Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସାପ କାମୁଡିବା ପରେ ମନ୍ଦିରରେ ପଡିଛନ୍ତି ଅଧିଆ, ଆମ୍ବୁଲାନ୍ସକୁ ଫେରାଇ ଦେଲେ ପରିବାର ଲୋକ

3/10/2019 at 2:38 PM

ଯାଜପୁର ୩।୧୦: ବିଷଧର ସାପ କାମୁଡିଥିବା ଜଣେ ରୋଗୀଙ୍କୁ ଡାକ୍ତରଖାନା ନନେଇ ମନ୍ଦିରରେ ଅଧିଆ ପଡିଛନ୍ତି । ତାଙ୍କୁ ଡାକ୍ତରଖାନା ନେବା ପାଇଁ ଆସିଥିବା ଆମ୍ବୁଲାନ୍ସକୁ ପରିବାର ଲୋକେ ଫେରେଇ ଦେଇଛନ୍ତି । ଯାଜପୁର ଜିଲ୍ଲା କୋରେଇ ବ୍ଲକ୍ ଅନ୍ତର୍ଗତ ଅସନଝର ଗ୍ରାମରେ ଏହିଭଳି ଏକ ଅନ୍ଧ ବିଶ୍ବାସ ଘଟଣା ସାମ୍ନାକୁ ଆସିଛି ।

ସୂଚନାଯୋଗ୍ୟ ଯେ, ଗାଁର ୪୫ବର୍ଷ ବୟସ୍କ ରମାକାନ୍ତ ନାୟକ ଆଜି ବିଲକୁ ସାର ପକାଇବାକୁ ଯାଇଥିବା ବେଳେ ତାଙ୍କୁ ଏକ ବିଷଧର ସାପ କାମୁଡି ଦେଇଥିଲା । ସାପ କାମୁଡିଥିବା ଜାଣିପାରି ସେ ସଂଗେ ସଂଗେ ବିଲରୁ  ଘରକୁ ଆସୁଥିବା ବେଳେ କିଛି ବାଟରେ ସଂଜ୍ଞାହୀନ ହୋଇ ପଡିଯାଇଥିଲେ । ଗ୍ରାମବାସୀ ଏହା ଦେଖି ତାଙ୍କୁ ସେଠାରୁ ଉଦ୍ଧାର କରି ଆମ୍ବୁଲାନ୍ସକୁ ଫୋନ୍ କରିଥିଲେ ।  କିଛି ସମୟ ପରେ ଆମ୍ବୁଲାନ୍ସ ଗ୍ରାମରେ ପହଞ୍ଚିଲା । କିନ୍ତୁ ପରିବାର ଲୋକେ ତାଙ୍କୁ ଗ୍ରାମରେ ଥିବା ଆଖଣ୍ଡଳମଣି ମନ୍ଦିରକୁ ନେଇଯାଇଥିଲେ  ।  ପରେ ଆମ୍ବୁଲାନ୍ସକୁ ସେମାନେ ଫେରାଇ ଦେଇଥିଲେ ।  ଗ୍ରାମର କିଛି ବ୍ୟକ୍ତି ଆମ୍ବୁଲାନ୍ସରେ ରୋଗୀକୁ ନେବା ପାଇଁ ପରିବାର ଲୋକଙ୍କୁ କହିଥିଲେ ମଧ୍ୟ ସେ ଏ କଥାକୁ ଶୁଣି ନଥିଲେ । ତା’ପରେ ମନ୍ଦିରରେ ଭଜନ କିର୍ତ୍ତନ ଚାଲିଥିବା ବେଳେ ସାପ କାମୁଡା ରୋଗୀଟି ଏବେବି ଅଧିଆ ପଡିରହିଛି ।

   Related Posts