ମୋହନା ୨|୨: ପୁଣିଥରେ ସାମ୍ନାକୁ ଆସିଛି ଦାଦନ ଦୁଃଖ । ଗଜପତି ମୋହନା ଥାନା ଅନ୍ତର୍ଗତ କିର୍ତିଙ୍ଗି ଗ୍ରାମର ୩ ଓଡିଆ, ପଡୋଶୀ ଆନ୍ଧ୍ର ପ୍ରଦେଶର ତିରୁମାଲାରେ ଜଣେ ବ୍ୟବସାୟୀଙ୍କ ପାଖରେ ପଣବନ୍ଦୀ ହୋଇ ରହିଛନ୍ତି । ୫ଦିନ ଧରି ଗୋଟିଏ ଘରେ ନଜରବନ୍ଦୀ ହୋଇ ଶ୍ରମିକ ମାନେ ଥିବା ପରିବାର ଲୋକେ ଅଭିଯୋଗ କରିବା ସହ ସେମାନଙ୍କୁ ସୁରକ୍ଷିତ ଭାବେ ଫେରାଇ ଆଣିବା ଲାଗି ପ୍ରଶାସନ ନିକଟରେ ଗୁହାରି କରିଛନ୍ତି ।

{"id":80831}

ସୂଚନା ଅନୁସାରେ ଗତ ୬ମାସ ତଳେ ଜିନସ ନାୟକ, ସାମୁଏଲ ଦଳାଇ ଓ ଅମର କରାଡ ଜଣେ ଦଲାଲଙ୍କ କଥାରେ ଲୁଗା ଫେରି କରି ବିକିବା କାମରେ ଆନ୍ଧ୍ର ପ୍ରଦେଶର ତିରୁମଲା ଯାଇଥିଲେ । କିଛି ଦିନ ସେଠାରେ କାମ କରିବା ପରେ ଗାଁକୁ ଫେରିବା ଲାଗି ସାହୁକାରଙ୍କୁ କହିବା ସହ ପାରିଶ୍ରମିକ ମଧ୍ୟ ଦାବି କରିଥିଲେ । ହେଲେ ସାହୁକାର ଶ୍ରମ ଟଙ୍କା ଦେବା ତ ଦୂରର କଥା ଗାଁକୁ ଫେରିବାକୁ ହେଲେ ପ୍ରତ୍ୟେକ ଶ୍ରମିକଙ୍କ ପିଛା ୮୦ହଜାର ଟଙ୍କା ଲେଖାଏଁ ଜମା କରିବା ଲାଗି ଦାବି କରିଛନ୍ତି । ଏହାସହ ଗୋଟିଏ ଘରେ ବନ୍ଦ ରଖି ନିର୍ଯାତନା ଦିଆଯାଉଥିବା ସେମାନେ ପରିବାର ଲୋକଙ୍କୁ ଜଣାଇଛନ୍ତି । ଫସି ରହିଥିବା ସମ୍ପର୍କୀୟଙ୍କୁ ଫେରାଇ ଆଣିବା ଲାଗି ଶ୍ରମ ଅଧିକାରୀଙ୍କ ନିକଟରେ ନିବେଦନ କରିଛନ୍ତି ।

{"id":80832}

ଶ୍ରମିକଙ୍କ ଫସି ରହିଥିବା ଖବର ଶ୍ରମ କମିଶନର ଜାଣିବା ପରେ ଘଟଣାକୁ ଗୁରୁତର ସହ ନେଇଛନ୍ତି । ଶ୍ରମ ଅଧୀକାରୀଙ୍କ ଜରିଆରେ ତଦନ୍ତ କରାଇବା ସହ କିଭଳି ଫସିରହିଥିବା  ଶ୍ରମିକମାନଙ୍କୁ ଉଦ୍ଧାର କରାଯିବ ସେନେଇ ଉଦ୍ୟମ କରାଯାଉଥିବା ଶ୍ରମ କମିଶନର ସୂଚନା ଦେଇଛନ୍ତି ।

{"id":80833}

ଦଲାଲ କବଳରେ ପଡି ଅନେକ ସମୟରେ ଶ୍ରମିକ ମାନେ ଦାଦନ ଖଟିବାକୁ ଯାଇ ବାହାର ରାଜ୍ୟରେ ନିର୍ଯାତନାର ଶୀକାର ହେଉଥିବାବେଳେ ଏହାକୁ ରୋକିବା ସହ ଫସି ରହିଥିବା ଶ୍ରମିକମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିବା ଜରୁରୀ ହୋଇପଡିଛି।