Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ଟ୍ରାନ୍ସଫର୍ମର ଉପରେ ଛିଡା ହୋଇଛି ୫ବର୍ଷର ଶିଶୁ, ଆୟୁଷ ଥିଲା ବୋଲି ନେଇପାରିଲାନି ଯମ

26/05/2020 at 8:20 AM

ଯାଜପୁର ୨୬।୦୫ : ଯାଜପୁର ଜିଲ୍ଲା କୋରେଇ ବ୍ଲକ ରଗଡ଼ି ପଲିଟେକ୍‌ନିକ ନିକଟରେ ସୋମବାର ଅପରାହ୍ଣରେ ଏକ ଟ୍ରାନ୍ସଫର୍ମର ନିକଟରେ ଲୋକଙ୍କ ଭିଡ଼ ଜମିଥିଲା । ସମସ୍ତେ ଉପରକୁ ଚାହିଁ ରହିଥିଲେ । ଟ୍ରାନ୍ସଫର୍ମର ଖୁଣ୍ଟି ଅଗ୍ରରେ ଛିଡ଼ା ହୋଇଥିଲା ଏକ ଶିଶୁପୁତ୍ର । ବୟସ ୫ କି ୬ବର୍ଷ ହେବ । ସମସ୍ତେ ଠାକୁରଙ୍କ ପ୍ରାର୍ଥନାକୁ କରୁଥିଲେ ଶିଶୁଟି ସୁରକ୍ଷିତଭାବେ ତଳକୁ ଆସୁ । ଏପରି ଦୃଶ୍ୟ ଅନେକ ଲୋକଙ୍କ ଲୋମ ଟାଙ୍କୁରି ଉଠିଥିଲା । ଶିଶୁଟି କିପରି ଏପରି ଏକ ବିପଦପୂର୍ଣ୍ଣ ସ୍ଥାନରେ ପହଞ୍ଚିଲା ତାକୁ ନେଇ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ଭାଗ୍ୟକୁ ଏହି ସମୟରେ କରେଣ୍ଟ ନଥିଲା । ଲୋକେ ବହୁବାର ଡାକିବା ପରେ ଶିଶୁଟି ତଳକୁ ଓହ୍ଲାଇଥିଲା । ଏହାପରେ ଲୋକଙ୍କ ଚେତା ପଶିଥିଲା ।

ତଳକୁ ଓହ୍ଲାଇବା ପରେ ଜଣାପଡ଼ିଥିଲା ଯେ, ଶିଶୁଟିର ଘର ସେଇ ନିକଟରେ । ଆଦିବାସୀ ଶ୍ରେଣୀର ଏହି ଶିଶୁଟି ଅଧିକାଂଶ ସମୟରେ ଏଠାରେ ବୁଲାବୁଲି କରେ । ରାସ୍ତାରେ ଯାଉଥିବା ଗାଡ଼ି ଦେଖିବା ପାଇଁ ସେ ଖୁଣ୍ଟ ଉପରକୁ ଚଢ଼ି ଯାଇଥିଲା । ହେଲେ ଏହା ଟ୍ରାନ୍ସଫର୍ମର ଖୁଣ୍ଟ । ବିଦ୍ୟୁତ୍‌ ସଂସ୍ପର୍ଶରେ ଆସିଲେ ତା’ ଜୀବନ ଯାଇପାରେ ତାହା ତାକୁ ଜଣାନଥିଲା । ଖୁଣ୍ଟ ଉପରେ ଛିଡ଼ା ହୋଇ ଶିଶୁଟି ଗାଡ଼ି ଦେଖୁଥିବା ବେଳେ ନିକଟରେ ବୁଲୁଥିବା ଜଣେ ବ୍ୟକ୍ତି ତାକୁ ଦେଖିଥିଲେ । ଏହାପରେ ତାକୁ ତଳକୁ ଓହ୍ଲାଇବା ପାଇଁ ଯେତେ କହିଲେ ବି ସେ ଓହ୍ଲାଇନଥିଲା ।

ଦେଖୁ ଦେଖୁ ସଙ୍ଗେସଙ୍ଗେ ବହୁ ଲୋକ ରୁଣ୍ଡ ହୋଇଯାଇଥଲେ । କ’ଣ କରିବେ କେହି ଭାବି ପାରୁନଥିଲେ । ବିପଦ ମୁହଁରୁ ପିଲାଟି କିପରି ସୁରକ୍ଷିତ ଫେରିବ ସମସ୍ତଙ୍କ ମନରେ ସେହି ଚିନ୍ତା ଥିଲା । ଯୋଗକୁ ଏହି ସମୟରେ କରେଣ୍ଟ ନଥିଲା । କୌଣସି ମୁହୂର୍ତ୍ତରେ କରେଣ୍ଟ ଆସିବାର ସମ୍ଭାବନା ରହିଥିଲା । ଏହାପରେ ଲୋକମାନେ ବହୁବାର ତାକୁ କହିବା ପରେ ଶିଶୁଟି ତଳକୁ ଓହ୍ଲାଇ ଆସିଥିଲା । ନିଶ୍ଚିତ ମୃତ୍ୟୁ ମୁଖରୁ ଶିଶୁଟି ଫେରିଥିବା ବେଳେ ରଖେ ହରି ତ ମାରେ କିଏ ବୋଲି ସ୍ଥାନୀୟ ଲୋକେ କୁହାକୁହି ହେଉଥିବା ଶୁଣିବାକୁ ମିଳିଥିଲା ।

   Related Posts