Thursday, December 13, 2018

News7

Prameya News7, News7 Odia, Odisha Latest News, Odisha Current Headlines, Odisha News Online

ଦୁବାଇରେ ଯୁବତୀଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ମିକା ସିଂହ ଗିରଫ

ଦୁବାଇ ୦୭|୧୨: ଗାୟକ ମିକା ସିଂହ ଗିରଫ । ଦୁବାଇରେ ଯୁବତୀଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ଦୁବାଇ ପୋଲିସ ମିକାଙ୍କୁ ଗିରଫ କରି ଥାନାରେ ଅଟକ ରଖିଛି । ମିକାଙ୍କ ଉପରେ ଜଣେ ୧୭ ବର୍ଷୀୟ ବ୍ରାଜିଲିୟନ ଯୁବତୀଙ୍କୁ ଦୁର୍ବ୍ୟବହାର କରିବା ଅଭିଯୋଗ ହୋଇଛି । ମିକାଙ୍କୁ ଦୁବାଇ ପୋଲିସ ଏକ ବାରରୁ ଗିରଫ କରି ମୁରକ୍କାବାତ ଥାନାରେ ଅଟକ ରଖିଛି । ତାଙ୍କ ଉପରେ ୧୭ବର୍ଷୀୟ ବ୍ରାଜିଲିୟନ ଯୁବତୀଙ୍କ ଆପତ୍ତିଜନକ ଫଟୋ ପଠାଇବାର ଆରୋପ ଲାଗିଛି ।

ସୂଚନା ଅନୁସାରେ ଦୁବାଇ ଏକ ବଲିଉଡ କାର୍ଯ୍ୟକ୍ରମ ପାଇଁ ଦୁବାଇରେ ଥିଲେ ମିକ୍କା ସିଂହ । ପୋଲିସ ହାତରେ ଧରା ପଡ଼ିବା ପରେ ସେଠାରେ ତାଙ୍କର ସାଥୀ ତାଙ୍କର ଜାମିନ ପାଇଁ ଉଦ୍ୟମ କରୁଛନ୍ତି । ଏହା ପୂର୍ବରୁ ମିକା ସିଂହ ଅନେକ ବିବାଦରେ ଫସିଛନ୍ତି । ୨୦୧୫ରେ ମିକାଙ୍କୁ ଦିଲ୍ଲୀର ଜଣେ ଡାକ୍ତରଙ୍କୁ କାର୍ଯ୍ୟକ୍ରମ ସମୟରେ ଥାପଡ଼ ମାରିବା ଅଭିଯୋଗରେ ଗିରଫ କରାଯାଇଥିଲା । ୨୦୦୬ରେ ରାକ୍ଷୀ ସାଓ୍ବାନ୍ତଙ୍କୁ ମୁମ୍ବାଇରେ ଏକ ଜନ୍ମଦିବସ ସମାରୋହରେ ବଳପୂର୍ବକ ଚୁମ୍ବନ ଦେବା ମାମଲାରେ ମଧ୍ୟ ମିକାଙ୍କ ବିରୋଧରେ ମାମଲା ରୁଜୁ ହୋଇଥିଲା।

230 Views

   You May Also Like