିଲା କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ | ପୋଲିସ ପୁରା ଅଞ୍ଚଳକୁ ନାକାବନ୍ଦୀ କରି ଅଭିଯୁକ୍ତକୁ ଖୋଜୁଛି |

ମିଳିଥିବା ସୂଚନା ଅନୁଯାୟୀ, ଘଟଣା ରବିବାର ସକାଳେ ଘଟିଛି | ରାଜାପୁରର ସୋନୁ ଯାଦବ ବିବାହ ପାଇଁ ନିଜ ପରିବାର ସହ ଜାବରା ଆସିଥିଲେ | ବିବାହ ପୂର୍ବରୁ ମେକ ଅପ ପାଇଁ ସେ ନିଜ ଭଉଣୀ ସହ ମନସାପୁରମ ସ୍ଥିତ ଏକ ବ୍ୟୁଟି ପାର୍ଲର ଯାଇଥିଲେ | ପାର୍ଲରରେ ଥିବାବେଳେ ଜଣେ ଯୁବକ ସୋନୁଙ୍କୁ ପାର୍ଲର ବାହାରେ ଥାଇ ଫୋନ କରିଥିଲା | ଏହାପରେ ହଠାତ ପାର୍ଲର ଭିତରେ ପଶି ଏକ ଧାରୁଆ ଅସ୍ତ୍ରରେ ସୋନୁଙ୍କ ଗଳା କାଟି ସେଠାରୁ ପଳାଇ ଯାଇଥିଲା |

ଅଭିଯୁକ୍ତ ହତ୍ୟାକାରୀ ରାହୁଲ ବୋଲି ଜଣାପଡିଛି | କିଛି ବର୍ଷ ପୂର୍ବରୁ ଉଜ୍ୱେନର ଜଣେ ଯୁବକଙ୍କ ସହିତ ସୋନୁଙ୍କର ବାହାଘର ହୋଇଥିଲା | କୌଣସି କାରଣବଶତଃ ସମ୍ପର୍କ ଭାଙ୍ଗିଗଲା ଏବଂ ସେ ସ୍ୱାମୀ ଠାରୁ ଅଲଗା ହୋଇଯାଇଥିଲେ | ବର୍ତ୍ତମାନ ସେ ନଗଦାର ଜୈନ ସମ୍ପ୍ରଦାୟର ଜଣେ ଯୁବକଙ୍କୁ ଦ୍ୱିତୀୟ ବିବାହ କରିବାକୁ ଯାଉଥିଲେ | କିନ୍ତୁ ବାହାଘର ପୂର୍ବରୁ ତାଙ୍କୁ ହତ୍ୟା କରିଦିଆଯାଇଛି | ହତ୍ୟା ଘଟଣା ପରେ ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି ହୋଇଛି |

   Related Posts