ଏଫଆଇଚ୍ ଅଲିମ୍ପିକ କ୍ୱାଲିଫାୟିଙ୍ଗ ମ୍ୟାଚ୍ ରେ ଭାରତୀୟ ହକିର ଉଭୟ ମହିଳା ଓ ପୁରୁଷ ଟିମ୍ ୨୦୨୦ ଟୋକିଓ ଅଲିମ୍ପିକ୍ ରେ ନିଜର ସ୍ଥାନ ସୁନିଶ୍ଟିତ କରିଛନ୍ତି। ଶନିବାର ଭୁବନେଶ୍ୱରରେ ଖେଳାଯାଇଥିବା ଅଲିମ୍ପିକ ଯୋଗ୍ୟତା ପର୍ଯ୍ୟାୟ ମ୍ୟାଚରେ ଓମେନ୍ସ ହକି ଟିମ ଆମେରିକାକୁ ୬-୫ ଏଗ୍ରିଗେଟ୍ ସ୍କୋରରେ ପରାସ୍ତ କରି ନିଜର ସ୍ଥାନ ସୁରକ୍ଷିତ କରିଥିବା ବେଳେ ପୁରୁଷ ଟିମ୍ ଋଷିଆକୁ ୧୧-୩ ଏଗ୍ରିଗେଟ୍ ରେ ପରାସ୍ତ କରି ଟୋକିଓ ଅଲିମ୍ପିକରେ ନିଜର ସ୍ଥାନ ପକ୍କା କରିଛି।

{"id":178323,"width":573,"height":425}

ଯୋଗ୍ୟତା ପର୍ଯ୍ୟାୟ ମ୍ୟାଚ୍ ରେ ମହିଳା ହକି ଟିମ ଆମେରିକାକୁ ଭେଟିଥିଲା। ଏଥିରେ ଭାରତୀୟ ଟିମ ୪-୧ରେ ପରାଜୟର ସମ୍ମୁଖୀନ ହୋଇଥିଲେ ହେଁ ପୂର୍ବ ମ୍ୟାଚ୍ ରେ ୫-୧ବିଜୟ ଆଧାରରେ ଆମେରିକାକୁ ୬-୫ ଏଗ୍ରିଗେଟ୍ ସ୍କୋରରେ ହରାଇଛି। ଦ୍ୱିତୀୟ ମ୍ୟାଚ୍ ରେ ଅଧିନାୟକ ରାନୀ ରାମପାଲ ଏକମାତ୍ର ନିର୍ଣ୍ଣାୟକ ଗୋଲ ସ୍କୋର କରି ଟିମ ଲାଗି ଅଲିମ୍ପିକ ଟିକେଟ୍ ନିଶ୍ଚିତ କରିଥିଲେ। ରିଓ-ଡି-ଜେନରିଓ ଅଲିମ୍ପିକର ୩୬ ବର୍ଷ ପରେ ଭାରତୀୟ ମହିଳା ହକି ଦଳ ଦ୍ୱିତୀୟବାର ଟୋକିଓ ଅଲିମ୍ପିକରେ ଭାଗ ନେବ।

{"id":178324,"width":576,"height":626}

ସେପଟେ ପୁରୁଷ ହକି ଟିମ୍ ବିଶ୍ୱର ୨୨ ନମ୍ବର ହକି ଟିମ୍ ଋଷିଆକୁ ଭେଟିଥିବା ବେଳେ ୧୧-୩ ଏଗ୍ରିଗେଟ୍ ରେ ପରାସ୍ତ କରି ଅଲିମ୍ପିକରେ ନିଜର ସ୍ଥାନ ସୁନିଶ୍ଚିତ କରିଛି। ପୂର୍ବରୁ ଫାଷ୍ଟ ଲେଗ୍ ରେ ଋଷି ଭାରତ ଠାରୁ ୪-୨ରେ ପରାସ୍ତ ହୋଇଥିଲା। ତେବେ ଶନିବାର ମ୍ୟାଚ୍ ଆରମ୍ଭରୁ ଭାରତ ଖେଳରେ ସାମାନ୍ୟତମ ତ୍ରୁଟି କରିନଥିଲା। ଆକାଶଦୀପ ସିଂହ ୨୩ ଓ ୨୯ ତମ ମିନିଟ୍ ରେ ଲାଗଲାଗ ଗୋଲ ସ୍କୋର କରିଥିବା ବେଳେ ୪୮ ଓ ୫୯ତମ ମିନିଟ୍ ରେ ଗୋଟିଏ କରି ଗୋଲ ସ୍କୋର କରିଥିଲେ। ସେହିପରି ଲଳିତ ଉପାଧ୍ୟାୟ, ନିଲକାନ୍ତ ଶର୍ମା, ଅମିତ ରୋହି ଦାସ ମଧ୍ୟ ପ୍ରତ୍ୟେକ ଗୋଟିଏ କରି ଗୋଲ ସ୍କୋର କରିବା ଋଷିଆକୁ ନିରାଶ କରିଛି।