Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ବନ୍ୟାଗ୍ରସ୍ତ ଅଞ୍ଚଳରେ ଜେଇଇ ମେନ ପରୀକ୍ଷା ପାଇଁ ପୁଣି ଆବେଦନ କରିପାରିବେ ପରୀକ୍ଷାର୍ଥୀ

1/09/2020 at 1:05 PM

ମୁମ୍ବାଇ ୦୧/୦୯ : ବମ୍ବେ ହାଇକୋର୍ଟଙ୍କ ନାଗପୁର ବେଞ୍ଚ ମଙ୍ଗଳବାର ଦିନ ଜେଇଇ ମେନ ପରୀକ୍ଷା (JEE Main Exam) ଉପରେ ରୋକ ଲଗାଇବାକୁ ମନା କରିଦେଇଛନ୍ତି | କୋର୍ଟ କହିଛନ୍ତି ଯେ, ମହାରାଷ୍ଟ୍ରର ବନ୍ୟା ପ୍ରଭାବିତ ଅଞ୍ଚଳରେ ରହୁଥିବା ଛାତ୍ରଛାତ୍ରୀ ଯଦି ପରୀକ୍ଷା କେନ୍ଦ୍ରରେ ପହଞ୍ଚି ନ ପାରନ୍ତି କିମ୍ବା ବିଳମ୍ବରେ ପହଞ୍ଚନ୍ତି ତାହେଲେ ସେ ଏନଟିଏ ପାଖରେ ପୁଣି ପରୀକ୍ଷା ପାଇଁ ଆବେଦନ କରିପାରିବେ |

ଜଷ୍ଟିସ ରବି ଦେଶପାଣ୍ଡେ ଏବଂ ଜଷ୍ଟିସ ପୁଷ୍ପା ଗନେଦିଵାଲା କହିଛନ୍ତି ଯେ, ନ୍ୟାସନାଲ ଟେଷ୍ଟିଙ୍ଗ ଏଜେନ୍ସି ଏହି ଆବେଦନ ଉପରେ ନିଶ୍ଚୟ ବିଚାର କରିବେ ଏବଂ ଏହାକୁ ଦୃଷ୍ଟିରେ ରଖି ନିଷ୍ପତ୍ତି ନେବେ | ସୂଚନାଯୋଗ୍ୟ ଯେ ସାରା ଦେଶରେ ସେପ୍ଟେମ୍ବର ୧ ତାରିଖ ମଙ୍ଗଳବାର ସକାଳ ୯ଟା ରୁ ପରୀକ୍ଷା ଆରମ୍ଭ ହୋଇଛି | କୋର୍ଟ କହିଛନ୍ତି ବନ୍ୟା ଯୋଗୁଁ ଅନେକ ଜିଲ୍ଲାରେ ସ୍ଥିତି ବହୁତ ଖରାପ ରହିଛି | ଏଥିପାଇଁ ଛାତ୍ରଛାତ୍ରୀଙ୍କୁ କୌଣସି ସମସ୍ୟା ହେବା ଉଚିତ ନୁହେଁ କାରଣ ଏଥିରେ ତାଙ୍କର କୌଣସି ଭୁଲ ନାହିଁ |

କୋର୍ଟ କହିଛନ୍ତି, ଛାତ୍ରଛାତ୍ରୀ ନିଜ ପରୀକ୍ଷା କେନ୍ଦ୍ରର କୋ-ଅର୍ଡିନେଟର ଜରିଆରେ ଏନଟିଏ ନିକଟରେ ପୁଣି ଆବେଦନ କରିପାରିବେ | ଏହାପରେ ନ୍ୟାସନାଲ ଟେଷ୍ଟିଙ୍ଗ ଏଜେନ୍ସି ସମ୍ବନ୍ଧିତ ଜିଲ୍ଲାର ଜିଲ୍ଲା ଅଧିକାରୀଙ୍କ ସହ କଥାବାର୍ତ୍ତା ହୋଇ ୧୫ ଦିନ ମଧ୍ୟରେ ଏ ସମ୍ବନ୍ଧରେ ନିଷ୍ପତ୍ତି ନେବେ |

ଏହା ପୂର୍ବରୁ ହାଇକୋର୍ଟ ସୋମବାର ଦିନ ଜଣେ ଛାତ୍ରଙ୍କ ଚିଠିକୁ ନେଇ ବିଚାର କରିଥିଲେ | ଭଣ୍ଡାରା ଜିଲ୍ଲାରେ ରହୁଥିବା ନୀତେଶ ନାମକ ଏହି ଛାତ୍ର ବନ୍ୟାଗ୍ରସ୍ତ ଅଞ୍ଚଳରେ ରହୁଥିବା ପରୀକ୍ଷାର୍ଥୀଙ୍କ ଚିନ୍ତା ପ୍ରକାଶ କରିଥିଲେ ଯେ ସେମାନେ ପରୀକ୍ଷା କେନ୍ଦ୍ର ଯାଏଁ କିଭଳି ପହଞ୍ଚିବେ | ଏଥିପାଇଁ ନୀତେଶ ପରୀକ୍ଷା ସ୍ଥଗିତ ରଖିବାକୁ ଦାବି କରିଥିଲେ | ସେ କହିଛନ୍ତି ଯେ, ନାଗପୁର, ଅମରାବତୀ, ଅକୋଲା, ଚନ୍ଦ୍ରପୁର, ଗୋଂଡିଆ ଏବଂ ଗଣ୍ଡଚିରୌଲି ଭଳି ବନ୍ୟାଗ୍ରସ୍ତ ଜିଲ୍ଲାରେ ପରୀକ୍ଷା ସ୍ଥଗିତ ରଖାଯାଉ |

ସୋମବାର ଦିନ କୋର୍ଟ କେନ୍ଦ୍ର ସରକାର, ମହାରାଷ୍ଟ୍ର ସରକାର, ନ୍ୟାସନାଲ ଟେଷ୍ଟିଙ୍ଗ ଏଜେନ୍ସି ଓ ସମ୍ବନ୍ଧିତ ଜିଲ୍ଲାର ଜିଲ୍ଲା ଅଧିକାରୀଙ୍କୁ ବନ୍ୟାଗ୍ରସ୍ତ ଅଞ୍ଚଳର ଜେଇଇ ମେନ ପରୀକ୍ଷା ସ୍ଥଗିତ ରଖିବା ଉପରେ ବିଚାର କରିବାକୁ କହିଥିଲେ |

   Related Posts