Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରୋଞ୍ଚ ପଦକ ସହ ସ୍ଵଦେଶ ଫେରିଲେ ପିଭି ସିନ୍ଧୁ, ଦିଲ୍ଲୀ ଏୟାରପୋର୍ଟରେ ହେଲା ଭବ୍ୟ ସ୍ଵାଗତ
  • ||
  • ପାକିସ୍ତାନ ଉପରେ ଲାଗିଲା ଲଗାମ ! ମାର୍ଚ୍ଚରେ ଘଟିନାହିଁ ଗୋଟିଏ ବି ଅସ୍ତ୍ରବିରତି ଉଲ୍ଲଂଘନ ଘଟଣା, ଜୁନରେ କେବଳ ଦୁଇ
  • ||
  • ବୁଧବାରଠୁ ଭାରତ-ଇଂଲଣ୍ଡ ଟେଷ୍ଟ୍ ସିରିଜ୍ : ଟିମ୍ ଇଣ୍ଡିଆର ଜୋରଦାର ଅଭ୍ୟାସ, ଓପନିଂ ଯୋଡିକୁ ନେଇ ଚିନ୍ତାରେ ବିରାଟ
  • ||
  • କଟକ : କାଲିଠୁ ଖୋଲିବ କଟକ ଜିଲ୍ଲାରେ ସମସ୍ତ ଧର୍ମାନୁଷ୍ଠାନ, ଜିଲ୍ଲାପାଳ ଦେଲେ ସୂଚନା
  • ||
  • ପାଟଣା : ପାଟଣାରେ କଳା ପଲସର୍ ଆତଙ୍କ, ବାଇକ୍ ଡିକି ଭାଙ୍ଗି ଲୁଟିନେଲେ ୪ଲକ୍ଷ ଟଙ୍କା
  • ||
  • ଭୁବନେଶ୍ବର : ନିଜ ବନ୍ଧୁକରୁ ନିଜକୁ ଗୁଳିକଲେ ସିକ୍ୟୁରିଟି ଗାର୍ଡ, ପାରିବାରିକ କଳହ ଯୋଗୁଁ ଆତ୍ମହତ୍ୟା ସନ୍ଦେହ
  • ||
  • ବାଇକକୁ ଧକ୍କା ଦେଲା ଟ୍ରକ୍, ରାସ୍ତାରେ ଛଟଛଟ ହୋଇ ଚାଲିଗଲା ଭଣଜା, ହସ୍ପିଟାଲରେ ଆଖିବୁଜିଲା ମାମୁଁ…
  • ||
  • କଟକ : ତପ୍ତପାଣି ଘାଟିରେ ଦୁର୍ଘଟଣା, ଭାରସାମ୍ୟ ହରାଇ ଓଲଟିଲା ମକା ଓ କପା ବୋଝେଇ ଦୁଇ ଟ୍ରକ୍
  • ||
  • ଭୁବନେଶ୍ବର : ସିବିଏସ୍‌ଇ ଦ୍ବାଦଶ ପରୀକ୍ଷାରେ ଟପ୍ପର ହେଲେ ଓଡିଆ ଝିଅ ଅମ୍ରିତା
  • ||
  • ଆଠଗଡ : ଟିକା ନପାଇ ଫେରିଲେ ଲୋକେ, ୨ ଦିନ ଧରି ଆଠଗଡ ବ୍ଲକ୍ ଅଞ୍ଚଳରେ ଟିକଦାନ ବନ୍ଦ
  • ||

ପୁଅ-ଝିଅଙ୍କର ସମ୍ପତ୍ତି ଅଧିକାର ଅଧା ଅଧା : ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ, ବାପାଙ୍କ ସମ୍ପତ୍ତିରେ ଝିଅର ଭାଗ ସମାନ, କୌଣସି ପରିସ୍ଥିତିରେ ବି ସେ ହେବନି ବଞ୍ଚିତ

11/08/2020 at 3:51 PM

ନୁଆଦିଲ୍ଲୀ, ୧୧|୦୮  ଝିଅମାନେ ମଧ୍ୟ ପୈତୃକ ସମ୍ପତ୍ତି ଉପରେ ଅଧିକାର ସାବ୍ୟସ୍ତ କରିପାରିବେ । ଝିଅମାନଙ୍କୁ ମଧ୍ୟ ଅଧା ସମ୍ପତ୍ତି ମିଳିବ ବୋଲି କହିଛନ୍ତି ସୁପ୍ରିମକୋର୍ଟ ।  ହିନ୍ଦୁ ଉତ୍ତରାଧିକାର ଅଧିନିୟମ ୨୦୦୫ ଲାଗୁ ହେବା ପୂର୍ବରୁ ପିତାଙ୍କ ମୃତ୍ୟୁ ହୋଇଗଲେ ମଧ୍ୟ ହିନ୍ଦୁ ମହିଳାଙ୍କୁ ନିଜ ପିତାଙ୍କ ସମ୍ପତ୍ତିର ବରାବର ଅଂଶ ମିଳିବ ।

ସୂଚନାନୁସାରେ, ୨୦୦୫ରେ ଆଇନ ହୋଇଥିଲା ଯେ, ପୁଅ ଏବଂ ଝିଅଙ୍କୁ ପିତାଙ୍କ ସମ୍ପତ୍ତିର ସମ୍ମାନ ଅଧିକାର ମିଳିବ । କିନ୍ତୁ ୨୦୦୫ ପୂର୍ବରୁ ପିତାଙ୍କ ମୃତ୍ୟୁ ହୋଇଥିଲେ ଏହି ନିୟମ ଲାଗୁ ହେବ ନା ନାହିଁ ତାହା ସ୍ପଷ୍ଟ ହୋଇନଥିଲା । ମଙ୍ଗଳବାର ଜଷ୍ଟିସ ଅରୁଣ ମିଶ୍ରଙ୍କ ନେତୃତ୍ୱରେ ଗଠିତ ବେଞ୍ଚ୍ ନିଷ୍ପତ୍ତି ନେଇଛନ୍ତି ଯେ, ଏହି ନିୟମ ସବୁ ପରିସ୍ଥିତିରେ ଲାଗୁ ହେବ । ପିତାଙ୍କ ଦେହାନ୍ତ ୨୦୦୫ ପୂର୍ବରୁ ହୋଇଥିଲେ ମଧ୍ୟ ଉଭୟ ପୁଅ ଓ ଝିଅଙ୍କୁ ବରାବର ଅଧିକାର ମିଳିବ ।

ସୂଚନାଯୋଗ୍ୟ, ୨୦୦୫ରେ ହିନ୍ଦୁ ଉତ୍ତରାଧିକାର ଆଇନ ୧୯୫୬ରେ ସଂଶୋଧନ କରାଯାଇଥିଲା । ଏଥିରେ ପୈତୃକ ସମ୍ପତ୍ତିରେ ଝିଅଙ୍କୁ ମଧ୍ୟ ବରାବର ଅଂଶ ମିଳିବ ବୋଲି କୁହାଯାଇଥିଲା । ବିବାହ ସହ ଏହାର କୌଣସି ସମ୍ପର୍କ ନାହିଁ । ଝିଅମାନେ ମଧ୍ୟ ପିତାଙ୍କ ସମ୍ପତ୍ତି ଉପରେ ଅଧିକାର ସାବ୍ୟସ୍ତ କରିପାରିବେ ବୋଲି କୋର୍ଟ କହିଥିଲେ ।

ହିନ୍ଦୁ ଆଇନ ଅନୁସାରେ ସମ୍ପତ୍ତି ୨ ପ୍ରକାରର ହୋଇପାରେ । ଗୋଟିଏ ହେଉଛି ପିତା କିଣିଥିବା ସମ୍ପତି ଓ ଅନ୍ୟଟି ପୈତୃକ ସମ୍ପତ୍ତି । ଯାହା ୪ ପିଢୀ ଧରି ମିଳି ଆସୁଥାଏ । ନିୟମାନୁସାରେ, ପୁଅ କିମ୍ବା ଝିଅ ହେଲେ ମଧ୍ୟ ଏପରି ସମ୍ପତ୍ତି ଉପରେ ବରାବର ଅଧିକାର ରହିବ । ତେବେ ଯଦି ପିତା ନିଜ ଟଙ୍କାରେ ଫ୍ଲାଟ କିମ୍ବା ଘର କିଣିଥାନ୍ତି ତେବେ ସେ ନିଜ ଇଚ୍ଛାରେ ଏହି ସମ୍ପତ୍ତି କାହାକୁ ମଧ୍ୟ ପ୍ରଦାନ କରିପାରିବେ । ଏଥିରେ ଝିଅ ଆପତ୍ତି ପ୍ରକାଶ କରିପାରିବେ ନାହିଁ । ଯଦି ପିତାଙ୍କ ମୃତ୍ୟୁ ଘଟେ ତେବେ ମୃତ୍ୟୁ ପରେ ସମ୍ପତ୍ତି ଉପରେ ଉଭୟ ପୁଅ ଓ ଝିଅଙ୍କ ବରାବର ଅଧିକାର ରହିବ ।

   Related Posts