ଭୁବନେଶ୍ବର ୫|୧୧:  ବେକାରୀ ସମସ୍ୟାକୁ ନେଇ ଆଜି ରାଜରାସ୍ତାକୁ ଓହ୍ଲାଇବ ଉଭୟ ବିଜେଡି ବିଜେପି । ନିଯୁକ୍ତି ନେଇ ରାଜ୍ୟ ସରାକରଙ୍କ ଉପରେ ବିଜେପି ଦୋଷ ଲଦୁଥିବା ବେଳେ କେନ୍ଦ୍ର ସରକାରଙ୍କ ଉପରେ ଦୋଷ ଲଦିଛି ବିଜେଡି । ୧୮ ବର୍ଷ ଭିତରେ ବିଜେଡି ସରକାର ନିଯୁକ୍ତି ଦେବାରେ ଫେଲ ମରିଥିବା ବିଜେପି ଅଭିଯୋଗ କରିଛି । ଯାହାକୁ ନେଇ ଆଜି ଏମ୍ପଲୟମେଣ୍ଟ ଏକ୍ସଜେଞ୍ଜ ଆଗରେ ତାଲା ପକାଇବାକୁ ଡାକରା ଦେଇଛି ବିଜେପି । ସେହିପରି କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ ଆଗରେ ବିଜେଡି ଯୁବ ଓ ଛାତ୍ର ବିକ୍ଷୋଭ କରିବ । ୨୦୧୪ରେ ଏମ୍ପୟମେଣ୍ଟ ଏକ୍ସଚେଞ୍ଜରେ ୨ଲକ୍ଷ୨୮ ହଜାର ଯୁବକ ଯୁବତୀ ପଞ୍ଜୀକରଣ କରିଥିଲେ । ସେମାନଙ୍କ ଭିତରୁ ମାତ୍ର ୧୧୪୪ ଜଣ ନିଯୁକ୍ତି ପାଇଛନ୍ତି । ନିଯୁକ୍ତି ମେଳା ନାଁ ୪୦ହଜାର ଯୁବକ ଯୁବତୀଙ୍କଠାରୁ ୧୦୦ଟଙ୍କା ଲେଖାଏଁ ଆଦାୟ ଟଙ୍କା କୁଆଡ଼େ ଗଲା ବୋଲି ପ୍ରଶ୍ନ କରିଛି ବିଜେପି । ସେପଟେ ୨କୋଟି ଯୁବକ ଯୁବତୀଙ୍କୁ ନିଯୁକ୍ତ ଦେବା ନେଇ ବିଜେପି ଯେଉଁ ପ୍ରତିଶ୍ରୁତି ଦେଇଥିଲା ତାହା କୁଆଡ଼େ ଗଲା ବୋଲି ଓଲଟା ପ୍ରଶ୍ନ କରଛି ବିଜେଡି।