Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ବାହାବେଦୀରେ ବରମାଳ ପିନ୍ଧାଇବାବେଳେ ନବବଧୂକୁ ପ୍ରେମିକ ମାରିଲା ଗୁଳି

14/03/2019 at 12:37 PM

କାନପୁର ୧୪/୩: ବାହାବେଦୀରେ ଘଟିଛି ଅଭାବନୀୟ ଘଟଣା । ବିବାହ ତାଲିଥିବାବେଳେ କନ୍ୟାକୁ ଗୁଳିମାରି ହତ୍ୟାକରିବା ସହ ନିଜେ ନିଜକୁ ଗୁଳିମାରି ଆତ୍ମହତ୍ୟା କରିଛି କନ୍ୟାର ପ୍ରେମିକ । ଏଭଳି ଏକ ଚାଞ୍ଚଲ୍ୟକର ଘଟଣା ଗଟିଛି ଉନ୍ନାଓର ସୋହରାମଉ ଥାନା ଅଞ୍ଚଳର କୁଶହରୀ ଗାଁରେ । ଗାଁର ବଚ୍ଚୁଲାଲଙ୍କ ଘରେ ଆନନ୍ଦମୟ ବାତାବରଣରେ ନବବଧୂର ଗୃହ ପ୍ରବେଶ ପାଇଁ ଅପେକ୍ଷାରେ ବିଭିନ୍ନ ରୀତି ଚାଲିଥିଲା। ମଙ୍ଗଳବାର ରାତିରେ ମହିଳାମାନେ ନୃତ୍ୟ ସଙ୍ଗୀତରେ ମଗ୍ନ ଥିଲେ। ସେହି ସମୟରେ ବାହା ବେଦୀରେ ନବବଧୂଙ୍କୁ ହତ୍ୟା କରାଯିବା ଘଟଣା ଚାଞ୍ଚଲ୍ୟ ଖେଳାଇ ଦେଇଛି। ବୁଧବାର ସକାଳେ ବର ଏବଂ ବରଯାତ୍ରୀ ନବବଧୂଙ୍କ ବିନା ହିଁ ଫେରିଛନ୍ତି।

ସୋହରାମଉ ଥାନା ଅଞ୍ଚଳର କୁଶହରୀ ଗାଁ ବାସିନ୍ଦା ବଚ୍ଚୁଲାଲ ଲୋଧୀ ନିଜ ପୁଅ ସାଜନଙ୍କ ବିବାହ ରାୟବରେଲି ଜିଲ୍ଲାର ବଚ୍ଛରାଁଓ୍ବା କୋତଓ୍ବାଲିର ଗାଜିଆପୁର ଗାଁ ବାସିନ୍ଦା ପୁତ୍ତିଲାଲଙ୍କ ଝିଅ ଆଶା(୨୨)ଙ୍କ ସହ ୩ମାସ ପୂର୍ବରୁ ସ୍ଥିର କରିଥିଲେ। ଅଗଓ୍ବାନୀ ଏବଂ ଦ୍ବାରଚାର ପରେ  ବରମାଳା ରୀତି ହୋଇଥିଲା।

ରାତି ପାଖାପାଖି ୧୦ଟାବେଳେ ବର ଏବଂ କନ୍ୟାଙ୍କ ପରିବାର ଲୋକ ଫଟୋ ଉଠାଉଥିଲେ। ଏହି ସମୟରେ ବ୍ରଜେନ୍ଦ୍ର କୁମାର ଆଶାଙ୍କ ପେଟକୁ ଗୁଳି ମାରି ନିଜ ଗଳାକୁ ମଧ୍ୟ ଗୁଳି ମାରିଥିଲେ। ଆଶା ଏବଂ ବ୍ରଜେନ୍ଦ୍ର ଲହୁଲୁହାଣ ହେବାମାତ୍ରେ ସେଠାରେ ହୋହାଲ୍ଲା ହୋଇଥିଲା। ଲୋକେ ଉଭୟଙ୍କୁ ତୁରନ୍ତ ହସ୍ପିଟାଲକୁ ନେଇଯାଇଥିଲେ ଏବଂ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷିତ କରିଥିଲେ।

ଏହି ଘଟଣା ପରେ ବିବାହ ବେଦୀରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଥିଲା।  ଘଟଣାସ୍ଥଳକୁ ସ୍ଥାନୀୟ ପୋଲିସ୍ ଆସି ତଦନ୍ତ କରିଥିଲେ। ପୋଲିସ୍ ବର ଏବଂ ତାଙ୍କ ପରିବାର ଲୋକଙ୍କୁ ପଚରାଉଚୁରା କରିଥିଲେ।

 ସାଜନଙ୍କ କହିବାନୁସାରେ ଆଶା ତାଙ୍କ ସହ କେବେ ଆଗରୁ ଫୋନରେ କଥା ହୋଇନଥିଲେ। ସେ କହିଥିଲେ ଯଦି ତାଙ୍କୁ ଏବିଷୟରେ ଆଗରୁ ଜଣା ଥାଆନ୍ତା ତେବେ ସେ ବିବାହ କରିବାକୁ ମନା କରିଥାଆନ୍ତେ। ଏହା ଦ୍ବାରା ଦୁଇ ଜଣଙ୍କ ଜୀବନ ଯାଇନଥାଆନ୍ତା। ସାଜନ ଦହୀ ଚୈାକିରେ ଥିବା ଏକ ଚମଡ଼ା ଫ୍ୟାକ୍ଟ୍ରିରେ କାମ କରନ୍ତି। ତାଙ୍କ ବାପା ଚାଷ କାମ ଏବଂ ୨ଜଣ ବଡ଼ ଭାଇ ଟ୍ରକ୍ ଚଲାନ୍ତି।

   Related Posts