Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଓଡିଶା ମୋ ପରିବାର ଜୀବନ ବିନ୍ଦୁ କାର୍ଯ୍ୟକ୍ରମ, ଉଦ୍‌ଘାଟନ କଲେ ବାଚସ୍ପତି ସୂର୍ଯ୍ୟନାରାୟଣ ପାତ୍ର

1/09/2020 at 4:13 PM

ଗଞ୍ଜାମ ୦୧।୦୯: ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଅନ୍ତର୍ଗତ ପଦ୍ମନାଭପୁର ଗାଁରେ ଓଡିଶା ମୋ ପରିବାର ପକ୍ଷରୁ ଜୀବନବିନ୍ଦୁ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସ୍ଥାନୀୟ ବିଧାୟକ ତଥା ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ଯୋଗ ଦେଇ କାର୍ଯ୍ୟକ୍ରମକୁ ଉଦଘାଟନ କରିବା ସହ ରକ୍ତ ଦାତାଙ୍କୁ ଉତ୍ସ।ହିତ କରିଛନ୍ତି ।

କରୋନା ସମୟରେ କୌଣସି ରୋଗୀଙ୍କୁ ରକ୍ତର ଅଭାବ ରହିବ ନାହିଁ । ସେଥି ପାଇଁ ଓଡିଶା ମୋ ପରିବାର ପକ୍ଷରୁ ଜୀବନ ବିନ୍ଦୁ କାର୍ଯ୍ୟକ୍ରମ ଗ୍ରହଣ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି । ଏହାସହ ବାଚସ୍ପତି କହିଛନ୍ତି ଯେ, ଗଞ୍ଜାମ ଜିଲ୍ଲାରେ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ କମିବାରେ ଲାଗିଛି । ଜିଲ୍ଲା ପ୍ରଶାସନ ଏବଂ ସମସ୍ତ କୋଭିଡ ଯୋଦ୍ଧାଙ୍କ ମିଳିତ ଉଦ୍ୟମରେ ଜିଲ୍ଲାରେ ସଂକ୍ରମଣ କମିବାରେ ଲାଗିଛି । ଅପରପକ୍ଷରେ କୋଭିଡ ସମୟରେ ୫୦ଜଣ ରକ୍ତ ଦାତା ହିଁ ରକ୍ତ ଦାନ କରିପାରିବେ ବୋଲି କହିଥିଲେ । ଏହାପରେ ଶିବିରରେ ୫୦ଜଣ ରକ୍ତ ଦାନ କରିଥିଲେ । ପଂଚାୟତ ସରପଞ୍ଚ ବି କ୍ରିଷ୍ଣ। ରାଓ ସୁବୁଦ୍ଧି ଶିବିରକୁ ସଂଯୋଜନା କରିଥିଲେ । ଏହି ଅବସରରେ ବାଚସ୍ପତିଙ୍କ ଦ୍ଵାରା ପାଠାଗାରା ସହ ମାର୍କେଟ କମ୍ପ୍ଲେକ୍ସ ମଧ୍ୟ ଉଦ୍‌ଘାଟନ ହୋଇଛି ।

   Related Posts