Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସଂକ୍ରମଣ ବୃଦ୍ଧି ଯୋଗୁଁ ପୁଣି ସ୍ଥଗିତ ରହିଲା ଏସିଆ କପ୍ କ୍ରିକେଟ‌, ୨୦୨୨ରେ ଖେଳାଯିବ ଟୁର୍ଣ୍ଣାମେଣ୍ଟ
  • ||
  • ଗୋପ ଷ୍ଟେଟ୍ ବ୍ୟାଙ୍କ ସିଲ୍ : ମ୍ୟାନେଜର କରୋନା ସଂକ୍ରମିତ, ଗ୍ରାହକଙ୍କ ଉପରେ ନଜର
  • ||
  • ଭୁବନେଶ୍ୱର : ରମ୍‌ଜାନ୍ ଓ ପଣା ସଂକ୍ରାନ୍ତି ଉପରେ କଟକଣା ଲଗାଇଲା ବିଏମ୍‌ସି
  • ||
  • ବ୍ରହ୍ମପୁର : ଗଞ୍ଜାମର ସବୁ ଧର୍ମାନୁଷ୍ଠାନ ୭ଦିନ ବନ୍ଦ, ସର୍ବସାଧାରଣରେ ମେରୁ ଯାତ୍ରା ଓ ପଣା ସଂକ୍ରାନ୍ତି ପାଳନ ବାରଣ
  • ||
  • ନୟାଗଡ : ପ୍ରେମରେ ପ୍ରତାରଣା, ପ୍ରେମିକ ଦୁଆରେ ପ୍ରେମିକା, ନ୍ୟାୟ ପାଇଁ ଦେଇଛି ଧାରଣା
  • ||
  • କଟକ : ଗିରଫ ହେଲା ହାଇଦରର ସହଯୋଗୀ ୟାକୁବ୍, ସୋମବାର ଚାଉଳିଆଗଞ୍ଜ ଥାନାରେ କରିଥିଲା ଆତ୍ମସମର୍ପଣ
  • ||
  • ସୋର : ଘରେ କେହି ନଥିବା ବେଳେ ଭାଙ୍ଗିଲେ ତାଲା, ଲୁଟିନେଲେ ଲକ୍ଷାଧିକ ଟଙ୍କାର ସୁନା-ରୂପା ଅଳଙ୍କାର ସହ ଲକ୍ଷାଧିକ ଟଙ୍କା
  • ||
  • କଳାହାଣ୍ଡି : ଜାଲ୍ ସାର୍ଟିଫିକେଟ୍ ଦେଇ ୨୫ ଶିକ୍ଷକ ବହିଷ୍କୃତ
  • ||
  • ଚାନ୍ଦବାଲି : ଭଡା ଘରୁ ମିଳିଲା ପ୍ରବାସୀ ଶ୍ରମିକଙ୍କ ମୃତଦେହ, ମୃତ୍ୟୁ ପାଇଁ କମ୍ପାନୀ କର୍ତ୍ତୃପକ୍ଷ ଦାୟୀ ଅଭିଯୋଗ
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୩୦ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

Breaking News : News7 (21.08.2018)

21/08/2018 at 4:47 PM

1. ୭ଟି ରାଜ୍ୟ ପାଇଁ ନୂଆ ରାଜ୍ୟପାଳଙ୍କ ନାଁ ଘୋଷଣା । ରାଷ୍ଟ୍ରପତି ଭବନ ପକ୍ଷରୁ ଏହି ୭ଟି ରାଜ୍ୟ ପାଇଁ ନୂଆ ରାଜ୍ୟପାଳଙ୍କ ନାଁ ଘୋଷଣା କରାଯାଇଛି । ଶ୍ରୀ ଲାଲ୍ ଜୀ ଟଣ୍ଡନଙ୍କୁ ବିହାର ରାଜ୍ୟପାଳ ଭାବେ ଦାୟିତ୍ବ ଦିଆଯାଇଛି । ସତ୍ୟଦେବ ନାରାୟଣ ହେଲେ ହରିଆଣା ରାଜ୍ୟପାଳ, ସେହପରି ବେବି ରାଣୀ ମୌର୍ଯ୍ୟଙ୍କୁ ଉତ୍ତରାଖଣ୍ଡ ରାଜ୍ୟପାଳ ଭାବେ ନିଯୁକ୍ତି ଦେଇଛନ୍ତି ରାଷ୍ଟ୍ରପତି । ପୂର୍ବରୁ ବିହାର ରାଜ୍ୟପାଳ ଥିବା ସତ୍ୟପାଲ ମଲ୍ଲିକଙ୍କୁ ଜାମ୍ମୁ-କାଶ୍ମୀର ରାଜ୍ୟପାଳ ଭାବେ ନିଯୁକ୍ତ କରାଯାଇଛି । ସେହିପରି ମେଘାଳୟ ରାଜ୍ୟପାଳ ଥିବା ଗଙ୍ଗା ପ୍ରସାଦଙ୍କୁ ସିକିମ୍ ଦାୟିତ୍ବ ଦିଆଯାଇଛି । ସେପଟେ ମେଘାଳୟ ଦାୟିତ୍ବରେ ତ୍ରିପୁରା ରାଜ୍ୟପାଳ ତଥାଗତ ରୟଙ୍କୁ ନିଯୁକ୍ତି ଦିଆଯାଇଛି । ହରିଆଣା ରାଜ୍ୟପାଳ କ୍ୟାପଟେନ୍ ସିଂ ସୋଲାଙ୍କିଙ୍କୁ ହରିଆଣା ଦାୟିତ୍ବରୁ ଅପସାରଣ କରି , ତ୍ରିପୁରା ଦାୟିତ୍ବ ଦିଆଯାଇଛି ।

2. ଗଞ୍ଜାମ ଜିଲ୍ଲାର ବିଭିନ୍ନ ସ୍ଥାନରେ ଚାଲିଥିବା ଜୁଆ ଆଡ୍ଡାରେ ଚଢ଼ାଉ । କବିସୂର୍ଯ୍ୟ ନଗର ଅଞ୍ଚଳରେ ଚଢ଼ାଉ କରି ୧୦ ଜୁଆଡ଼ିଙ୍କୁ କବିସୂର୍ଯ୍ୟ ନଗର ପୋଲିସ୍ ଗିରଫ କରିଥିବା ବେଳେ , ୮ଟି ବାଇକ୍, ୨୧ ହଜାର ଟଙ୍କା ଜବତ କରିଛି । ସେହିପରି ଚମାଖଣ୍ଡିରୁ ୭ ଜୁଆଡ଼ିଙ୍କୁ ଗିରଫ କରାଯାଇଥିବା ବେଳେ , ସେମାନଙ୍କ ନିକଟରୁ ୨୩ ହଜାର ୨୭୦ ଟଙ୍କା ଓ ୫ଟି ବାଇକ୍ ଜବତ କରାଯାଇଛି । ସମଗ୍ର ଗଞ୍ଜାମ ଜିଲ୍ଲାରେ ବେଧଡ଼କ ଚାଲିଛି ଜୁଆ ଖେଳ । ବିଭିନ୍ନ ସ୍ଥାନରେ ଜୁଆ ଖେଳକୁ ନେଇ ହତ୍ୟାକାଣ୍ଡ, ଗୋଷ୍ଠୀ ସଂଘର୍ଷ ମଧ୍ୟ ଘଟିଛି । ଜୁଆ ଆଡ୍ଡା ଚାଲିଥିବା ନେଇ ବାରମ୍ବାର ପୋଲିସ୍ ନିକଟରେ ଅଭିଯୋଗ ହେଉଥିଲା । ସ୍ଥାନୀୟ ଲୋକଙ୍କ ଅଭିଯୋଗକୁ ଆଧାର କରି ପୋଲିସ ଆଜି ରେଡ଼ କରିଥିଲା ।

3. ଢ଼େଙ୍କାନାଳରୁ ମୁମ୍ବାଇ ଚାଲାଣ ବେଳେ ୨ ନାବାଳିକାଙ୍କ ସମେତ ୫ ଯୁବତୀ ଉଦ୍ଧାର । ସମ୍ବଲପୁର କ୍ଷେତ୍ରରାଜପୁର ଷ୍ଟେସନରୁ ସମସ୍ତଙ୍କୁ ଉଦ୍ଧାର କରିଛି ଜିଆରପି ପୋଲିସ । ଏହା ସହିତ ଚାଲାଣ କରୁଥିବା ଦଲାଲ ଢ଼େଙ୍କାନାଳ କାମାକ୍ଷା ନଗରର ହାଡ଼ିଆ ସାହୁ ଓ ତାଙ୍କ ସ୍ତ୍ରୀକୁ ଅଟକ ରଖି ପଚରା ଉଚରା କରୁଛି । ମୁମ୍ବାଇରେ କାମ ଯୋଗାଇ ଦେବାକୁ ଲୋଭ ଦେଖାଇ ଏହି ଯୁବତୀ ମାନଙ୍କୁ ଚାଲାଣ କରାଯାଉଥିଲା । ଖବର ପାଇଁ ଲୋକମାନ୍ୟ ତିଲକ ଏକ୍ସପ୍ରେସରୁ ସମସ୍ତଙ୍କୁ ଉଦ୍ଧାର କରାଯାଇଛି । ପୂର୍ବରୁ ମଧ୍ୟ ଉଭୟ ସ୍ବାମୀ ସ୍ତ୍ରୀ ଅନେକ ଯୁବତୀଙ୍କୁ ଚାଲାଣ କରୁଥିବାର ସୂଚନା ପାଇଛି ପୋଲିସ । ତେବେ ବିକ୍ରି ପାଇଁ ନୁହେଁ ବଂର କାମ କରିବା ପାଇଁ ସେମାନଙ୍କ ନେଉଥିବା କହିଛି ଅଭିଯୁକ୍ତ ହାଡ଼ିଆ ସାହୁ ।

   Related Posts