Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ହୁକିଟୋଲାରୁ ପିକନିକ ସାରି ଫେରୁଥିବା ଡଂଗା ବୁଡିଗଲା : ଜଣେ ମହିଳା ମୃତ, ୪ଶିଶୁଙ୍କ ସମେତ ୮ ନିଖୋଜ

2/01/2019 at 9:18 PM

ମହାକାଳପଡା୨\୧: ସମୁଦ୍ର ମଧ୍ୟରେ ଥିବା ଦ୍ବିପାଞ୍ଚଳ ହୁକିଟୋଲାରୁ ପିକନିକ ସାରି ଫେରୁଥିବା ଏକ ଡଂଗା କେନ୍ଦ୍ରାପଡ଼ା ବତୀଘର ନିକଟ ନିପାଣିଆ ବା ବତୀଘର  ନଦୀରେ ଓଲଟି ପଡିଛି ।ମହାନଦୀ ଓ ସମୁଦ୍ରର ମିଶ୍ରଣସ୍ଥଳ ବା ମୁହାଣ ଅଂଚଳରେ  ଆଜି ସଂଧ୍ୟ୭ଟା ବେଳକୁ ଏହି ଦୁର୍ଘଟଣା ଘଟିଛି ।  ଡଙ୍ଗା ଓଲଟି ପଡିବା କାରଣରୁ ଜଣେ ମହିଳାଙ୍କ ମୃତ୍ୟୁ ହୋଇଥିବାବେଳେ, ୮ଜଣ ନିଖୋଜ ଥିବା ଖବର ମିଳିଛି ।

ଜମ୍ବୁ ଥାନା ଅନ୍ତର୍ଗତ ଏହି ଅଂଚଳଟି ଦୁର୍ଗମ ହୋଇଥିବାରୁ ଘଟଣାସ୍ଥଳରେ ତୁରନ୍ତ ଅଗ୍ନିଶମ ବାହିନୀ ପହଂଚି ପାରିନଥିଲା । ସ୍ଥାନୀୟ ଲୋକେ ହିଁ ଉଦ୍ଧାର କାର୍ଯ୍ୟ କରିଥିଲେ । ତେବେ ରାତି ହୋଇଥିବାରୁ ଉଦ୍ଧାର କାର୍ଯ୍ୟ ସହଜ ନୁହେଁ । ମହାକାଳପଡା ଅଗ୍ନିଶମ ବାହିନୀ ଘଟଣାସ୍ଥଳକୁ ବାହାରି ଯାଇଥିଲେ ମଧ୍ୟ ବର୍ତ୍ତମାନ ସୁଦ୍ଧା ପହଂଚିନଥିବା ଜଣାପଡିଛି ।

ଡଂଗାରେ  ପାରାଦୀପ ଭୂତମୁଣ୍ଡେଇ ଅଞ୍ଚଳରେ ଥିବା ହସିନା ଗାଁର ଅଧିକାଂଶ ଲୋକ ଥିବା ଜଣା ପଡିଛି । ଡଂଗାରେ ପ୍ରାୟ ୫୦ରୁ ୬୦ ଜଣ ଯାତ୍ରୀ ଥିଲେ । ଭାରସାମ୍ୟ ହରାଇ ଡଂଗାଟି ଓଲଟି ପଡିଥିବା କୁହାଯାଉଛି । ଏବେ ବି ନିଖୋଜ ଥିବା ୮ ଜଣଙ୍କ ମଧ୍ୟରେ ୪ଜଣ ଶିଶୁ ରହିଛନ୍ତି ।

ସମୁଦ୍ର ଭିତରେ ଥିବା ଦ୍ବିପାଞ୍ଚଳ ହୁକିଟୋଲାକୁ ଡଙ୍ଗା ସାହାର୍ଯ୍ୟରେ ପିକନିକ କରିବା ପାଇଁ ବହୁ ଲୋକଯାଇଥାନ୍ତି । କିନ୍ତୁ କେଉଁ କାରଣ ଯୋଗୁଁ ଡଂଗାଟି ଓଲଟି ପଡିଲା ତାହା ଜଣାପଡି ନାହିଁ । ରାତିରେ ଉଦ୍ଧାର କାର୍ଯ୍ୟ ହୋଇପାରିବ କି ନାହିଁ ତାକୁ ନେଇ ସଂଦେହ ସୃଷ୍ଟି ହୋଇଛି । ଏହି ବତୀଘର ନିପାଣିଆ ନଈରେ କୁମ୍ବୀର ଥିବା ମଧ୍ୟ କୁହାଯାଉୁଛି । ଫଳରେ ଉଦ୍ଧାର କାର୍ଯ୍ୟ ଅଧିକ ଜଟିଲ ହେବା ଆଶଂକା ସୃଷ୍ଟି ହୋଇଛି ।  

   Related Posts