Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

ଦାଦନ ଦୁଃଖ : ଆନ୍ଧ୍ରରେ ୫ଦିନ ହେଲା ବନ୍ଧା ପଡିଛନ୍ତି ୩ ଓଡିଆ, ୮୦ହଜାର ଟଙ୍କା ଲେଖାଏଁ ମୁଣ୍ଡ ଜାମିନ

2/02/2019 at 8:49 AM

ମୋହନା ୨|୨: ପୁଣିଥରେ ସାମ୍ନାକୁ ଆସିଛି ଦାଦନ ଦୁଃଖ । ଗଜପତି ମୋହନା ଥାନା ଅନ୍ତର୍ଗତ କିର୍ତିଙ୍ଗି ଗ୍ରାମର ୩ ଓଡିଆ, ପଡୋଶୀ ଆନ୍ଧ୍ର ପ୍ରଦେଶର ତିରୁମାଲାରେ ଜଣେ ବ୍ୟବସାୟୀଙ୍କ ପାଖରେ ପଣବନ୍ଦୀ ହୋଇ ରହିଛନ୍ତି । ୫ଦିନ ଧରି ଗୋଟିଏ ଘରେ ନଜରବନ୍ଦୀ ହୋଇ ଶ୍ରମିକ ମାନେ ଥିବା ପରିବାର ଲୋକେ ଅଭିଯୋଗ କରିବା ସହ ସେମାନଙ୍କୁ ସୁରକ୍ଷିତ ଭାବେ ଫେରାଇ ଆଣିବା ଲାଗି ପ୍ରଶାସନ ନିକଟରେ ଗୁହାରି କରିଛନ୍ତି ।

ସୂଚନା ଅନୁସାରେ ଗତ ୬ମାସ ତଳେ ଜିନସ ନାୟକ, ସାମୁଏଲ ଦଳାଇ ଓ ଅମର କରାଡ ଜଣେ ଦଲାଲଙ୍କ କଥାରେ ଲୁଗା ଫେରି କରି ବିକିବା କାମରେ ଆନ୍ଧ୍ର ପ୍ରଦେଶର ତିରୁମଲା ଯାଇଥିଲେ । କିଛି ଦିନ ସେଠାରେ କାମ କରିବା ପରେ ଗାଁକୁ ଫେରିବା ଲାଗି ସାହୁକାରଙ୍କୁ କହିବା ସହ ପାରିଶ୍ରମିକ ମଧ୍ୟ ଦାବି କରିଥିଲେ । ହେଲେ ସାହୁକାର ଶ୍ରମ ଟଙ୍କା ଦେବା ତ ଦୂରର କଥା ଗାଁକୁ ଫେରିବାକୁ ହେଲେ ପ୍ରତ୍ୟେକ ଶ୍ରମିକଙ୍କ ପିଛା ୮୦ହଜାର ଟଙ୍କା ଲେଖାଏଁ ଜମା କରିବା ଲାଗି ଦାବି କରିଛନ୍ତି । ଏହାସହ ଗୋଟିଏ ଘରେ ବନ୍ଦ ରଖି ନିର୍ଯାତନା ଦିଆଯାଉଥିବା ସେମାନେ ପରିବାର ଲୋକଙ୍କୁ ଜଣାଇଛନ୍ତି । ଫସି ରହିଥିବା ସମ୍ପର୍କୀୟଙ୍କୁ ଫେରାଇ ଆଣିବା ଲାଗି ଶ୍ରମ ଅଧିକାରୀଙ୍କ ନିକଟରେ ନିବେଦନ କରିଛନ୍ତି ।

ଶ୍ରମିକଙ୍କ ଫସି ରହିଥିବା ଖବର ଶ୍ରମ କମିଶନର ଜାଣିବା ପରେ ଘଟଣାକୁ ଗୁରୁତର ସହ ନେଇଛନ୍ତି । ଶ୍ରମ ଅଧୀକାରୀଙ୍କ ଜରିଆରେ ତଦନ୍ତ କରାଇବା ସହ କିଭଳି ଫସିରହିଥିବା  ଶ୍ରମିକମାନଙ୍କୁ ଉଦ୍ଧାର କରାଯିବ ସେନେଇ ଉଦ୍ୟମ କରାଯାଉଥିବା ଶ୍ରମ କମିଶନର ସୂଚନା ଦେଇଛନ୍ତି ।

ଦଲାଲ କବଳରେ ପଡି ଅନେକ ସମୟରେ ଶ୍ରମିକ ମାନେ ଦାଦନ ଖଟିବାକୁ ଯାଇ ବାହାର ରାଜ୍ୟରେ ନିର୍ଯାତନାର ଶୀକାର ହେଉଥିବାବେଳେ ଏହାକୁ ରୋକିବା ସହ ଫସି ରହିଥିବା ଶ୍ରମିକମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିବା ଜରୁରୀ ହୋଇପଡିଛି।

   Related Posts