ପଟ୍ଟାମୁଣ୍ଡାଇ, ୦୯/୦୭: ଅନେକ ସମୟରେ ନିଜ ପୁଅ ସହ ମିଶି ଶାଶୂ ବୋହୂକୁ ଆକ୍ରମଣ କରୁଥିବା ଖବର ଆସେ । ଏପରିକି ଶାଶୂଘରେ ସମସ୍ତେ ବୋହୂକୁ ନିର୍ଯାତନା ଦେଉଥିବା ଅଭିଯୋଗ ହୁଏ । କିନ୍ତୁ ପଟ୍ଟାମୁଣ୍ଡାଇ ଅଞ୍ଚଳର ଜଣେ ମହିଳା ନିଜ ପୁଅ ନାଁରେ ଆଣିଛନ୍ତି ସାଙ୍ଘାତିକ ଅଭିଯୋଗ । ପୁଅ ତାଙ୍କ ବୋହୂକୁ ମାରିଥିବା ସେ କହିଛନ୍ତି । ପଟ୍ଟାମୁଣ୍ଡାଇ ବାଲିପାଟଣା ଗାଁରେ ଏହାକୁ ନେଇ ଚର୍ଚ୍ଚା ଜୋର୍ ଧରିଛି ।
wp:html /wp:htmlସୂଚନାନୁସାରେ, ଘଟଣା ହେଉଛି କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଥାନା ବଲଭଦ୍ରପୁର ପଞ୍ଚାୟତ ବାଲିପାଟଣା ଗାଁର । ଏଠାରେ ରହୁଥିବା ନିମାଇଁ ବାଇଙ୍କ ପୁଅ ଦେବାଶିଷ ବାଇ ଦୁଇ ବର୍ଷ ତଳେ ସେହି ଗାଁର ସାବିତ୍ରୀ ତରାଇଙ୍କ ଝିଅ ଦୀପିକା ତରାଇକୁ ପ୍ରେମ ବିବାହ କରିଥିଲେ । ତେବେ ବିବାହ ପରେ ଦେବାଶିଷଙ୍କ ଅନ୍ୟ ଜଣେ ମହିଳାଙ୍କ ସହିତ ସମ୍ପର୍କ ଗଢି ଉଠିଥିଲା । ତେବେ ଦୀପିକା ଏହାକୁ ବିରୋଧ କରିବାରୁ ବିଭିନ୍ନ ସମୟରେ ଦେବାଶିଷ ଦୀପିକାଙ୍କୁ ମାଡ଼ ମାରିବା ସହିତ ନିର୍ଯାତନା ଦେଇ ଆସୁଥିଲେ । କିନ୍ତୁ ଏହାକୁ ବିରୋଧ କରୁଥିଲେ ଦେବାଶିଷଙ୍କ ମା ଶ୍ରୀମତୀ ବାଇ । ଘଟଣା ଦିନକୁ ଦିନ ଅସମ୍ଭାଳ ହେବାରୁ ଅନେକ ସମୟରେ ପଞ୍ଚାୟତ ବସିଥିଲା ହେଲେ କିଛି ନିର୍ଯ୍ୟାସ ବାହାରି ପାରି ନଥିଲା । ପାରିବାରିକ ସମସ୍ୟା ଦିନକୁ ଦିନ ବଢିବାରୁ ଦେବାଶିଷ ନିଜ ମାଆକୁ ଘରୁ ବାହାର କରିଦେଇଥିଲେ ।
{"id":477959,"sizeSlug":"large","linkDestination":"none"}ତେବେ ଗୁରୁବାର ପରକୀୟା ପ୍ରୀତିକୁ କେନ୍ଦ୍ର କରି ବାଦ ବିବାଦ ଲାଗିଥିଲା । ଏହାପରେ ଦୀପିକାଙ୍କ ମୃତଦେହ ମିଳିଥିଲା । ଦୀପିକାଙ୍କୁ ଦେବାଶିଷ ଓ ତାଙ୍କ ବାପା ନିମାଇଁ ଓ ପଡୋଶୀ ମିଶି ହତ୍ୟା କରିଛନ୍ତି ବୋଲି ଶ୍ରୀମତୀ ବାଇ ଓ ସାବିତ୍ରୀ ଅଭିଯୋଗ କରିଛନ୍ତି । ଅଭିଯୋଗ ପରେ ପଟ୍ଟାମୁଣ୍ଡାଇ ପୋଲିସ ନିମାଇଁ ଓ ଦେବାଶିଷଙ୍କୁ ଅଟକ ରଖି ପଚରା ଉଚରା କରୁଛି ।