Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆସନ୍ତା ବର୍ଷ ୫ଜି ଫୋନ୍ ନେଇ ଆସିବ ବ୍ଲାକବେରୀ, ଆଣ୍ଡ୍ରୋଏଡ୍ ସଫ୍ଟଓୟାର ସହ ରହିବ କିବୋର୍ଡ

20/08/2020 at 7:15 PM

ନୂଆଦିଲ୍ଲୀ, ୨୦|୦୮:  ମୋବାଇଲ କମ୍ପାନୀ ବ୍ଲାକବେରୀ ୫ଜି ଆଣ୍ଡ୍ରୋଏଡ୍ ସ୍ମାର୍ଟଫୋନ୍ ଲଞ୍ଚ୍ କରିବାକୁ ଯାଉଛି । ଏହାକୁ କମ୍ପାନୀ ୨୦୨୧ରେ ଲଞ୍ଚ୍ କରିବ ବୋଲି ଲକ୍ଷ୍ୟ ରଖିଛି । ଏଥିରେ କ୍ୱେରଟୀ କିପ୍ୟାଡ୍ ରହିବ ।  

ନିକଟରେ ବ୍ଲାକବେରୀ ଓ ଏଫଆଇଏଚ ମୋବାଇଲ୍ ମଧ୍ୟରେ ଭାଗିଦାରୀ ହୋଇଛି । ଚୁକ୍ତି ଅନୁସାରେ ବ୍ଲାକବେରୀ ଅନଓ୍ୱାର୍ଡସ୍ ମୋବିଲିଟିକୁ ୫ଜି ମୋବାଇଲ୍ ତିଆରି କରିବାକୁ ଅଧିକାର ପ୍ରଦାନ କରିଛି । ଏବେ ଅନଓ୍ୱାର୍ଡ ମୋବିଲିଟି ଉତ୍ତର ଆମେରିକାରେ ବ୍ଲାକବେରୀର ବ୍ୟବସାୟ ସମ୍ଭାଳିବ । ସେହିପରି ଏଫଆଇଏଚ ମୋବାଇଲ୍ ସ୍ପାର୍ଟଫୋନର ଡିଜାଇନ୍ ଓ ଉତ୍ପାଦନ ଦାୟିତ୍ୱ ନେବ ।

ଆଣ୍ଡ୍ରୋଏଡ୍ ଅଥରିଟୀର ରିପୋର୍ଟ ଅନୁସାରେ, ଚଳିତ ବର୍ଷ ଆରମ୍ଭରେ ବ୍ଲାକବେରୀ ଓ ଟିସିଏଲ ଅଲଗା ହୋଇଥିଲେ । ଟିସିଏଲ ବ୍ଲାକବେରୀର କୌଣସି ଫୋନ୍ ଉତ୍ପାଦନ କରିବ ନାହିଁ ବୋଲି ଘୋଷଣା କରିଥିଲା । ଏବେ ଅନଓ୍ୱାର୍ଡମୋବିଲିଟି ଫକ୍ସକନ୍ ଓ ଏଫଆଇଏସ ମୋବାଇଲ ସହ ମିଶି ବ୍ଲାକବେରୀ ୫ଜି ସ୍ମାର୍ଟଫୋନ ଉପରେ କାମ କରିବ । ଏହାକୁ ପ୍ରଥମେ ଉତ୍ତର ଆମେରିକା ଓ ୟୁରୋପ ବଜାରରେ ଉପଲବ୍ଧ କରାଯିବ ।

ବ୍ଲାକବେରୀ ସିଇଓ ଜନ୍ ଚେନ୍ କହିଛନ୍ତି ଯେ, ବ୍ଲାକବେରୀ ୫ଜି ଫୋନରେ ଫିଜିକାଲ କି ବୋର୍ଡ ରହିବ । କମ୍ପାନୀ ୟୁଜରଙ୍କ ସୁରକ୍ଷାରୁ ପ୍ରାଥମିକତା ଦେବ । ଏହାସହ ଅଫର୍ ସହ ମୋବାଇଲକୁ ଲଞ୍ଚ୍ କରାଯିବ ।

   Related Posts