Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

କଥା କଥାକେ ଫୁଟୁଛି ବୋମା : ଯାତ୍ରୀ ଗୁମାସ୍ତା ବ୍ୟବସାୟକୁ କେନ୍ଦ୍ର କରି ପୁରୀରେ ବୋମାମାଡ଼,ଜଣେ ଗୁରୁତର

15/06/2019 at 5:10 PM

ପୁରୀ ୧୫/୬: ଯାତ୍ରୀ ଗୁମାସ୍ତା ବ୍ୟବସାୟକୁ କେନ୍ଦ୍ର କରି ପୁରୀରେ ବୋମାମାଡ଼ । ଜଣେ ଗୁରୁତର । ବାସେଳି ସାହି ଥାନା ପଣାପ୍ରିୟା ଲେନ୍‌ରେ ଶିବରାମ ପାତ୍ରଙ୍କ ଉପରକୁ ବୋମାମାଡ଼ କରିଛନ୍ତି ୨ଜଣ ଦୁର୍ବୃତ୍ତ । ଗୁରୁତର ଅବସ୍ଥାରେ ଶିବରାମଙ୍କୁ ଡାକ୍ତଖାନାରେ ଭର୍ତ୍ତି କରାଯାଇଛି । ସେପଟେ ଗଞ୍ଜାମ ଜିଲ୍ଲା ଦିଗପହଣ୍ଡିରେ ଅନ୍ୟକୁ ଟାର୍ଗେଟ୍‌ କରିବାକୁ ଚେଷ୍ଟା କରୁଥିବା ଜଣେ ମାତାଲ ଯୁବକ ହାତରେ ବୋମା ଫୁଟିଯିବାରୁ ଗୁରୁତର ଅବସ୍ଥାରେ ତାକୁ ବ୍ରହ୍ମପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ଉଭୟ ଘଟଣାରେ ତଦନ୍ତ କରୁଛି ପୋଲିସ ।

ପୋଲିସକୁ ଖାତିର ନାହିଁ । ବେଲଗାମ୍‌ ଅପରାଧୀ । କଥା କଥାକେ ଫୁଟୁଛି ବୋମା । ଗର୍ଜୁଛି ବନ୍ଧୁକ । ପ୍ରତିଦିନ ସାମ୍ନାକୁ ଆସୁଛି ଅପରାଧର ନୂଆ ନୂଆ କାହାଣୀ । ବିଶ୍ବ ପ୍ରସିଦ୍ଧ ରଥଯାତ୍ରାକୁ ନେଇ ଯେତେବେଳେ ପୁରୀରେ ସୁରକ୍ଷା ବନ୍ଦୋବସ୍ତ ଠାରୁ ଆରମ୍ଭ କରି ଶାନ୍ତି ଶୃଙ୍ଖଳା ବ୍ୟବସ୍ଥା ପର୍ଯ୍ୟନ୍ତ ସବୁ କିଛିର ପ୍ରସ୍ତୁତି ଚାଲିଛି, ଠିକ୍‌ ସେତିକି ବେଳେ ପୋଲିସ ଓ ସୁରକ୍ଷା ବ୍ୟବସ୍ଥାକୁ ଚାଲେଂଜ୍‌ ଦେଇ ବାସେଳି ସାହି ପଣାପ୍ରିୟା ଲେନ୍‌ରେ ବୋମାମାଡ଼ କରିଛନ୍ତି ଦୁର୍ବୃତ୍ତ । ଆଜି ସକାଳେ ୨ଜଣ ଦୁର୍ବୃତ୍ତ ସ୍ଥାନୀୟ ଅଂଚଳର ଶିବରାମ ପାତ୍ରଙ୍କ ଉପରକୁ ବୋମାମାଡ଼ କରି ଫେରାର୍‌ ହୋଇଯାଇଛନ୍ତି । ତେବେ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଶିବରାମ ନିଜ ଜୀବନ ବଞ୍ଚାଇବାକୁ ଦଉଡ଼ି ଯାଇ ଟାଉନ୍‌ଥାନା ଭିତରେ ପଶିଯାଇଥିଲେ । ଗୁରୁତର ଅବସ୍ଥାରେ  ତାଙ୍କୁ ଡାକ୍ତରଖାନା ନେଇଥିଲେ ଟାଉନଥାନା ଆଇଆଇସି । ଯାତ୍ରୀ ଗୁମାସ୍ତା ବ୍ୟବସାୟକୁ କେନ୍ଦ୍ର କରି ଏହି ବୋମାମାଡ଼ ହୋଇଥିବା କୁହାଯାଉଥିବା ବେଳେ ଘଟଣାର ତଦନ୍ତ କରୁଛି ପୋଲିସ ।

ସେପଟେ ଗଞ୍ଜାମ ଜିଲ୍ଲା ଦିଗପହଣ୍ଡିରେ ଅନ୍ୟକୁ ମାରିବାକୁ ବୋମା ଧରି ଗୋଡ଼ାଉଥିବା ମାତାଲ ଯୁବକ ହାତରେ ବୋମା ଫୁଟିଯିବାରୁ ତାକୁ ଗୁରୁତର ଅବସ୍ଥାରେ ବ୍ରହ୍ମପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ବନ୍ତପଲ୍ଲୀ ସରପଞ୍ଚ ପ୍ରଶାନ୍ତ କୁମାର ସ୍ବାଇଁଙ୍କ ସହ ଜଣେ ମାତାଲ ଯୁବକ ଯୁକ୍ତି ତର୍କ କରିବା ସହ ତାଙ୍କୁ ମାରିବାକୁ ବୋମା ଧରି ଗୋଡ଼ାଇଥିଲା । ତେବେ ଘଟଣାସ୍ଥଳରୁ ଦଉଡ଼ି ଯାଇ ନିଜ ଜୀବନ ବଞ୍ଚାଇବାକୁ ସକ୍ଷମ ହୋଇଥିଲେ ପ୍ରଶାନ୍ତ, ହେଲେ ତାଙ୍କ ପଛରେ ବୋମା ଧରି ଦଉଡ଼ୁଥିବା ଚେରୁ ଗଉଡ଼ ଏକ ଖାଲରେ ପଡ଼ିଯିବାରୁ ତା’ ହାତରେ ଥିବା ବୋମା ଫୁଟିଯାଇଥିଲା । ଘଟଣାର ତଦନ୍ତ କରୁଛି ଦିଗପହଣ୍ଡି ପୋଲିସ ।

ଚାରିଆଡ଼େ ସମସ୍ତେ ରଜ ଉତ୍ସବର ଉତ୍ସାହରେ ମାତିଥିବା ବେଳେ ଅପରାଧୀ କିନ୍ତୁ ସେମାନଙ୍କ ରୋବାବ୍‌ ଛାଡ଼ିବାକୁ ନାରାଜ୍‌ । ନା’ ଆଇନକାନୁନ୍‌ର ଭୟ ଅଛି । ନା’ ଥାନା,ପୋଲିସକୁ ଖାତିର ଅଛି । ବେଧଡ଼କ ବୋମାମାଡ଼ କରି ଆତଙ୍କରାଜ୍‌ ଚଳାଇଛନ୍ତି ଦୁର୍ବୃତ୍ତ ।

   Related Posts