Friday, October 18, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିବାହର ମାତ୍ର କିଛି ଘଣ୍ଟା ପରେ ବିଧବା ହେଲେ ନବ ବିବାହିତା କନ୍ୟା : ପରିବାରରେ ଶୋକର ଛାୟା

ମଥୁରା ୨୫/୬ : ମଙ୍ଗଳବାର ଦିନ ମଥୁରାରେ ଏକ ଏମିତି ଘଟଣା ଘଟିଛି ଜାଣିଲେ ରୋମ ଟାଙ୍କୁରି ଉଠିବ । ବାହାଘର ପରେ ବାପା ଘରୁ ବିଦା ହେଇ ଶାଶୂଘରକୁ ଯାଉଥିବା ଝିଅ ଶାଶୂଘରେ ପହଂଚିବା ପୂର୍ବରୁ ବିଧବା ହୋଇଯାଇଛି । ଅନ୍ଧେରିଗଡିରେ ରହୁଥିବା ୨୨ ବର୍ଷ ବୟସ୍କ ପିଣ୍ଟୁଙ୍କ ବାହାଘର ସର୍ବେଷଙ୍କ ସହିତ ସୋମବାର ଦିନ ହୋଇଥିଲା । ବାହାଘର ସାରିବା ପରେ ମଙ୍ଗଳବାର ସକାଳୁ ପିଣ୍ଟୁ ନିଜ ନବ ବିବାହିତା ସ୍ତ୍ରୀଙ୍କୁ ନେଇ ନିଜ ଘରକୁ ଫେରୁଥିଲେ ।

ବରକନ୍ୟାଙ୍କ ସହ କାର ଅନ୍ୟ ସମ୍ପର୍କୀୟ ମଧ୍ୟ ଥିଲେ । ନୈହଝିଲ ମାର୍ଗ ପ୍ରେମନଗର ଗାଁ ନିକଟରେ କର ଡ୍ରାଇଭରଙ୍କ ଆଖି ଲାଗିଯାଇଥିଲା । ଯାହାଫଳରେ କାରଟି ନିୟନ୍ତ୍ରଣ ହରାଇ ଓଲଟି ଯାଇ ବିଦ୍ୟୁତ ଖୁଣ୍ଟ ସହ ଧକ୍କା ହୋଇଥିଲା । ଦୁର୍ଘଟଣାରେ ନବ ବିବାହିତ ବର ସହ ତାଙ୍କ ପିୟୁସିଙ୍କ ମୃତ୍ୟୁ ହୋଇଛି । କନ୍ୟାଙ୍କ ସମେତ ୪ ଜଣ ଗୁରୁତର ଆହତ ଅଛନ୍ତି । ଦୁର୍ଘଟଣା ଦୁଇ ପରିବାରର ଖୁସି ଛଡେଇ ନେଇଛି ।

ଦୁର୍ଘଟଣା ସମ୍ପର୍କରେ ସୂଚନାପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ସ୍ଥାନୀୟ ଲୋକଙ୍କ ସହାୟତାରେ ପୋଲିସ ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରିଥିଲା । ନବ ବିବାହିତ ବର ଏବଂ ତାଙ୍କ ପିୟୁସିଙ୍କୁ ଡାକ୍ତର ମୃତ ଘୋଷଣା କରିଥିଲେ । ଗୁରୁତର ଆହତମାନେ ହସ୍ପିଟାଲରେ ଚିକିତ୍ସିତ ହେଉଛନ୍ତି ।

385 Views

   ସମ୍ବନ୍ଧିତ ଖବର