Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରୋଞ୍ଚ ପଦକ ସହ ସ୍ଵଦେଶ ଫେରିଲେ ପିଭି ସିନ୍ଧୁ, ଦିଲ୍ଲୀ ଏୟାରପୋର୍ଟରେ ହେଲା ଭବ୍ୟ ସ୍ଵାଗତ
  • ||
  • ପାକିସ୍ତାନ ଉପରେ ଲାଗିଲା ଲଗାମ ! ମାର୍ଚ୍ଚରେ ଘଟିନାହିଁ ଗୋଟିଏ ବି ଅସ୍ତ୍ରବିରତି ଉଲ୍ଲଂଘନ ଘଟଣା, ଜୁନରେ କେବଳ ଦୁଇ
  • ||
  • ବୁଧବାରଠୁ ଭାରତ-ଇଂଲଣ୍ଡ ଟେଷ୍ଟ୍ ସିରିଜ୍ : ଟିମ୍ ଇଣ୍ଡିଆର ଜୋରଦାର ଅଭ୍ୟାସ, ଓପନିଂ ଯୋଡିକୁ ନେଇ ଚିନ୍ତାରେ ବିରାଟ
  • ||
  • କଟକ : କାଲିଠୁ ଖୋଲିବ କଟକ ଜିଲ୍ଲାରେ ସମସ୍ତ ଧର୍ମାନୁଷ୍ଠାନ, ଜିଲ୍ଲାପାଳ ଦେଲେ ସୂଚନା
  • ||
  • ପାଟଣା : ପାଟଣାରେ କଳା ପଲସର୍ ଆତଙ୍କ, ବାଇକ୍ ଡିକି ଭାଙ୍ଗି ଲୁଟିନେଲେ ୪ଲକ୍ଷ ଟଙ୍କା
  • ||
  • ଭୁବନେଶ୍ବର : ନିଜ ବନ୍ଧୁକରୁ ନିଜକୁ ଗୁଳିକଲେ ସିକ୍ୟୁରିଟି ଗାର୍ଡ, ପାରିବାରିକ କଳହ ଯୋଗୁଁ ଆତ୍ମହତ୍ୟା ସନ୍ଦେହ
  • ||
  • ବାଇକକୁ ଧକ୍କା ଦେଲା ଟ୍ରକ୍, ରାସ୍ତାରେ ଛଟଛଟ ହୋଇ ଚାଲିଗଲା ଭଣଜା, ହସ୍ପିଟାଲରେ ଆଖିବୁଜିଲା ମାମୁଁ…
  • ||
  • କଟକ : ତପ୍ତପାଣି ଘାଟିରେ ଦୁର୍ଘଟଣା, ଭାରସାମ୍ୟ ହରାଇ ଓଲଟିଲା ମକା ଓ କପା ବୋଝେଇ ଦୁଇ ଟ୍ରକ୍
  • ||
  • ଭୁବନେଶ୍ବର : ସିବିଏସ୍‌ଇ ଦ୍ବାଦଶ ପରୀକ୍ଷାରେ ଟପ୍ପର ହେଲେ ଓଡିଆ ଝିଅ ଅମ୍ରିତା
  • ||
  • ଆଠଗଡ : ଟିକା ନପାଇ ଫେରିଲେ ଲୋକେ, ୨ ଦିନ ଧରି ଆଠଗଡ ବ୍ଲକ୍ ଅଞ୍ଚଳରେ ଟିକଦାନ ବନ୍ଦ
  • ||

କୋଭିଡ୍ ସମ୍ପର୍କିତ ଭାଇରାଲ ଫୋନ ରେକର୍ଡିଂରେ ମିଛ ଓ ମନଗଢା ତଥ୍ୟ : ଭୁଲ ଖବର ପ୍ରସାରଣ ପାଇଁ ଏକ ଓଡିଆ ଟିଭି ଚ୍ୟାନେଲକୁ ନୋଟିସ ପଠାଇଲା ବିଏମସି, ଥାନାରେ ମାମଲା

7/08/2020 at 5:59 PM

ଭୁବନେଶ୍ୱର,୦୭|୦୮:  ମିଥ୍ୟା, ଅଯୁକ୍ତିକର ତଥା ଉଦ୍ଦେଶ୍ୟ ପ୍ରଣୋଦିତ ଖବର ପ୍ରସାରଣ ଲାଗି ଏକ ଓଡିଆ ଚ୍ୟାନେଲ(News7 ନୁହେଁ)କୁ ନୋଟିସ୍ ପଠାଇଛି ବିଏମସି । ଏହାସହ ସଂପୃକ୍ତ ଟିଭି କର୍ତ୍ତୃପକ୍ଷଙ୍କ ନାଁରେ ଥାନାରେ ମଧ୍ୟ ଏଫଆଇଆର ହୋଇଛି । ବିଏମସି ପକ୍ଷରୁ ଜାରି ଏକ ପ୍ରେସ ରିଲିଜ ଅନୁଯାୟୀ, ଗତ ୬ ତାରିଖରେ ସଂପୃକ୍ତ ଓଡିଆ ଟିଭି ଚ୍ୟାନେଲରେ ୨ଜଣ  ବ୍ୟକ୍ତିଙ୍କ ଭାଇରାଲ ଫୋନ୍ ରେକର୍ଡିଂ ସମ୍ପର୍କିତ ଏକ ଖବର ପ୍ରସାରଣ କରାଯାଇଥିଲା । ଯେଉଁଥିରେ କରୋନା ସମ୍ବନ୍ଧୀୟ ଅନେକ ପ୍ରସଙ୍ଗ ଉପରେ ୨ଜଣ ବ୍ୟକ୍ତି କଥା ହେଉଥିଲେ । ଏପରିକି ନାନା ଅଭିଯୋଗ ମଧ୍ୟ କରୁଥିଲେ । ଏହି ସମସ୍ତ ଅଭିଯୋଗକୁ ମିଛ ବୋଲି ଦର୍ଶାଇଛନ୍ତି ଭୁବନେଶ୍ୱର ଉନ୍ନୟନ କମିଶନ ବା ବିଏମସି । ସଂପୃକ୍ତ ଟିଭି ଚ୍ୟାନେଲ ଜାଣିଶୁଣି ମିଛ ଖବର ପ୍ରସାରଣ କରୁଛି ବୋଲି ବିଏମସି ପ୍ରେସ ବିଜ୍ଞପ୍ତିରେ ଦର୍ଶାଇଛି ।

ଖବର ପ୍ରସାରଣ ହୋଇଥିଲା ଯେ, ପ୍ରତି କରୋନା ଆକ୍ରାନ୍ତଙ୍କ ଚିକିତ୍ସା ପାଇଁ କେନ୍ଦ୍ର ସରକାର ଯେଉଁ ଦେଡଲକ୍ଷରୁ ୨ଲକ୍ଷ ଟଙ୍କା ଦେଉଛନ୍ତି । ଏପରିକି କେତେକ ହସ୍ପିଟାଲକୁ ଦୈନିକ ୧୦୦ କରୋନା ଆକ୍ରାନ୍ତଙ୍କୁ ଚିକିତ୍ସା କରିବାକୁ ଟାର୍ଗେଟ୍ ଦିଆଯାଇଛି । ଆହୁରି ମଧ୍ୟ କରୋନା ପଜିଟିଭ୍ ନଥିଲେ ମଧ୍ୟ ସମ୍, କିମସ, ହାଇଟେକ୍ ଆଦି ହସ୍ପିଟାଲରେ ଭର୍ତ୍ତି କରାଯାଉଛି । ଏପରି କୁଆଡେ ବିଏମସି ଅଧିକାରୀ ନିର୍ଦ୍ଦେଶ ଦେଇଛନ୍ତି । ତେବେ ଏପରି ଖବରକୁ ମିଛ ବୋଲି କହିଛି ବିଏମସି ।

ବିଏମସି କହିଛି ଯେ, ନିକଟରେ ଏକ ଓଡିଆ ଟିଭି ଚ୍ୟାନେଲ ଅନେକ ମିଛ ଓ ଭୁଲ ଖବର ପ୍ରସାରଣ କରିଛି । କିଛିଦିନ ତଳେ ଏହି ଚ୍ୟାନେଲ କହିଥିଲା ଯେ ଜଣେ ଗରିବ ବସ୍ତି ଲୋକକୁ କରୋନା ହୋଇନଥିଲେ ମଧ୍ୟ ହସ୍ପିଟାଲରେ ଭର୍ତ୍ତି କରାଯାଇଛି ।  ବିଏମସି ଏହା ଉପରେ ପ୍ରତିକ୍ରିୟା ରଖି ସମସ୍ତ ତଥ୍ୟ ଓ ପ୍ରମାଣ ସୋସିଆଲ ମିଡିଆରେ ସେୟାର କରିଥିଲା । ଯେତେବେଳେ ସାରା ଓଡିଶା କରୋନା ମୁକାବିଲା କରୁଛି ସେହି ସମୟରେ ସେହି ଟିଭି ଚ୍ୟାନେଲ ଭୁଲ ଖବର ପରିବେଷଣ କରୁଛି । ଏପରିକି ଲୋକଙ୍କ ମନରେ ଆତଙ୍କ ସୃଷ୍ଟି କରୁଛି । ଏନଡିମିଏ ଓ ରାଜ୍ୟ ସରକାର କରୋନା ସମ୍ବନ୍ଧୀୟ କୌଣସି ଭୁଲ ଖବର ପ୍ରସାରଣ ନକରିବାକୁ ଗାଇଡଲାଇନ୍ ଜାରି କରିଛନ୍ତି ।

ବିଏମସି ଆହୁରି କହିଛି ଯେ, କରୋନା ମୁକାବିଲା କ୍ଷେତ୍ରରେ କୋଭିଡ ଯୋଦ୍ଧାମାନେ ସମସ୍ତ ଚେଷ୍ଟା ଚଳାଇଛନ୍ତି । ଏପରି ଭୁଲ ଖବର କରୋନା ଯୋଦ୍ଧାଙ୍କ ମନୋବଳ ହ୍ରାସ କରୁଛି । ଏହାସହ ବିଏମସି ପକ୍ଷରୁ ସଂପୃକ୍ତ ଓଡିଆ ଟିଭି ଚ୍ୟାନେଲକୁ କାରଣ ଦର୍ଶାଅ ନୋଟିସ ଜାରି କରାଯାଇଛି । ଏପରିକି ସେହି ଟିଭି ଚ୍ୟାନେଲ ବିରୋଧରେ ଥାନାରେ ମଧ୍ୟ ଅଭିଯୋଗ ହୋଇଛି ।

   Related Posts