Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ବଲିଉଡ୍ ଅଭିନେତା ଆସିଫ୍ ବସରାଙ୍କ ଆତ୍ମହତ୍ୟା

12/11/2020 at 4:16 PM

ମୁମ୍ବାଇ ୧୨/୧୧ : ବଲିଉଡ ଅଭିନେତା ଆସିଫ ବସରା ଆତ୍ମହତ୍ୟା କରିଛନ୍ତି। ଗୁରୁବାର ଦିନ ହିମାଚଳର କାଙ୍ଗଡା ଜିଲ୍ଲା ଧର୍ମଶାଳାରେ ମ୍ୟାକ୍ଲେଡଗଞ୍ଜର ଜୋଗିବାଡା ରୋଡ୍ ସ୍ଥିତ ଏକ କାଫେ ନିକଟରେ ଆତ୍ମହତ୍ୟା କରିଛନ୍ତି। ତେବେ ସେ କାହିଁକି ଆତ୍ମହତ୍ୟା କରିଛନ୍ତି ତାହା ଏବେ ସୁଦ୍ଧା ଜଣାପଡିନାହିଁ। କାଙ୍ଗଡା ଏସପି ବିମୁକ୍ତ ରଞ୍ଜନ ଏହା ସ୍ପଷ୍ଟ କରିଛନ୍ତି।

ଘଟଣା ସମ୍ପର୍କରେ ସୂଚନା ପାଇ ପୋଲିସ ଟିମ ଘଟଣାସ୍ଥଳରେ ପହଞ୍ଚିଥିଲା। ପୋଲିସ ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି ଓ ମାମଲାର ତଦନ୍ତ ଆରମ୍ଭ କରିଛି। ଆସିଫ ବସରା ଗତ ୫ ବର୍ଷ ହେଲା ମ୍ୟାକ୍ଲେଡଗଞ୍ଜରେ ଏକ ଭଡା ଘରେ ରହୁଥିଲେ ବୋଲି କୁହାଯାଉଛି। ତାଙ୍କ ସହ ତାଙ୍କର ଜଣେ ବିଦେଶୀ ମହିଳା ବନ୍ଧୁ ମଧ୍ୟ ରହୁଥିଲେ। ଆତ୍ମହତ୍ୟାର କାରଣ ଜଣାପଡିନାହିଁ।

ମ୍ୟାକ୍ଲେଡଗଞ୍ଜ ଲଣ୍ଡନର ଜଣେ ମହିଳାଙ୍କ ସହ ଲିଭ-ଇନରେ ରହୁଥିଲେ ବୋଲି କୁହାଯାଉଛି। ଗୁରୁବାର ଅପରାହ୍ନ ସମୟରେ ସେ ନିଜ ପୋଷା କୁକୁରକୁ ବୁଲେଇବାକୁ ନେଇଯାଇଥିଲେ। ଏହାପରେ ଘରକୁ ଫେରି ସେ ନିଜ ପୋଷା କୁକୁରର ବେଲ୍ଟ ବେକରେ ଲଗାଇ ଆତ୍ମହତ୍ୟା କରିଛନ୍ତି। ପ୍ରାଥମିକ ତଦନ୍ତରୁ ଜଣାପଡିଛି ଯେ ସେ ଡିପ୍ରେସନରେ ଥିଲେ। କାଙ୍ଗଡା ଏସପି ବିମୁକ୍ତ ରଞ୍ଜନ ଆସିଫଙ୍କ ଆତ୍ମହତ୍ୟା ସମ୍ପର୍କରେ ସ୍ପଷ୍ଟ କରିଛନ୍ତି ଏବଂ ପୋଲିସ ଟିମ ମାମଲାର ତଦନ୍ତ କରୁଛି ବୋଲି କହିଛନ୍ତି।

ଆସିଫ୍ ବସରା ଜଣେ ଲୋକପ୍ରିୟ କଳାକାର। ସେ ଅନେକ ବଲିଉଡ ଫିଲ୍ମରେ କାମ କରିଛନ୍ତି। ପରଜାନିୟା, ବ୍ଲାକ ଫ୍ରାଇଡେ ଭଳି ବଲିଉଡ ଫିଲ୍ମରେ ଅଭିନୟ କରିଛନ୍ତି। ସେ ହଲିଉଡ଼ ଫିଲ୍ମ ଆଉଟସୋର୍ସରେ ମଧ୍ୟ କାମ କରିଛନ୍ତି। ଇମ୍ରାନ ହାସମୀଙ୍କ ଫିଲ୍ମ ‘ୱାନ୍ସ ଅପନ ଏ ଟାଇମ ଇନ ମୁମ୍ବାଇ’ରେ ସେ ଇମ୍ରାନ ହାସମୀଙ୍କ ପିତା ଭୂମିକାରେ ଅଭିନୟ କରିଥିଲେ।

   Related Posts