କଳାହାଣ୍ଡି ୨୭।୧୧: ତାମିଲନାଡୁରେ ସଡକ ଦୁର୍ଘଟଣାରେ ଓଡିଆ ଦାଦନ ଶ୍ରମିକଙ୍କ ମୃତ୍ୟୁ ହୋଇଛି । ଶୁକ୍ରବାର ଦାଦନ ଶ୍ରମିକଙ୍କ ଶବ ଗାଁକୁ ଫେରିଛି । ମୃତକ ହେଲେ ବାଲିଗୁଡା ଗାଁର ଘାସେ ମାଝୀ । ମୃତକ ଗତ ୩ ବର୍ଷ ହେବ ତୀରପୁର ଜିଲ୍ଲାର ଏକ କ୍ରସରରେ କାମ କରୁଥିଲେ । ଏକ ସଡ଼କ ଦୁର୍ଘଟଣାରେ ଶ୍ରମିକଙ୍କ ମୃତ୍ୟୁ ଦର୍ଶାଇ କ୍ରସର ମାଲିକ ଆମ୍ବୁଲାନ୍ସରେ ଶବ ଗାଁକୁ ପହଞ୍ଚାଇ ଦେଇଛି । ହେଲେ ମୃତକଙ୍କ ସ୍ତ୍ରୀ ଓ ତିନି ବର୍ଷର ଶିଶୁ ସହ ବୃଦ୍ଧ ବାପା-ମାଙ୍କ ଭରଣପୋଷଣ ପାଇଁ ସରକାରୀ ସହାୟତା ଲାଗି ନିବେଦନ କରିଛନ୍ତି ପରିବାର ଓ ଗ୍ରାମବାସୀ ।