Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଚିଦାମ୍ବରମ୍‌ଙ୍କ ପରେ ଏବେ ଏନ୍‌ସିପି ନେତା ଶରଦ ପାୱାର ଅଡୁଆରେ : ହଜାରେ କୋଟିର ବ୍ୟାଙ୍କ୍ ଦୁର୍ନୀତି ନେଇ ମାମଲା ରୁଜୁ କରିବାକୁ ହାଇକୋର୍ଟଙ୍କ ନିର୍ଦ୍ଦେଶ

23/08/2019 at 4:49 PM

ମୁମ୍ବାଇ ୨୩|୮: ମହାରାଷ୍ଟ୍ର ଷ୍ଟେଟ୍ କୋଅପରେଟିଭ ବ୍ୟାଙ୍କ୍ ରେ ହଜାରେ କୋଟିର ଦୁର୍ନୀତି ମାମଲାରେ ବମ୍ବେ ହାଇକୋର୍ଟ ୭୦ଜଣଙ୍କ ବିରୋଧରେ ମାମଲା ରୁଜୁ କରିବା ପାଇଁ ପୋଲିସକୁ ନିର୍ଦ୍ଦେଶ ଦେଇଛନ୍ତି । ରାଷ୍ଟ୍ରବାଦୀ କଂଗ୍ରେସ ପାର୍ଟି(NCP)ର ଅଧ୍ୟକ୍ଷ ଶରଦ ପାଓ୍ବାର, ପୂର୍ବତନ ଉପ-ମୁଖ୍ୟମନ୍ତ୍ରୀ ଅଜିତ ପାଓ୍ବାରଙ୍କ ସମେତ ୭୦ଜଣଙ୍କ ବିରୋଧରେ ୫ଦିନ ମଧ୍ୟରେ ମାମଲା ରୁଜୁ କରିବାକୁ ନିର୍ଦ୍ଦେଶ ଦେଇଛନ୍ତି । ଜଷ୍ଟିସ୍ ଏସ.ସି. ଧର୍ମାଧିକାରୀ ଏବଂ ଜଷ୍ଟିସ୍ ଏସ.କେ. ସିଂଦେଙ୍କ ଖଣ୍ଡପୀଠ ପ୍ରତ୍ୟେକ୍ଷଦର୍ଶୀଙ୍କ ସାକ୍ଷ ଆଧାରରେ ଇଓଡବ୍ଲୁକୁ ତଦନ୍ତ କରିବାକୁ ନିର୍ଦ୍ଦେଶ ଦିଆଯାଇଛି ।

ମୁମ୍ବାଇର ଜଣେ ସାମାଜିକ କର୍ମୀ ସୁରିନ୍ଦର ଏମ ଆରୋରାଙ୍କ ଦ୍ବାରା ଦାଖଲ କରାଯାଇଥିବା ପିଆଇଏଲରେ ଶରଦ ପାଓ୍ବାର ଏବଂ ଅଜିତ ପାଓ୍ବାରଙ୍କ ବ୍ୟତୀତ ଏନସିପିର ପ୍ରଦେଶ ଅଧ୍ୟକ୍ଷ ଜୟନ୍ତ ପାଟିଲଙ୍କ , ପ୍ରତିଷ୍ଠିତ ରାଜନେତା, ସରକାରୀ ଏବଂ ବ୍ୟାଙ୍କ୍ ଅଧିକାରୀଙ୍କ ନାଁ ରହିଛି । କୋଅପରେଟିଭ୍ ବ୍ୟାଙ୍କରେ ୨୦୦୭ରୁ ୨୦୧୧ ମଧ୍ୟରେ ୧,୦୦୦ କୋଟି ଟଙ୍କାର କ୍ଷତି ହୋଇଥିବା ନେଇ ଅଭିଯୋଗ ହୋଇଛି । ପୂର୍ବରୁ ମହାରାଷ୍ଟ୍ର କୋଅପରେଟିଭ ସୋସାଇଟିଜ ଆକ୍ଟ ଆଧାରରେ ଏକ ଅର୍ଦ୍ଧ ବିଚାର ବିଭାଗୀୟ ଯାଞ୍ଚ କମିଟି ଏହି ମାମଲାରେ ପାଓ୍ବାରଙ୍କ ସମେତ ଅନ୍ୟମାନଙ୍କୁ ଏଥିପାଇଁ ଦାୟୀ କରିଥିଲା ।

ନ୍ୟାସନାଲ ବ୍ୟାଙ୍କ୍ ଫର୍ ଏଗ୍ରିକଲଚର ଆଣ୍ଡ୍ ରୁରାଲ ଡେଭଲପମେଣ୍ଟ (ନାବାର୍ଡ) ମଧ୍ୟ ଏମଏସସିବି ଯାଞ୍ଚ କରିଥିଲା । ଯାଞ୍ଚରେ ଜଣାପଡିଥିଲା ଯେ, ଚିନି କଳ ଏବଂ କପା ମିଲ୍ ଗୁଡିକୁ ବ୍ୟାଙ୍କିଙ୍ଗ୍ ଏବଂ ଭାରତୀୟ ରିଜର୍ଭ ବ୍ୟାଙ୍କ୍ ର ନିୟମ ଉଲଂଘନ କରାଯାଇ ବିଚାର ବିମର୍ଶ ନକରି ଲୋନ୍ ଦିଆଯାଇଥିଲା । ଯେଉଁ ଲୋନ୍ ଆଜି ଯାଏ ଅନାଦେୟ ରହିଛି । ସୁରିନ୍ଦର ଯାଞ୍ଚ ରିପୋର୍ଟ ଏବଂ ଅଭିଯୋଗ ଦାଖଲ କଲା ପରେ ମଧ୍ୟ କାହା ବିରୋଧରେ ମାମଲା ରୁଜୁ କରାଯାଇନଥିଲା । ଯାହା ଫଳରେ ସେ ହାଇକୋର୍ଟର ଦ୍ବାରସ୍ଥ ହୋଇଥିଲେ । ହାଇକୋର୍ଟ ମାମଲା ରୁଜୁ କରିବାକୁ ପୋଲିସକୁ ନିର୍ଦ୍ଦେଶ ଦେଇଛନ୍ତି ।

   Related Posts