Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

୧୦୦ ଟଙ୍କିଆ ୧୦ଟି ନୋଟ ଗଣିପାରିଲାନି ବର : ବାହାବେଦିରୁ ଉଠିଗଲେ କନ୍ୟା

18/03/2019 at 5:17 PM

ପଣ୍ଡୋଲ ୧୮/୩ : ବିହାର ମଧୂବନି ଜିଲ୍ଲାର ପଣ୍ଡୋଲ ଗାଁରେ ଜଣେ କନ୍ୟା ବାହାବେଦିରୁ ବରକୁ ଫେରାଇ ଦେଇଛନ୍ତି | କନ୍ୟା ଜଣକ ବିବାହ ପାଇଁ ମନା କରିଦେଇଛନ୍ତି | ବରକନ୍ୟାଙ୍କ ବରଣ ମାଳା ସରିଯାଇଥିଲା | ଏହାପରେ କନ୍ୟା ସେହି ବରକୁ ବାହା ହେବା ପାଇଁ ମନା କରିଦେଇଥିଲେ | ଯୁବତୀଙ୍କ ଏହିଭଳି ନିଷ୍ପତ୍ତିକୁ ସ୍ୱାଗତ କରିଛନ୍ତି ଗ୍ରାମବାସୀ | ବାହାଘରରେ ଉପସ୍ଥିତ ଜଣେ ଅତିଥି ଯୁବତୀଙ୍କ ଏହିଭଳି ନିଷ୍ପତ୍ତିକୁ ଖୁବ ପ୍ରଶଂସା କରିଥିଲେ ଏବଂ ନିଜ ପୁଅ ପାଇଁ ବାହାଘର ପ୍ରସ୍ତାବ ରଖିଥିଲେ | ବ୍ୟକ୍ତି ଜଣକଙ୍କ ପ୍ରସ୍ତାବରେ ରାଜି ହୋଇଯାଇଥିଲେ ଯୁବତୀ |


ଘଟଣା ମାର୍ଚ୍ଚ ୧୩ ତାରିଖରେ | ପଣ୍ଡୋଲ ଅନ୍ତର୍ଗତ ବ୍ରହ୍ମୋତ୍ତର ଗାଁର ଯୁବକ ସହ ମୋମିନପୁରର ଯୁବତୀଙ୍କ ବାହାଘର ଠିକ ହୋଇଥିଲା | ନିର୍ଧାରିତ ତାରିଖରେ ବରଯାତ୍ରୀ ପହଂଚିଥିଲେ | ଏହାପରେ ଉଭୟ ବରକନ୍ୟା ପରସ୍ପରକୁ ବରଣ ମାଳା ପିନ୍ଧାଇଥିଲେ | ଏହାପରେ ଯୁବତୀଙ୍କ କିଛି ସାଙ୍ଗସାଥି ବର ସହ କଥାବାର୍ତ୍ତା କରୁଥିଲେ | କଥାବାର୍ତ୍ତା ବେଳେ ଯୁବତୀଙ୍କ ସାଙ୍ଗମାନଙ୍କୁ ସନ୍ଦେହ ହୋଇଥିଲା ଯେ, ଯୁବକ ଅଶିକ୍ଷିତ | ଏହାପରେ ସେମାନେ ବରକୁ ଅନେକ ପ୍ରଶ୍ନ ପଚାରିଥିଲେ | କିନ୍ତୁ ବର କୌଣସି ପ୍ରଶ୍ନର ଉତ୍ତର ଦେଇନଥିଲେ |


ଏହାପରେ ଯୁବତୀଙ୍କ ସାଙ୍ଗମାନେ ବରକୁ ୧୦ଟି ୧୦୦ ଟଙ୍କିଆ ନୋଟ ଗଣିବାକୁ ଦେଇଥିଲେ | ଯୁବକ ଠିକ ଭାବେ ୧୦ଟି ନୋଟ ଗଣି ପାରିନଥିଲା | ସେ ବହୁତ ଚେଷ୍ଟା କରି ମଧ୍ୟ ପ୍ରତ୍ୟେକ ଥର ଭୁଲ ଭାବେ ହିଁ ଟଙ୍କା ଗଣିଥିଲା | ଏହାପରେ ବରକୁ ନିଜ ନାଁ ଏବଂ ଗାଁ ନାଁ ପଚାର ଯାଇଥିଲା | ଏହାପରେ ଜିଲ୍ଲାର ନାଁ ପଚାର ଯାଇଥିଲା | ଜିଲ୍ଲା ନାଁ ପଚାରିବାରୁ ବର ଜବାବରେ ପଣ୍ଡୋଲ ବୋଲି କହିଥିଲା | ଏଥିରୁ ସ୍ପଷ୍ଟ ହୋଇଯାଇଥିଲା ଯେ, ଯୁବକ ଶିକ୍ଷିତ ନଥିଲା | ଏହାପରେ କନ୍ୟା ବେଶରେ ସଜେଇ ହୋଇ ବସିଥିବା ଯୁବତୀ ସେହି ଯୁବକଙ୍କୁ ବାହା ହେବେନି ବୋଲି ସଫା ସଫା ମନା କରିଦେଇଥିଲେ |


ଯୁବତୀଙ୍କ ଏହି ନିଷ୍ପତ୍ତିକୁ ସମସ୍ତେ ସ୍ୱାଗତ କରିଥିଲେ | ବରଯାତ୍ରୀରେ ଉପସ୍ଥିତ ଜଣେ ବ୍ୟକ୍ତି ମଧ୍ୟ ପ୍ରଶଂସା କରିଥିଲେ | ସେ ନିଜ ଶିକ୍ଷିତ ପୁଅ ପାଇଁ ପ୍ରସ୍ତାବ ରଖିଥିଲେ | ସେ କହିଥିଲେ ଯେ, ତାଙ୍କ ପୁଅ ଶିକ୍ଷିତ, ସେ ତାଙ୍କ ପୁଅକୁ ବିବାହ କରିବାକୁ ରାଜି ଅଛନ୍ତି କି ? କନ୍ୟାପକ୍ଷ ବ୍ୟକ୍ତିଙ୍କ ପ୍ରସ୍ତାବରେ ରାଜି ହୋଇଥିଲେ |

   Related Posts