Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ଖ୍ୟାତନାମା ଅଭିନେତ୍ରୀ ନିମିଙ୍କର ୮୮ ବର୍ଷ ବୟସରେ ପରଲୋକ

26/03/2020 at 9:39 AM

ମୁମ୍ବାଇ ୨୬।୩: ଖ୍ୟାତନାମା ଅଭିନେତ୍ରୀ ନିମିଙ୍କର ପରଲୋକ । ବଲିଉଡ୍ ଜଗତର ଜଣାଶୁଣା ଅଭିନେତ୍ରୀ ନିମି ମୁମ୍ବାଇରେ ଶେଷ ନିଶ୍ବାସ ତ୍ୟାଗ କରିଛନ୍ତି । ସେ ଗତ କିଛି ମାସ ଧରି ଅସୁସ୍ଥ ଥିଲେ । ମୃତ୍ୟୁ ବେଳକୁ ତାଙ୍କୁ ୮୮ ବର୍ଷ ବୟସ ହୋଇଥିଲା। ସେ ମୁମ୍ବାଇର ସରଲା ନର୍ସିଂହୋମରେ ବୁଧବାର ସନ୍ଧ୍ୟା ୬ଟା ବେଳେ ଶେଷ ନିଶ୍ବାସ ତ୍ୟାଗ କରିଛନ୍ତି ।
ଅଭିନେତ୍ରୀ ନିମି ୧୬ ବର୍ଷ ଚଳଚ୍ଚିତ୍ରରେ କାମ କରିଥିଲେ | ୧୯୪୯ ମସିହାରୁ ୧୯୬୫ମସିହା ପର୍ଯ୍ୟନ୍ତ ସେ ଚଳଚ୍ଚିତ୍ର ଜଗତରେ ସକ୍ରିୟ ଅଭିନୟ କରିଥିଲେ। ସେ ତାଙ୍କ ସମୟର ଶ୍ରେଷ୍ଠ ଅଭିନେତ୍ରୀ ଭାବରେ ବିବେଚିତ ହେଉଥିଲେ। ତାଙ୍କର ପ୍ରକୃତ ନାମ ଥିଲା ‘ନବାବ ବାନୋ’ | ନିମି ଏସ୍ ଅଲ୍ଲୀ ରାଜାଙ୍କୁ ବିବାହ କରିଥିଲେ । ଏସ୍ ଅଲ୍ଲୀ ରାଜାଙ୍କର ୨୦୦୭ ମସିହାରେ ଦେହାନ୍ତ ହୋଇଥିଲା ।
ନିମିଙ୍କୁ ରାଜ କପୁରଙ୍କ ପ୍ରଥମ ଖୋଜ୍ ବୋଲି ମଧ୍ୟ କୁହାଯାଏ । ରିପୋର୍ଟ ଅନୁସାରେ ସେ ହିଁ ତାଙ୍କ ନାଁ ନବାବ ବାନୋରୁ ପରିବର୍ତ୍ତନ କରି ନିମି ରଖିଥିଲେ । ରାଜ କପୁର ନିମିଙ୍କୁ ତାଙ୍କ ଚଳଚ୍ଚିତ୍ର ‘ବରସାତ୍’ରେ ଏକ ବ୍ରେକ୍ ଦେଇଥିଲେ। ଏହି ଚଳଚ୍ଚିତ୍ର ହିଟ୍ ହେବା ପରେ ନିମି ଅନେକ ଫିଲ୍ମରେ କାମ କରିଥିଲେ | ସେ ଆନ୍, ଉଡନ ଖାଟୋଲା, ଭାଇ ଭାଇ, କୁନ୍ଦନ, ମେରେ ମେହବୁବ୍ ଭଳି ଚଳଚ୍ଚିତ୍ରରେ ଅଭିନୟ କରି ବେଶ୍ ଲୋକପ୍ରିୟତା ହାସଲ କରିଛନ୍ତି |
ରିପୋର୍ଟ ଅନୁଯାୟୀ, କ୍ୟାରିୟର ଆରମ୍ଭ କରିବାର ପ୍ରଥମେ ପ୍ରଥମେ ତାଙ୍କର ବହୁତ ଡିମାଣ୍ଡ ଥିଲା | କୁହାଯାଏ ଯେ ଦିଲ୍ଲୀପ କୁମାରଙ୍କ ଠାରୁ ରାଜ କପୁର, ଅଶୋକ କୁମାର, ଧର୍ମେନ୍ଦ୍ରଙ୍କ ଭଳି ଅନେକ ବଡ ବଡ ଅଭିନେତା ତାଙ୍କ ସହ କାମ କରିବାକୁ ଉତ୍ସାହୀ ଥିଲେ ।
ନିମିଙ୍କ ପରଲୋକରେ ବଲିଉଡ୍ ଜଗତରେ ଶୋକର ଛାୟା ଖେଳିଯାଇଛି । ଅନେକ ଅଭିନେତା, ଅଭିନେତ୍ରୀ ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ଜଣାଶୁଣା ଚଳଚ୍ଚିତ୍ର ନିର୍ଦ୍ଦେଶକ ମହେଶ ଭଟ୍ଟ ମଧ୍ୟ ଟ୍ବିଟ୍ କରି ଶ୍ରଦ୍ଧାଞ୍ଜଳି ଜଣାଇଛନ୍ତି।

   Related Posts