Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ଏନ୍‌ଆଇଏର ତିନି ଅଧିକାରୀ ଲାଞ୍ଚ ମାଗିଥିବା ଅଭିଯୋଗ, ବଦଳିପରେ ଆରମ୍ଭ ହେଲା ତଦନ୍ତ

20/08/2019 at 4:11 PM

ନୂଆଦିଲ୍ଲୀ .- ଏନ୍‌ଆଇଏର ତିନିଜଣ ଅଧିକାରୀ ଲାଞ୍ଚ ମାଗୁଥିବାର ଗୁରୁତର ଅଭିଯୋଗ ସାମ୍ନାକୁ ଆସିଛି ।  ଟେରର ଫଣ୍ଡିଂର ତଦନ୍ତ କରୁଥିବା ବେଳେ ଏହି ଅଧିକାରୀମାନେ ଲାଞ୍ଚ ମାଗୁଥିବା ଅଭିଯୋଗ ହୋଇଛି । ଏବେ ଡିଆଇଜି ରାଙ୍କ୍‌ର ଜଣେ ଅଧିକାରୀ ଏହି ଅଭିଯୋଗର ତଦନ୍ତ କରୁଛନ୍ତି  ବୋଲି ଏନ୍‌ଆଇଏର ମୁଖପାତ୍ର ସୂଚନା ଦେଇଛନ୍ତି । ଅଭିଯୋଗ ଆସିଥିବା ତିନି ଅଧିକାରୀଙ୍କର ବଦଳି କରିଦିଆଯିବା ପରେ ତଦନ୍ତ ନିର୍ଦେଶ ଦିଆଯାଇଛି । ନିରପକ୍ଷ ଭାବେ ତଦନ୍ତ କରାଯାଉଛି ବୋଲି ଏନ୍‌ଆଇଏର ମୁଖପାତ୍ର ସୂଚନା ଦେଇଛନ୍ତି ।

ଫଲାହ-ଏ –ଇନସାନିତ ନାମକ ମାମଲାରେ ଛନ୍ଦି ହୋଇଥିବା ଜଣେ ଉଦ୍ୟୋଗପତିଙ୍କ ନାମ ହଟାଇବା ପାଇଁ ୨ କୋଟି ଟଙ୍କା ଲାଞ୍ଚ ମଗାଯାଇଥିବା ଅଭିଯୋଗ ହୋଇଛି । ଟେରର ଫଣ୍ଡିଂ ବା ଆତଙ୍କବାଦୀଙ୍କୁ ପାଣ୍ଠି ଯୋଗାଣର ଏହି ମାମଲାରେ ମୁମ୍ବଇ ଆକ୍ରମଣର ମାଷ୍ଟରମାଇଣ୍ଡ ହାଫିଜ ସୟିଦ ବି ରହିଛି ।

ଅଭିଯୋଗ ଆସିବା ପରେ ତିନି ଅଧିକାରୀଙ୍କୁ ହଟାଇ ଦିଆଯାଇଛି ।ଏଥିପାଇଁ ଏନ୍ଆଇଏକୁ ଏକ ଅଭିଯୋଗ ମିଳିଥିଲା ।  ଏହି ଅଧିକାରୀମାନେ ପୂର୍ବରୁ ଅନେକ ମହତ୍ତ୍ୱପୂର୍ଣ୍ଣ ତଦନ୍ତରେ ସାମିଲ୍‌ ଥିଲେ  । ଏଥିରେ  ସମଝୋତା ଏକ୍ସପ୍ରେସ, ଅଜମେର ସରିଫ ବିସ୍ଫୋରଣ ମାମଲାବି  ରହିଛି । ଅଭିଯୋଗ ଆସିଥିବା ଜଣେ ଅଧିକାରୀ ଏସ୍‌ପି ରାଙ୍କର ହୋଇଥିବା ବେଳେ ଅନ୍ୟଜଣେ ଫିଙ୍ଗରପ୍ରିଣ୍ଟ ବିଶେଷଜ୍ଞ  । ଏମାନଙ୍କୁ ସୀମା ସୁରକ୍ଷା ବଳ ଓ ରାଷ୍ଟ୍ରୀୟ ଅପରାଧ ବ୍ୟୁରୋକୁ ବଦଳି କରାଯାଇଛି।

ଏନ୍‌ଆଇଏ ଏହି ଅଭିଯୋଗକୁ ଗମ୍ଭୀରତାର ସହ ନେଇଥିବା ବେଳେ ନିଜର ଛବି ନଷ୍ଟ କରିବାକୁ ଦେବନି ବୋଲି ଜଣେ ଉଚ୍ଚ ଅଧିକାରୀ ସୂଚନା ଦେଇଛନ୍ତି । ଏଥିରେ କୌଣସି ତଥ୍ୟ ଲୁଚାଇବା ପାଇଁ ଦିଆଯିବ ନାହିଁ , ନିରପକ୍ଷ ତଦନ୍ତ ହେବ ବୋଲି ସେ ସୂଚନା ଦେଇଛନ୍ତି ।

ଗୁରୁଗ୍ରାମର ଏହି ଉଦ୍ୟୋଗପତି ଗୋଟିଏ ମାସ ପୂର୍ବରୁ ଏନ୍‌ଆଇଏର ଜଣେ ଏସ୍‌ପି ଓ ଦୁଇଜଣ କନିଷ୍ଠ ଅଧିକାରୀଙ୍କ ନାମରେ ଲାଞ୍ଚ ମାଗୁଥିବାର ଅଭିଯୋଗ କରିଥିଲେ । ଏହି ତିନି ଅଧିକାରୀ ପାକିସ୍ତାନର ଆତଙ୍କୀ ସଙ୍ଗଠନ ଲକଶର୍‌-ଏ-ତୋଏବାର ମୁଖିଆ ହାଫିଜ୍‌ ସୟଦ ଚଳାଉଥିବା ଟେରର ଫଣ୍ଡିଂ ମାମଲାର ତଦନ୍ତ କରୁଥିଲେ ।

   Related Posts