Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ଭାଇକୁ ରକ୍ଷା କରିବାକୁ ବାଘ ସହ ଲଢ଼ିଲେ ୧୪ ବର୍ଷର ବାଳକ : ସ୍ଥାନୀୟ ପୋଲିସ ଦ୍ୱାରା ସମ୍ମାନିତ

21/06/2019 at 4:10 PM

ଥାନେ ୨୧/୬ : ମହାରାଷ୍ଟ୍ର ଥାନେ ଅନ୍ତର୍ଗତ କର୍ପତୱାଡି ଗାଁରେ ଘଟିଛି ଏକ ଅଜବ ଘଟଣା ଯାହା ଶୁଣିଲେ ଆପଣଙ୍କ ମଧ୍ୟ ଲୋମ ଟାଙ୍କୁରୀ ଉଠିବ । ୧୪ ବର୍ଷର ନରେଶ ଏବଂ ୭ବର୍ଷ ହର୍ଷଦ ନିଜ ଆଇଙ୍କ ସହ ତାଙ୍କ ଫାର୍ମରେ ଖେଳୁଥିଲେ । ଫାର୍ମଟି ମୁରବାଦ ଅଭୟାରଣ୍ୟ ନିକଟରେ ଥିଲା । ପିଲାଙ୍କ ଆଇ ନିଜ କାମରେ ବ୍ୟସ୍ତ ଥିବାବେଳେ ଦୁଇ ଭାଇ କୋଳି ଖୋଜିବାକୁ ବାହାରିଗଲେ । ଏତିକିବେଳେ ଏକ ଚିତାବାଘ ଏକ ବୁଦା ପଛପଟରେ ଲୁଚି ରହିଥିଲା । ବାଘ ୨ ଭାଇଙ୍କୁ ନିରୀକ୍ଷଣ କରୁଥିଲା । ବାଘଟି ହଠାତ ୭ ବର୍ଷର ହର୍ଷଦ ଉପରକୁ ଝାମ୍ପି ପଡିଥିଲା ।

ଏହା ଦେଖି ନରେଶ ଗୋଟିଏ ମୁହୂର୍ତ୍ତ ବିଳମ୍ବ ନକରି ବାଘ ଉପରକୁ ପଥର ମାଡ କରିଥିଲା ଏବଂ ସେହି ଜାଗାରେ ଛିଡା ରହିଲା । ନିଜ ପାଖରେ ଯାହା ପାଇଲା ନରେଶ ବାଘ ଉପରକୁ ଫୋପାଡ଼ିଲା । ନରେଶ ନିଜ ଆଇଙ୍କୁ ମଧ୍ୟ ଡାକ ପକାଇଥିଲା । ନରେଶର ପାଟି ଶୁଣି ଆଇ ନିଜ କାମ ଛାଡି ଦୌଡ଼ି ଆସିଥିଲେ । ଉଭୟଙ୍କୁ ଦେଖି ବାଘଟି ହର୍ଷଦକୁ ଛାଡି ଜଙ୍ଗଲ ଭିତରକୁ ଚାଲିଯାଇଥିଲା ।

ଘଟଣାର ପରଦିନ ସେହି ଚିତା ଘଟଣାସ୍ଥଳରୁ ୩୦୦ ମିଟର ଦୂରରେ ମୃତ ଅବସ୍ଥାରେ ଠାବ ହୋଇଥିଲା । ତେବେ ବାଘଟି ବୃଦ୍ଧାବସ୍ଥା ଯୋଗୁଁ ପ୍ରାଣ ହରାଇଥିବା ବନ ବିଭାଗ କର୍ମଚାରୀ କହିଛନ୍ତି । ନରେଶର ସାହାସିକତା ପାଇଁ ସେଠାକାର ପୋଲିସ ତାଙ୍କୁ ସମ୍ମାନିତ କରିଥିଲେ ।

   Related Posts