ନୂଆପଡା ୨/୧: ଗିରଫ ହେଲେ ଖଡିଆଳ ବ୍ଲକ ଅଧ୍ୟକ୍ଷ ବାଳକୃଷ୍ଣ ଶବର । ଗଣ୍ଡଗୋଳକାରୀ ଙ୍କୁ ଉସକାଇବା ସହ ଅଭିଯୋଗକାରୀଙ୍କୁ ମାଡ ମାରିବା ଅଭିଯୋଗରେ ଗିରଫ କରି କୋର୍ଟ ଚାଲାଣ କରିବା ପରେ ଜେଲ ଗଲେ ଅଧ୍ୟକ୍ଷ ।
ଗତ ୯ ତାରିଖରେ ଖଡିଆଳ ଶବର ପଡାର ସୁନିଲ ନାଇଡୁ ନାମକ ଏକ ଯୁବକ ସାଥିରେ ଅଧ୍ୟକ୍ଷଙ୍କ ପୁତୁରା ପ୍ରଲେନ୍ଦୁ ଶବରଙ୍କ ଗଣ୍ଡଗୋଳ ହୋଇଥିଲା । ଯାହାକୁ ଅଧ୍ୟକ୍ଷ ଉସକାଇଥିବା ଅଭିଯୋଗ ଥିବା ଅଭିଯୋଗ ସହ କକା ପୁତୁରା ନାମରେ ଥାନାରେ ଅଭିଯୋଗ ହୋଇଥିଲା । ପରେ ଉତ୍ୟକ୍ତ ହୋଇ ଅଧ୍ୟକ୍ଷ ବାଳକୃଷ୍ଣ ଅଭିଯୋଗକାରୀ ନାଇଡୁଙ୍କୁ ଚାପୁଡା ମାରିଥିଲେ ।
ଅଭିଯୋଗକ୍ରମେ ସେହି ଦିନ ହିଁ ପ୍ରଲେନ୍ଦୁଙ୍କୁ ଗିରଫ କରି କୋର୍ଟ ଚାଲଣ କରିଥିବାବେଳେ ଆଜି ଅଧ୍ୟକ୍ଷଙ୍କୁ ଖଡିଆଳ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଖଡିଆଳ ଥାନା ଅଧିକାରୀ ସୂଚନା ଦେଇଛନ୍ତି । ସୁନିଲଙ୍କ ଏକ ଅଟୋକୁ ମଧ୍ୟ ଭଙ୍ଗା ଯାଇଥିବା ସୂଚନା ମିଳିଛି।