କଳାହାଣ୍ଡି ୧୩।୧୨: କଳାହାଣ୍ଡିରୁ ପୁଣି ଆସିଛି ଦାଦନ ଦୁଃଖ ।୫୦ ହଜାର ଟଙ୍କା ପାଇଁ ଦଲାଲ ପାଖରେ ବନ୍ଧା ପଡିଛନ୍ତି ୨ ଦାଦନ ଶ୍ରମିକ । ବନ୍ଧକ ପଡିଥିବା ଶ୍ରମିକଙ୍କ ମୁକ୍ତି ପାଇଁ ପ୍ରଶାସନ ନିକଟରେ ପରିବାରଲୋକ ଫେରାଦ ହୋଇଛନ୍ତି ।
{"id":197071,"sizeSlug":"large"}ସୂଚନାଯୋଗ୍ୟ ଯେ, କଲମପୁର ବ୍ଲକର ୮ଜଣ ଶ୍ରମିକଙ୍କୁ ଅଧିକ ରୋଜଗାରର ଲୋଭ ଦେଖାଇ ଦଲାଲ ମନୋଜ ଦଳପତି ମୁମ୍ବାଇ ନେଇଥିଲେ । ସେଠାରେ ଠିକାଦାରଙ୍କ ଅକଥନୀୟ ନିର୍ଯାତନା ସହି ନପାରି ଜୀବନ ବିକଳରେ ଗାଁକୁ ଚାଲିଆସିଥିଲେ ୬ ଶ୍ରମିକ । ହେଲେ ଏବେବି ବ୍ରାହ୍ମଣକେନ୍ଦୁଗୁଡା ଗାଁର ରୂପେନ୍ଦ୍ର ମାଝୀ ଓ ହାରାଲାଲ ଗାଁର ନରୋତ୍ତମ ଶବର ଦଲାଲ ନିକଟରେ ବନ୍ଧା ପଡିଛନ୍ତି । ମୁକୁଳି ଆସିଥିବା ଶ୍ରମିକଙ୍କ ଅଭିଯୋଗ ଆଧାରରେ ସ୍ଥାନୀୟ ସମାଜସେବୀ ଦଲାଲ ସହ କଥା ହୋଇଥିଲେ । ଶ୍ରମିକଙ୍କ ନାଁରେ ଦିଆଯାଇଥିବା ୫୦ ହଜାର ଟଙ୍କା ମିଳିବା ପରେ ସେମାନଙ୍କୁ ଛଡାଯିବ ବୋଲି ରୋକଠୋକ ଶୁଣାଇ ଦେଇଛି ଦଲାଲ । ସେପଟେ ବନ୍ଧକ ପଡିଥିବା ଶ୍ରମିକଙ୍କ ପରିବାର ଲୋକ ନ୍ୟାୟ ପାଇଁ ଜିଲ୍ଲାପାଳ ଓ ଏସପିଙ୍କ ଦ୍ବାରସ୍ଥ ହୋଇଛନ୍ତି ।