କଟକ ୨୨।୧୧ -  କଟକ ଓଡିଆ ବଜାରରେ ବୋମା ମାଡ । ଏସ୍ କେ ବାବୁ ନାମକ ଜଣେ ବ୍ୟକ୍ତିଙ୍କ ଘର ଉପରକୁ ଦୁର୍ବୃତ୍ତ ମାନେ ଦୁଇଟି ବୋମା ଫିଙ୍ଗି ଫେରାର ହୋଇଯାଇଛନ୍ତି।ଏସ୍ କେ ବାବୁଙ୍କ କହିବା ଅନୁସାରେ ଗୋଟିଏ ବାଇକ୍ ରେ ତିନି ଜଣ ଆସି ତାଙ୍କ ଘର ଉପରକୁ ଦୁଇଟି ବୋମା ଫୋପାଡିଥିଲେ।

{"id":188345,"sizeSlug":"large"}

ଗୋଟିଏ ବୋମା ଫୁଟି ଥିବା ବେଳେ ଆଉ ଗୋଟିଏ ବୋମା ପାଣିରେ ପଡିଯାଇଥିଲା। ତେବେ ବୋମା ମାଡରେ କାହାର କିଛି କ୍ଷତି ଘଟି ନାହିଁ।ଏସ୍ କେ ବାବୁଙ୍କ କହିବା ଅନୁସାରେ ଘର କଳିରୁ ଏପରି ବୋମା ମାଡ ହୋଇଥିବା ସେ ସନ୍ଦେହ କରୁଛନ୍ତି। ଆଜି ସକାଳେ ଏସ୍ କେ ବାବୁଙ୍କ ପୁତୁରାମାନଙ୍କ ସହ ସ୍ଥାନୀୟ ଅଞ୍ଚଳର କିଛି ଯୁବକଙ୍କ ପାଟି ତୁଣ୍ଡ ହୋଇଥିଲା। ସେହି କାରଣରୁ ବୋମା ମାଡ ହୋଇଥିବା ସନ୍ଦେହ କରାଯାଉଛି । ଏହି ଘଟଣାରେ ଦୁଇ ଜଣ ଯୁବକଙ୍କୁ ଅଟକ ରଖି ପୋଲିସ୍ ପଚରା ଉଚରା କରୁଛି।.