ଭୁବନେଶ୍ୱର, ୧୮/୦୯: ନବ ବିବାହିତାଙ୍କ ଆତ୍ମହତ୍ୟା । ଗୋଟିଏ ବର୍ଷ ବି ଗଲାନି ବାହାଘର । ବେକରେ ଦଉଡ଼ି ଦେଇ ଆତ୍ମହତ୍ୟା କଲେ ମହିଳା । ତେବେ ମହିଳାଙ୍କ ବାପ ଘର ଲୋକେ ଶ୍ଵଶୁର ଘୋର ଲୋକଙ୍କ ବିରୋଧରେ ଆଣିଛନ୍ତି ହତ୍ୟା ଅଭିଯୋଗ । ଏପରି ଘଟଣା ଘଟିଛି ଭୁବନେଶ୍ୱର କପିଳେଶ୍ୱର ଅଞ୍ଚଳରେ ।
ସୂଚନା ଅନୁସାରେ, କାକଟପୁର ଅଞ୍ଚଳର ଲକ୍ଷ୍ମୀପ୍ରିୟା ଦାଶ ଭୁବନେଶ୍ୱର କପିଳେଶ୍ୱର ଅଂଚଳର ଦିଲୀପ ମହାପାତ୍ରଙ୍କୁ ବିବାହ କରିଥିଲେ । ତେବେ ଗତ କିଛି ଦିନ ଧରି ଲକ୍ଷ୍ମୀଙ୍କୁ ଶାଶୁ ଘର ଲୋକେ ଶାରୀରିକ ଓ ମାନସିକ ନିର୍ଯ୍ୟାତନା ଦେଉଥିଲେ । ଏପରିକି ତାଙ୍କୁ କୁଆଡେ ବାପ ଘରକୁ ଯିବାକୁ ଦେଉନଥିଲେ । ବାପ ଘର ଲୋକଙ୍କ ସହ ଫୋନରେ କଥା ହେବାକୁ ମଧ୍ୟ ଦିଆଯାଉନଥିଲା ।
ଝିଅର ମୃତ୍ୟୁ ଖବର ପରେ ବାପଘର ଲୋକେ ପୋଲିସରେ ଅଭିଯୋଗ କରିଥିଲେ । ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିବା ସହ ମହିଳାଙ୍କ ସ୍ୱାମୀକୁ ଅଟକ ରଖିଥିବା ସୂଚନା ମିଳିଛି।
