ପୁରୀ ୨୧।୪: ପୁରୀ ଜିଲ୍ଲା ବ୍ରହ୍ମଗିରି ଥାନା ଅନ୍ତର୍ଗତ ବଡବନ୍ଧକେରା ଗାଁରେ ବୋମାମାଡ । ମଙ୍ଗଳବାର ରାତିରେ ଦୁର୍ବୃତ୍ତମାନେ ଘନଘନ ବୋମାମାଡ କରିଥିଲେ । ଏହି ବୋମାମାଡ ଘଟଣାରେ ଗାଁର ମନୋଜ ପାଣିଙ୍କ ହାତ ଛିଣ୍ଡିଯାଇଛି । ଫଳରେ ତାଙ୍କୁ ଗୁରୁତର ଅବସ୍ଥାରେ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଅନ୍ୟ ଦୁଇ ଜଣ ସାମାନ୍ୟ ଆହତ ହୋଇଛନ୍ତି ।
ପୋଲିସର ସୂଚନା ଅନୁଯାୟୀ ବଡବନ୍ଧକେରା ଗାଁରେ ଦୁଇଟି ଗୋଷ୍ଠୀ ମଧ୍ୟରେ ପୂର୍ବ ଶତ୍ରୁତା ରହିଛି । ମଙ୍ଗଳବାର ଗୋଟିଏ ଗୋଷ୍ଠୀ ଯନ୍ତାଳ ଭୋଗ ବସାଇବା ବେଳେ ଅନ୍ୟ ଏକ ଗୋଷ୍ଠୀ ହଠାତ୍ ପାଟିତୁଣ୍ଡ କରି ବୋମାମାଡ କରିଥିବା ଅଭିଯୋଗ ହୋଇଛି । ବ୍ରହ୍ମଗିରି ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
