Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||
  • ଭୁବନେଶ୍ବର : ବିନା ଛୁଞ୍ଚିରେ ଟିକା ନେବେ ଶିଶୁ, ଦୁଇଟି ଡୋଜ୍ ନେବା ପାଇଁ ପରାମର୍ଶ
  • ||
  • ଅନୁଗୋଳ : ପ୍ରାତଃ ଭ୍ରମଣରେ ଯାଇଥିବା ବେଳେ ପଡିଗଲେ ହାତୀ ହାବୁଡରେ, ଚାଲିଗଲା ଜୀବନ
  • ||

ଚୀନ୍ କମ୍ପାନୀଙ୍କୁ ଘାରିଲା ଭାରତୀୟଙ୍କ Boycott ଚିନ୍ତା, ପାଲରେ ସାଇନ୍ ବୋର୍ଡ ଘୋରାଉଛନ୍ତି ମୋବାଇଲ ଷ୍ଟୋର

28/06/2020 at 3:33 PM

ନୂଆଦିଲ୍ଲୀ ୨୮।୬:  ସୀମାରେ ଚୀନ୍‌ ସହ ଉତ୍ତେଜନା ଯେତିକି ବଢୁଛି ଦେଶରେ ‘ଚୀନ ବୟକଟ୍‌’ ଆନ୍ଦୋଳନ ମଧ୍ୟ ସେତିକି ବଢିବାରେ ଲାଗିଲାଣି। ଏଣୁ ଚାଇନା ବସ୍ତୁ ବିକ୍ରେତାମାନେ ଏବେ ସେମାନଙ୍କ ଦୋକାନ ବନ୍ଦ ଅଥବା ଦୋକାନରୁ ଚୀନ୍‌ ସାମଗ୍ରୀ କାଢିବାରେ ଲାଗିଛନ୍ତି। ଏଥିରେ ମୋବାଇଲ ବିକ୍ରେତାଙ୍କ ଚିନ୍ତା କିନ୍ତୁ ଦୂର ହେଉନି। ଏଣୁ ସେମାନଙ୍କ ଦୋକାନ ବାହାରେ ଲାଗିଥିବା ସାଇନ୍‌ ବୋର୍ଡକୁ ପାଲରେ ଘୋରାଇ ଦେଉଛନ୍ତି।

ଚୀନ୍‌ ସହ ଉତ୍ତେଜନା ଓ ଏଥିଯୋଗୁ ୨୦ ଜଣ ଭାରତୀୟ ଜବାନଙ୍କ ମୃତ୍ୟୁ ଘଟଣାକୁ ସାରା ଦେଶରେ ବିରୋଧ ହେଉଛି। ଏଣୁ ଲୋକେ ମୋବାଇଲ ଫୋନରୁ ଚୀନ୍‌ ଆପ୍‌ ଯେପରିକି ଟିକ୍‌ଟକ୍, ହେଲୋ, ୱିଙ୍ଗୋ ଲାଇଭ ଓ ପବଜୀ ଗେମ୍‌ ଅନଇନଷ୍ଟଲ କରିବାରେ ଲାଗିଛନ୍ତି। ଫଳରେ ଏହି ସବୁ ଆପରେ ମିଳୁଥିବା ବିଜ୍ଞାପନ ମଧ୍ୟ ହ୍ରାସ ହୋଇଛି। ଏଥିରେ ଅଲ ଇଣ୍ଡିଆ ମୋବାଇଲ ରିଟେଲର ଆସୋସିଏସନ (ଏଆଇଏମଆରଏ)  ଚୀନ୍‌ ମୋବାଇଲ କମ୍ପାନୀମାନଙ୍କୁ ଏକ ପତ୍ର ଲେଖିଥିବା ଜଣାପଡିଛି।

ଏଆଇଏମଆରଏ ପତ୍ରରେ ରିଟେଲ ଷ୍ଟୋର ମାନଙ୍କୁ ସେମାନଙ୍କ ଦୋକାନର ସାଇନବୋର୍ଡକୁ କିଛିମାସ ଲାଗି ଘୋରେଇ ରଖିବାକୁ ଅନୁମତି ଦେବା ନିମନ୍ତେ କହିଛନ୍ତି। ସୀମାରେ ଉତ୍ତେଜନା ପରେ ଚୀନ୍‌ ମୋବାଇଲ କମ୍ପାନୀମାନେ ଭାରତରେ ଗ୍ରାଉଣ୍ଡ ରିଏଲିଟି ଜାଣିବା ଲାଗି ପତ୍ର ଲେଖିଥିଲେ। ତା ଜବାବରେ ସଂଘ ସେମାନଙ୍କ ବ୍ରାଣ୍ଡ ଷ୍ଟୋରଗୁଡିକର ସାଇନବୋର୍ଡକୁ ଲୋକଙ୍କୁ ରୋଷରୁ ରକ୍ଷା କରିବା ବର୍ତ୍ତମାନର ପ୍ରଥମିକତା ବୋଲି ଜଣାଇ ଦେଇଛନ୍ତି। ଏଥିରେ ସେମାନଙ୍କ ଉତ୍ପାଦର ବିକ୍ରି ହ୍ରାସ ସୂଚନା ବି ଚୀନ୍‌ କମ୍ପାନୀମାନଙ୍କୁ ମିଳିଯାଇଛି।

   Related Posts