ଭୁବନେଶ୍ବର ୩।୮: ଭୁବନେଶ୍ବର ମ୍ୟୁନିସିପାଲିଟି କର୍ପୋରେସନର ଉଦ୍ଧାରକାରୀ ଟିମ୍ ଦ୍ବାରା ଏକ କୁକୁରର ଜୀବନ ରକ୍ଷା ହୋଇଛି । କୁକୁର ମୁଣ୍ଡରେ ଏକ ପ୍ଲାଷ୍ଟିକ ଜାର୍ ପଶିଯାଇଥିବାରୁ କୁକୁରଟି ଚାରିଆଡେ ବୁଲୁଥିଲା । ଦେବପ୍ରସାଦ ମହାକୁଦ ନାମକ ଜଣେ ପଶୁପ୍ରେମୀଙ୍କ ଅନୁରୋଧକ୍ରମେ ବିଏମସି ତୁରନ୍ତ ଏହି ଟିମ୍ କୁ ଘଟଣାସ୍ଥଳକୁ ପଠାଯାଇଥିଲା । କୁକୁରଟି ଏପଟେ ସେପଟେ ଘୂରି ବୁଲୁଥିବାରୁ ଚିହ୍ନିବା ପାଇଁ ବହୁ ସମୟ ଲାଗିଥିଲା । ଶେଷରେ ଟିମ୍ ର ସଦସ୍ୟମାନେ ସତ୍ୟଗର ନିକଟରେ କୁକୁରଟିକୁ ଚିହ୍ନଟ କରିଥିଲେ । କୁକୁରଟି ମୁଣ୍ଡରେ ଲାଗିଥିବା ଜାର୍ ଟିକୁ ବାହାର କରାଯାଇଥିଲା। କୁକୁରଟିକୁ ଏଭଳି କଷ୍ଟରୁ ମୁକ୍ତ କରାଯାଇଥିଲା । ପଶୁପ୍ରେମୀଙ୍କୁ ଧନ୍ୟବାଦ
ଉଲ୍ଲେଖଯୋଗ୍ୟ ଯେ, ଦୁର୍ଘଟଣା, ଆଘାତପ୍ରାପ୍ତ, କୌଣସି ଖରାପ ପରିସ୍ଥିତିରେ ଥିବା ପଶୁମାନଙ୍କୁ ଉଦ୍ଧାର କରିବା ସେବାରେ ଉତ୍ସର୍ଗୀକୃତ ଟୋଲ୍ ଫ୍ରି ନମ୍ବର ୧୮୦୦ ୩୪୫ ୭୪୫୮ ରହିଛି । ଫୋନରେ ଅଭିଯୋଗ ପାଇବା ପରେ ପଦକ୍ଷେପ ନିଆଯାଏ । ସବ୍ ଡିଭିଜନାଲ ପ୍ରାଣୀ ଚିକିତ୍ସା କାର୍ଯ୍ୟାଳୟ (SDVO), ସହିଦ ନଗର, ଭୁବନେଶ୍ବରର ଟିମ୍ ସଦସ୍ୟଙ୍କ କାର୍ଯ୍ୟାନୁଷ୍ଠାନ ପାଇଁ ପଞ୍ଜିକୃତ ହୋଇଛି। ଏହି ଟିମ୍ ରେ ୪ଜଣ କ୍ୟାଚର ଏବଂ ଜଣେ ଡ୍ରାଇଭର ଅଛନ୍ତି । ଏହି ଟିମ୍ ପଶୁପାଳନ ନିରୀକ୍ଷକ ଏବଂ ଡାକ୍ତରଙ୍କ ସହଯୋଗରେ ଥାଆନ୍ତି । ଯେଉଁମାନେ ଦୁଃଖୀ ପ୍ରାଣୀମାନଙ୍କର ଚିକିତ୍ସା ପାଇଁ ଆଗେଇ ଆସିଥାନ୍ତି ।
wp:embed {"url":"https://www.youtube.com/embed/ON2m_03NKGM","type":"rich","providerNameSlug":"embed-handler","responsive":true,"className":"wp-embed-aspect-16-9 wp-has-aspect-ratio"}
