Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

‘ଟଙ୍କା ଦିଅ ନହେଲେ ପୋଷ୍ଟ କରିଦେବି ନଗ୍ନ ଫଟୋ’: ୧୦୦ ଯୁବତୀଙ୍କୁ ବ୍ଳାକମେଲ୍‌ କରି ଯୁବକ ଗିରଫ

30/12/2020 at 8:50 PM

ନୂଆଦିଲ୍ଲୀ ୩୦/୧୨: ଟଙ୍କା ନଦେଲେ ସୋସିଆଲ୍‌ ମିଡିଆରେ ମିଳୁଥିଲା ଅଶ୍ଳୀଳ ଫଟୋ ପୋଷ୍ଟ କରିବାର ଧମକ। ସୋସିଆଲ ମିଡିଆରେ ପାଖାପାଖି ୧୦୦ ଯୁବତୀଙ୍କୁ ଏଭଳି ଧମକପୂର୍ଣ୍ଣ ମେସେଜ୍‌ କରି ପୋଲିସ ହାତରେ ଧରାପଡ଼ିଲା ଯୁବକ। ଅଭିଯୁକ୍ତର ନାଁ ସୁମିତ ଝା। ସୁମିତର ଘର ନୋଏଡା ବୋଲି ଜଣାପଡ଼ିଛି। ମହିଳାଙ୍କୁ ସୋସିଆଲ ମିଡିଆରେ ଟଙ୍କା ପାଇଁ ଧମକ ଦେଇ ୨୦୧୮ରେ ଛତିଶଗଡ଼ ଓ ନୋଏଡା ପୋଲିସ ହାତରେ ବି ଧରାପଡ଼ିଥିଲା।

ମିଳିଥିବା ସୂଚନା ଅନୁସାରେ ସୁମିତ ପ୍ରଥମେ ଯୁବତୀମାନଙ୍କ ଫଟୋ ସଂଗ୍ରହ କରି ସେଗୁଡ଼ିକୁ ନଗ୍ନ ଭାବେ ସଜାଉଥିଲା। ପରେ ନକଲି ଆଇଡି ଖୋଲି ଯୁବତୀମାନଙ୍କୁ ଟଙ୍କା ମାଗୁଥିଲା। ଏହା ସହ ଟଙ୍କା ନଦେଲେ ସେମାନଙ୍କ ନଗ୍ନ ଫଟୋ ପୋଷ୍ଟ କରିଦେବା ବୋଲି ମଧ୍ୟ ଧମକ ଦେଉଥିଲା ସୁମିତ।

ତେବେ ସୁମିତର କଳା କାରନାମା ବେଶି ଦିନ ଚାଲିପାରିନଥିଲା। ଜଣେ ମହିଳା ବ୍ୟାଙ୍କ ମ୍ୟାନେଜରଙ୍କୁ ନିଜ ଜାଲରେ ପକାଇବାକୁ ଯାଇ ପୋଲିସ୍‌ ପଞ୍ଝାରେ ପଡ଼ିଲା ସୁମିତ। ମହିଳା ବ୍ୟାଙ୍କ ମ୍ୟାନେଜରଙ୍କୁ ସମାନ ଢ଼ଙ୍ଗରେ ଧମକ ଦେଇଥିଲା ସୁମିତ । କିନ୍ତୁ ମହିଳା ଜଣଙ୍କ ଏନେଇ ଥାନାରେ ଅଭିଯୋଗ କରିଥିଲେ।

ମହିଳାଙ୍କ ଅଭିଯୋଗ ପାଇବା ପରେ ପୋଲିସ ଛାନଭିନ୍‌ ଆରମ୍ଭ କରିଥିଲା। ସୁମିତ କିନ୍ତୁ ଦୁଇ ପାଦ ଆଗରେ ଥିଲା। ସେ ସମସ୍ତ ମହିଳାଙ୍କୁ ହ୍ବାଟ୍ସଆପ୍‌ ଓ ଅନ୍ୟ ଆପ୍‌ରେ କଲ୍‌ କରୁଥିଲା। ତେଣୁ ତାର ଲୋକେସନ୍‌ ଟ୍ରାକ୍‌ କରିବା ମୁସକିଲ ହେଉଥିଲା। କିନ୍ତୁ ପୋଲିସ୍‌ ପ୍ରଯୁକ୍ତିବିଦ୍ୟାର ବ୍ୟବହାର କରି ଶେଷରେ ମଙ୍ଗଳବାର ଦିନ ସୁମିତକୁ କାବୁ କରିଛି। ଏନେଇ ଦକ୍ଷିଣ ଦିଲ୍ଲୀ ଡିସିପି ଅତୁଲ ଠାକୁର ସୂଚନା ଦେଇଛନ୍ତି।

   Related Posts