Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

କେତେବେଳେ ବି ହ୍ୟାକ୍ ହୋଇପାରେ ଆପଣଙ୍କ ବ୍ଲୁଟୁଥ୍ ଡିଭାଇସ୍ : ଲିକ୍ ହୋଇପାରେ ଆପଣଙ୍କ ବ୍ୟକ୍ତିଗତ ତଥ୍ୟ

16/11/2019 at 4:24 PM

ନୂଆଦିଲ୍ଲୀ ୧୬/୧୧: ସ୍ମାର୍ଟଫୋନଠୁ ଆରମ୍ଭ କରି ସ୍ମାର୍ଟ ସ୍ପିକର ଏବଂ ସ୍ମାର୍ଟଓ୍ବାଚ୍ ପର୍ଯ୍ୟନ୍ତ ଆପଣଙ୍କୁ ବ୍ଲୁଟୁଥର ସପୋର୍ଟ ମିଳିଯିବ। ଏପରି ଅନେକ ଡିଭାଇସ୍ ରହିଛି ଯାହା ବ୍ଲୁଟୁଥ୍ ସପୋର୍ଟ ସହ କାମ କରୁଛି କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ବ୍ଲୁଟୁଥ ଜରିଆରେ କଥାବାର୍ତ୍ତା କରିବା ଏବଂ ଡାଟା ସେୟାର କରିବା କୌଣସି ବିପଦଠୁ କମ୍ ନୁହେଁ। ବ୍ଲୁଟୁଥ୍ ଡିଭାଇସ୍ ହ୍ୟାକରଙ୍କ ଟାର୍ଗେଟରେ ରହିଛି ଏବଂ ଏହା ଜରିଆରେ ଆପଣଙ୍କ ବ୍ୟକ୍ତିଗତ ସୂଚନା ଚୋରି ହୋଇପାରେ।

ନିକଟରେ ଲଣ୍ଡନରେ ହୋଇଥିବା କମ୍ପ୍ୟୁଟର ଆଣ୍ଡ କମ୍ୟୁନିକସେନ ସିକ୍ୟୁରିଟିର କନଫରେନ୍ସରେ ଏକ ରିପୋର୍ଟ ଜାରି କରାଯାଇଛି। ଏଥିରେ ଦାବି କରାଯାଇଛି ଯେ ବ୍ଲୁଟୁଥ ଡିଭାଇସ ହ୍ୟାକ୍ ହେବାର ଆଶଙ୍କା ରହିଛି। ରିପୋର୍ଟ ମୁତାବକ ଲୋ ଏନର୍ଜି ବ୍ଲୁଟୁଥ ଡିଭାଇସ୍ ଡିଭାଇସରେ ହ୍ୟାକିଙ୍ଗର ଆଶଙ୍କା ଅଧିକ ରହିଛି। ଏହି କନଫରେନ୍ସ ନଭେମ୍ବର ୧୧ରୁ ୧୫ତାରିଖ ମଧ୍ୟରେ ଆୟୋଜନ କରାଯାଇଥିଲା।

ରିପୋର୍ଟରେ କୁହାଯାଇଛି ଯେ ବ୍ଲୁଟୁଥ ଡିଭାଇସକୁ ଯେତେବେଳେ ଅନ୍ୟ ବ୍ଲୁଟୁଥ ଡିଭାଇସ୍ ସହ ପେୟାର କରାଯାଇଥାଏ ସେହି ସମୟରେ ହ୍ୟାକିଙ୍ଗର ସବୁଠୁ ଅଧିକ ବିପଦ ଆଶଙ୍କା ରହିଥାଏ। ଅଧ୍ୟୟନ ମୁତାବକ ଫିଟନେସ୍ ଟ୍ରେକର,ସ୍ମାର୍ଟ ସ୍ପିକର,ସ୍ମାର୍ଟଓ୍ବାଚ୍ ହ୍ୟାକିଙ୍ଗ ପାଇଁ ଅତ୍ୟନ୍ତ ସହଜ ମାଧ୍ୟମ ଅଟେ।

ଯେତେବେଳେ ଆପଣ ନିଜ ଡିଭାଇସକୁ ଅନ୍ୟ କୌଣସି ବ୍ଲୁଟୁଥ ଡିଭାଇସ୍ କିମ୍ବା ଆପ୍ ସହ କନେକ୍ଟ କରିଥାଆନ୍ତି ସେତେବେଳେ ଦୁଇଟି ମଧ୍ୟରେ ଯେଉଁ କମ୍ୟୁନିକସେନ ହୋଇଥାଏ ଏହାକୁ ୟୁୟୁଆଇଡି ଅର୍ଥାତ୍ ୟୁନିଭର୍ସାଲି ୟୁନିକ୍ ଆଇଡେଣ୍ଟିଫାୟର କୁହାଯାଏ। ଏହି ଆଇଡେଣ୍ଟିଫାୟର ଆପଣଙ୍କ ଫୋନରେ ଥିବା ଆପକୁ ବ୍ଲୁଟୁଥ୍ ଡିଭାଇସକୁ କନେକ୍ଟ କରିଥାଏ,କିନ୍ତୁ ଏହି ଆଇଡେଣ୍ଟିଫାୟର ଆପଣଙ୍କ ଫୋନକୁ ହ୍ୟାକ୍ ମଧ୍ୟ କରିଥାଏ।



   Related Posts