ବାଗପତ ୨୨।୦୨: ଝିମିଟି ଖେଳରୁ ମହାଭାରତ। ଉତ୍ତର ପ୍ରଦେଶର ବାଗପତ ଜିଲ୍ଲାର ବଡୋତ ଟାଉନରେ ଦୁଇ ଗୋଷ୍ଠୀ ମଧ୍ୟରେ ରକ୍ତାକ୍ତ ସଂଘର୍ଷ। ସଂଘର୍ଷର କାରଣ ଦୋକାନରେ ଗ୍ରାହକଙ୍କୁ ବସାଇବା ନେଇ। ବିବାଦ ପ୍ରଥମେ ଚାଟ୍ ଦୋକାନରେ ଗ୍ରାହକଙ୍କୁ ବସାଇବା ନେଇ ଆରମ୍ଭ ହୋଇଥିଲା, ଯାହା ପରବର୍ତ୍ତୀ ସମୟରେ ମହାସଂଗ୍ରାମର ରୂପ ନେଇଥିଲା।
ସୂଚନା ଅନୁଯାୟୀ ବଡୋତ କୋତବାଲି ଅଞ୍ଚଳର ମୁଖ୍ୟ ବଜାରରେ ଦୁଇ ଚାଟ୍ ଦୋକାନ ପରସ୍ପର ନିକଟରେ ରହିଛି। ସୋମବାର ଗ୍ରାହକ ବସାଇବା ନେଇ ଦୁଇ ଦୋକାନୀଙ୍କ ମଧ୍ୟରେ ପ୍ରବଳ ଯୁକ୍ତିତର୍କ ହୋଇଥିଲା। ଦେଖୁ ଦେଖୁ ଦୁଇ ପକ୍ଷର ଲୋକେ ଲାଠି ବାଡି ଧରି ମୁହାଁମୁହିଁ ହୋଇଥିଲେ। ବିଚ୍ ବଜାରରେ ଦୁଇ ଗୋଷ୍ଠୀ ମଧ୍ୟରେ ପ୍ରବଳ ମାରପିଟ୍ ସହ ତୁମୁଳକାଣ୍ଡ ଦେଖିବାକୁ ମିଳିଥିଲା।
wp:html/wp:htmlTo everyone seeing orange-hair, green kurta uncle as the hero of the show, may I request you to watch out for the Mango Shake shop guy… it’s a true multi-starrer https://t.co/NKFLLqzvJz
— KAMLESH SINGH / BANA (@kamleshksingh) February 22, 2021
ପ୍ରାୟ ୫ ମିନିଟ୍ ଧରି ଉଭୟ ପକ୍ଷ ମଧ୍ୟରେ ପ୍ରବଳ ମାରପିଟ୍ ହୋଇଥିଲା। ଉଭୟ ଗୋଷ୍ଠୀର ଲୋକେ ପରସ୍ପରକୁ ନିର୍ମମ ଭାବେ ପିଟି ଚାଲିଥିଲେ। ଏହାକୁ ନେଇ ବଜାରରେ ଆତଙ୍କ ଖେଳି ଯାଇଥିଲା। ସୂଚନା ମିଳିବା ମାତ୍ରେ ଘଟଣାସ୍ଥଳରେ ପୋଲିସ ପହଞ୍ଚି ସ୍ଥିତି ନିୟନ୍ତ୍ରଣ କରିଛି। ବର୍ତ୍ତମାନ ଉଭୟ ପକ୍ଷର ଅଭିଯୋଗ ଆଧାରରେ ପୋଲିସ କାର୍ଯ୍ୟାନୁଷ୍ଠାନ ନେବାକୁ ପ୍ରସ୍ତୁତି କରୁଛି।
ଘଟଣାର ଭିଡିଓ ସାମାଜିକ ଗଣାମଧ୍ୟମରେ ଖୁବ୍ ଭାଇରାଲ ହେବାରେ ଲାଗିଛି। ଟ୍ଵିଟ୍ରରେ ଏହି ରକ୍ତାକ୍ତ ସଂଘର୍ଷକୁ ନେଇ ଅନେକ ପ୍ରତିକ୍ରିୟା ଦେଖିବାକୁ ମିଳିଛି। କେହି କେହି ଯୋଗୀ ସରକାରଙ୍କୁ କାଠଗଡାରେ ଛିଡା କରାଇଛନ୍ତି। କଂଗ୍ରେସ ନେତା ଅନୁଜ ଶୁକ୍ଳା ଭିଡିଓ ସେୟାର କରି ଲେଖିଛନ୍ତି ଆଇନ ବ୍ୟବସ୍ଥା ମୁକ୍ତ ଆତ୍ମ ନିର୍ଭର ଉତ୍ତର ପ୍ରଦେଶ।