Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଜନ୍ମରୁ ଅନ୍ଧ କିନ୍ତୁ ଦେଖୁଛନ୍ତି ଲୋକଙ୍କ ଭବିଷ୍ୟତ: କରୋନାକୁ ନେଇ ମଧ୍ୟ କରିଛନ୍ତି ଅନୁମାନ

28/09/2020 at 1:50 PM

ଅନୁଗୁଳ ୨୮/୦୯ : ଅନ୍ଧ ଦେଖୁଛି ଭବିଷ୍ୟତ, କଥାଟା ବିଶ୍ବାସ ହେଉ ନ ଥିଲେ ମଧ୍ୟ ସତ । ଜନ୍ମରୁ ଅନ୍ଧଥିବା ନୃସିଂହଙ୍କ ପାଖରେ ଭଲମନ୍ଦ ଏବଂ ଭବିଷ୍ୟତ ଜାଣିବା ପାଇଁ ଲୋକଙ୍କ ଭିଡ଼ ଜମୁଛି । ଦୁନିଆର ଆଲୋକ ଦେଖି ପାରୁ ନଥିବା ଲୋକ କିନ୍ତୁ ଲୋକଙ୍କୁ ଆଲୋକ ଦେଖାଉଛନ୍ତି । ନିଜେ ଅନ୍ଧ, କିନ୍ତୁ ଲୋକଙ୍କ ଭବିଷ୍ୟତ କଥା କହୁଛନ୍ତି । ଏହି ଭବିଷ୍ୟତ କଥା, ଭଲ ମନ୍ଦ କଥା ଜାଣିବା ପାଇଁ କାହିଁ କେତେ ଦୂରରୁ ଧାଇଁ ଆସନ୍ତି ଲୋକେ ।

ଲୋକଙ୍କ ଭବିଷ୍ୟତ ଦେଖୁଛନ୍ତି ତାଳଚେର ଅଞ୍ଚଳର ନୃସିଂହ ଚରଣ ନାୟକ । ବୟସ ୫୭ ବର୍ଷ । ନେହେରୁ ସେଣ୍ଟ୍ରାଲ ହସ୍ପିଟାଲ ନିକଟସ୍ଥ ରାସ୍ତା ପାର୍ଶ୍ଵ ଏକ ଗଛ ମୂଳରେ ବସିଥାନ୍ତି । ଆଉ ଯିଏ ରାସ୍ତାରେ ଯାଉଥାନ୍ତି, ଟିକେ ଭବିଷ୍ୟତ କଥା, ଭଲମନ୍ଦ କଥା ଜାଣିବା ପାଇଁ ଅଟକି ଯାଆନ୍ତି । ଆଉ ତାଙ୍କ କଥାକୁ ଗଭୀର ବିଶ୍ୱାସ ମଧ୍ୟ କରନ୍ତି । କାରଣ ସେ ଜନ୍ମରୁ ଅନ୍ଧ । ଆଉ ଯାହା କୁହନ୍ତି ତାହା ସତ ବୋଲି ଭାବିଥାନ୍ତି ।

ନିଜର ସାଧନା ଆଉ ଦିବ୍ୟଚକ୍ଷୁରେ ଏହି ସବୁ କଥା କହୁଛନ୍ତି ନୃସିଂହ। ପିଲାରୁ ଅନ୍ଧ ଥିବା ଯୋଗୁଁ ଅନ୍ୟମାନଙ୍କ ଠାରୁ ଶୁଣି ଶୁଣି, ସାଧନା କରି ଏହି ସବୁ କଥା କୁହନ୍ତି ବୋଲି କହିଛନ୍ତି । ଏଥିରେ ରାଶି ନକ୍ଷତ୍ରର କଥା ମଧ୍ୟ ରହିଛି । ତେବେ କରୋନା ମହାମାରୀ କେବେ ଦୂର ହେବ ବୋଲି ପ୍ରଶ୍ନ ପଚାରିବା ପରେ ତାର ମଧ୍ୟ ଜବାବ ଦେଇଛନ୍ତି ନୃସିଂହ । କରୋନା ମହାମାରୀ ଆସନ୍ତା ମାର୍ଚ୍ଚ ମାସ ଅର୍ଥାତ ୨୦୨୧ ମସିହା ମାର୍ଚ୍ଚ ମାସ ପରେ ଯିବ ବୋଲି ସେ ଅନୁମାନ କରି କହିଛନ୍ତି । ତାଙ୍କର ଏହି ସେବାରେ ଯିଏ ସ୍ୱଇଚ୍ଛାରେ ଯାହା ଦିଅନ୍ତି ତାକୁ ସେ ମନ ଖୁସିରେ ଗ୍ରହଣ କରିଥାନ୍ତି ।

ତେବେ ତାଙ୍କ କଥାକୁ ଲୋକମାନେ ବିଶ୍ବାସ କରୁ ଥିବାବେଳେ, ତାହା କେତେ ଗ୍ରହଣ ଯୋଗ୍ୟ ସାଧାରଣରେ ଚର୍ଚ୍ଚା ଆରମ୍ଭ ହେଉଛି ।

   Related Posts