Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଋଷିକୁଲ୍ୟା ନଦୀପଠାରୁ ଆନ୍ଧ୍ରକୁ ବାଲି ଚାଲାଣ ଘଟଣା : ୭ଟି ବାଲି ବୋଝେଇ ଟ୍ରକ୍ ଜବତ କଲା ପୋଲିସ
  • ||
  • ୫ରାଜ୍ୟ ଫେରନ୍ତାଙ୍କ ପାଇଁ ସ୍ବତନ୍ତ୍ର କଟକଣା : ରହିବେ ୭ଦିନ ହୋମ୍ ଆଇସୋଲେସନ୍‌ରେ
  • ||
  • ଅଳ୍ପକେ ବର୍ତ୍ତିଲେ ବିଏସଏଫ ଯବାନ, କମ୍ବିଂ ବେଳେ ବିପୁଳ ପରିମାଣର ବିସ୍ପୋରକ ଜବତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୬ କୋଭିଡ୍ ପଜିଟିଭ୍, ୩୩୭୧୦୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଖୋର୍ଦ୍ଧା : ସାରୁଆରେ ଭୟାବହ ଅଗ୍ନିକାଣ୍ଡ, ଜଳିଗଲା ଲକ୍ଷାଧିକ ଟଙ୍କାର ସମ୍ପତ୍ତି
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||

ଦେଶରେ କରୋନା ଲକଡାଉନ୍ ବେଳେ ବିହାରରେ ବଢୁଛି ବ୍ରେନ୍ ଷ୍ଟ୍ରୋକ୍ ମାମଲା, ହସ୍ପିଟାଲରେ ମିଳୁନି ICU

9/04/2020 at 4:19 PM

ପାଟନା ୯।୪: କରୋନା ସଂକ୍ରମଣ ସାରା ଦେଶରେ ଆତଙ୍କ ସୃଷ୍ଟି କରିଥିବା ବେଳେ ବିହାରରେ ବ୍ରେନଷ୍ଚ୍ରୋକ୍ ଏବେ ନୂଆ ସମସ୍ୟା ଭାବେ ଉଭା ହୋଇଛି। ୫୦ ବର୍ଷରୁ ଅଧିକ ବୟସ୍କଙ୍କ ମଧ୍ୟରେ ଏପରି ସମସ୍ୟା ଅଧିକ ଦେଖା ଦେଉଥିବା ବେଳେ ଗତ ୨୪ ଘଣ୍ଟାରେ ୧୦ରୁ ଅଧିକ ଲୋକେ ରାଜ୍ୟର ବିଭିନ୍ନ ହସ୍ପିଟାଲରେ ଭର୍ତ୍ତି ହୋଇଥିବା ଜଣାପଡିଛି।

ରାଜଧାନୀ ପାଟନାର ଇନ୍ଦିରାଗାନ୍ଧି ଇନଷ୍ଟିଚ୍ୟୁଟ୍ ଅଫ ମେଡିକାଲ ସାଇନ୍ସ (ଆଇଜିଆଇଏମଏସ୍) ସମେତ ପିଏମସିଏଚ୍ ଓ ଅନ୍ୟ ଘରୋଇ ହସ୍ପିଟାଲରେ ଏଭଳି ରୋଗୀଙ୍କ ସଂଖ୍ୟା ବଢିବାରେ ଲାଗିଛି। ଆଇଜିଆଇଏମଏସ୍‌ର ଚିକିତ୍ସା ଅଧିକ୍ଷକ ଡା.ମନିଷ ମଣ୍ଡଳଙ୍କ ଅନୁସାରେ କରୋନା ଭାଇରସ ସଂକ୍ରମଣକୁ ନେଇ ଲୋକଙ୍କ ମନରେ ଲଗାତାର ଭୟ ହିଁ ଏବେ ବୟସ୍କ ଲୋକଙ୍କ ଲାଗି ସମସ୍ୟା ସୃଷ୍ଟି କରୁଛି। ତେବେ ବ୍ରେନଷ୍ଟ୍ରୋକର ଶିକାର ଲୋକଙ୍କୁ ଆଡମିଟ୍ କରିବାକୁ ଘରୋଇ ହସ୍ପିଟାଲମାନେ ରାଜି ହେଉନଥିବାରୁ ସରକାରୀ ହସ୍ପିଟାଲ ଓ ମେଡିକାଲ କଲେଜ ଉପରେ ଚାପ ବଢୁଛି। ଏଣୁ ହସ୍ପିଟାଲରେ ଆଇସିୟୁ ଅଭାବ ପଡିଛି ବୋଲି ଡା. ମଣ୍ଡଳ କହିଛନ୍ତି।

ସେହିପରି ଏଭଳି ରୋଗୀଙ୍କ ସଂଖ୍ୟା ବୃଦ୍ଧିର ଅନ୍ୟ ଏକ କାରଣ ହେଲା ରକ୍ତଚାପର କେତେକ ଔଷଧ ଏବେ ବଜାରରେ ଉପଲବ୍ଧ ହେଉ ନାହିଁ। ଲକଡାଉନରେ ଅଧିକାଂଶ ମେଡିସିନ ଷ୍ଟୋର ବନ୍ଦ ରହିବା ଯୋଗୁ ଏପରି ପରିସ୍ଥିତି ଉପୁଜିଛି। ଏଣୁ ୪୦ ବର୍ଷ ବୟସରୁ ଅଧିକ ବୟସ୍କ ଲୋକଙ୍କୁ ଏବେ ଚାପ ମୁକ୍ତ ରହିବା ଦରକାର ବୋଲି କାର୍ଡିୟୋଲଜି ବିଭାଗର ଆସୋସିଏଟ୍ ପ୍ରଫେସର ପ୍ର.ଡ.ନିରବ କୁମାର କହିଛନ୍ତି। ଲକଡାଉନ ସମୟର ସୋସିଆଲ ମିଡିଆରେ ଅଧିକ ସମୟ ବିତାଇବା ଅପେକ୍ଷା ନିୟମିତ ଦିନଚର୍ଯ୍ୟାରେ ରହିଲେ ଏଭଳି ଆଶଙ୍କା ଟଳିପାରିବ ବୋଲି କହିଛନ୍ତି।

   Related Posts