Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବ୍ଲଡ୍ ପ୍ରେସର ଔଷଧରେ ଭଲ ହେବ କରୋନା ! ଏକ ଗବେଷଣାରୁ ଆସିଛି ବଡ ତଥ୍ୟ

24/08/2020 at 6:09 PM

ନୂଆଦିଲ୍ଲୀ, ୨୪|୦୮: କୋଭିଡ୍-୧୯ ଭାଇରସ ପାଇଁ ଏବେସୁଦ୍ଧା କୌଣସି ଫଳପ୍ରଦ ଔଷଧ ବାହାରିପାରି ନାହିଁ । କିନ୍ତୁ ସାରା ବିଶ୍ୱର ବୈଜ୍ଞାନିକ ଏହି ମହାମାରୀର ଔଷଧ ସନ୍ଧାନରେ ଲାଗି ପଡିଛନ୍ତି । ପ୍ରତ୍ୟେକ ଦିନ ଭାଇରସ ସମ୍ବନ୍ଧରେ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ତେବେ ଉଚ୍ଚ ରକ୍ତଚାପ ଔଷଧରେ କରୋନା ସ୍ଥିତିରେ ସୁଧାର ଆସିବ ବୋଲି ଏକ ରିପୋର୍ଟରେ ପ୍ରକାଶ ପାଇଛି । ଏହାସହ ଏହି ଔଷଧର ବ୍ୟବହାରରେ କରୋନା ସଂକ୍ରମଣର ଗମ୍ଭୀରତା ମଧ୍ୟ କମିଛି ।

ବ୍ରିଟେନର ୟୁନିଭର୍ସିଟି ଅଫ୍ ଇଷ୍ଟ ଆଙ୍ଗାଲିଆର ଗବେଷକମାନେ ଉଚ୍ଚ ରକ୍ତଚାପ ଔଷଧକୁ ୨୮ହଜାର ଆକ୍ରାନ୍ତଙ୍କ ଉପରେ ପରୀକ୍ଷଣ କରିଥିଲେ । କରେଣ୍ଟ ଆଥ୍ରୋସ୍କଲେରୋସିସ୍ ରିପୋର୍ଟ ନାମକ ଏକ ପତ୍ରିକାରେ ପ୍ରକାଶିତ ଅଧ୍ୟୟନରେ କୁହାଯାଇଛି ଯେ, ଉଚ୍ଚ ରକ୍ତଚାପର ଔଷଧ ଆଞ୍ଜିୟୋଟିସିନ୍-କନଭର୍ଜିଂ ଏନଜାଇମ୍ ଇନହାବିଟର୍ସ ଏବଂ ଆଞ୍ଜିୟୋଟିସିନ୍ ରିସେପ୍ଟର ବ୍ଲକର୍ସରେ ବ୍ୟବାହର କରୁଥିବା ରୋଗୀଙ୍କଠାରେ କରୋନା ଜନିତ ମୃତ୍ୟୁ ଆଶଙ୍କା କମ୍ ରହିଛି ।

ୟୁନିଭର୍ସିଟି ଅଫ୍ ଇଷ୍ଟ ଆଙ୍ଗାଲିଆର ନୋବିକ୍ ମେଡିକାଲ ସ୍କୁଲ ତରଫରୁ ହୋଇଥିବା ଏହି ଅଧ୍ୟୟନରେ ସାମିଲ ଥିବା ପ୍ରମୁଖ ଗବେଷଣାକାରୀ ବୋସିଲିୟୋସ୍ ବୋସିଲିଓଉ କହିଛନ୍ତି ଯେ, ଉଚ୍ଚ ରକ୍ତଚାପରେ ପୀଡିତ ଏକ ତୃତୀୟାଂଶ କରୋନା ଆକ୍ରାନ୍ତଙ୍କ ମଧ୍ୟରୁ ଅନେକଙ୍କୁ ଏସିଇଆଇ ଓ ଏଆରବିଏସ ପ୍ରଦାନ କରାଯାଉଛି । ହୃଦୟ ରୋଗ, ଉଚ୍ଚ ରକ୍ତଚାପ ଓ ମଧୂମେହ ରୋଗୀଙ୍କୁ କରୋନା ବିପଦ ଥିବାରୁ ଏହି ଔଷଧ ପ୍ରଦାନ କରାଯାଉଛି ।

   Related Posts