ମୁମ୍ବାଇ, ୦୫|୦୭: ବିବାଦରେ ଫସିଛନ୍ତି ବଲିଉଡ୍ ଆକ୍ସନ୍ ଷ୍ଟାର୍ ଅକ୍ଷୟ କୁମାର । ଲକଡାଉନ୍ ସମୟରେ ଉତ୍ତର ମହାରାଷ୍ଟ୍ରରୁ ନାସିକକୁ ହେଲିକପ୍ଟର ଯୋଗେ ଯାଇ ବିବାଦରେ ଛନ୍ଦି ହୋଇଯାଇଛନ୍ତି ଅକ୍ଷୟ । ଏହି ଘଟଣାରେ ରାଜ୍ୟ ସରକାର ତଦନ୍ତ ନିର୍ଦ୍ଦେଶ ଦେଇଛନ୍ତି ।
ମହାରାଷ୍ଟ୍ର ଖାଦ୍ୟ ଓ ଯୋଗାଣ ମନ୍ତ୍ରୀ ଛାଗନ ଭୁଜବଳ କହିଛନ୍ତି ଯେ, ଶନିବାର ଏହି ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି । ଅକ୍ଷୟଙ୍କୁ କୌଣସି ସ୍ୱତନ୍ତ୍ର ଅନୁମତି ଦିଆଯାଇଥିଲା ନା ନାହି ସେଦିଗରେ ତଦନ୍ତ କରାଯାଉଛି । ସେ ଆକାଶପଥରେ ନାସିକ ଯାଇ ରିସୋର୍ଟରେ ରହିଥିଲେ । ଏହି ଖବର ପ୍ରଥମେ କିଛି ଖବର କାଗଜରେ ପ୍ରକାଶ ପାଇଥିଲା । ସେ କେବେ ଗଲେ ଓ ଫେରିଲେ ସେନେଇ ତାଙ୍କ ନିକଟରେ କୌଣସି ସୂଚନା ନାହିଁ । ତାଙ୍କୁ ଅନୁମତି ଦିଆଯାଇଥିଲା ନା ନାହିଁ ତାହାର ତଦନ୍ତ ଆରମ୍ଭ ହୋଇଛି ।
ତେବେ ଅକ୍ଷୟଙ୍କ ତରଫରୁ କୌଣସି ପ୍ରତିକ୍ରିୟା ମିଳିପାରି ନାହିଁ । ସେ ଡାକ୍ତରଙ୍କୁ ଦେଖା କରିବାକୁ ଅନୁମତି ନେଇ ଯାଇଥିବା କୁହାଯାଉଛି ।