Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଇମ୍ରାନଙ୍କ ଆର୍ମୀର ଦୁର୍ନୀତିଗ୍ରସ୍ତ ଜେନେରାଲ, ୪ ଦେଶରେ ୯୯ କମ୍ପାନୀ-୧୩୪ ରେଷ୍ଟୁରାଣ୍ଟ, ସିପିଇସିର ମୁଖ୍ୟଙ୍କ ପାଖରେ ପୁଳାପୁଳା କଳା ଟଙ୍କା

1/09/2020 at 6:35 PM

ଲାହୋର, ୦୧|୦୯:  ଆର୍ଥିକ ଦୂରାବସ୍ଥା ଦେଇ ଗତି କରୁଥିବା ପାକିସ୍ତାନ ସେନାରେ ଦୁର୍ନୀତି ବାବଦରେ ଏକ ବଡ ସତ ସାମ୍ନାକୁ ଆସିଛି । ଏକ ରିପୋର୍ଟରେ କୁହାଯାଇଛି ଯେ,  ପୂର୍ବତନ ଜେନେରାଲ ଅସୀମ ସଲିମ୍ ବାଜଓ୍ୱା ସେନାରେ ଥିବା ବେଳେ ଖୁବ୍ ଅର୍ଥ କମାଇଥିଲେ । ତାଙ୍କ ପରିବାର ପାଖରେ ୧୩୩ ରେଷ୍ଟୁରାଣ୍ଟ ଓ ୯୯ଟି କମ୍ପାନୀ ରହିଛି । କେବଳ ଏତିକି ନୁହେଁ ତାଙ୍କ ବ୍ୟବସାୟ ଅନେକ ଦେଶରେ ରହିଛି ।

ପାକିସ୍ତାନୀ ସାମ୍ବାଦିକ ଅହମ୍ମଦ ନୁରାନୀ ଏବାବଦରେ କହିଛନ୍ତି । ସେ କହିଛନ୍ତି ଯେ, ପୂର୍ବତନ ଜେନେରାଲ ଅସୀମଙ୍କ ବ୍ୟବସାୟ ପାକିସ୍ତାନ, ୟୁଏଇ କାନାଡା ଓ ଆମେରିକାରେ ରହିଛି । ସେ ସେନାରେ ଥିବା ବେଳେ ବଡ ଧରଣର ଦୁର୍ନୀତି କରିଥିଲେ । ଫଳରେ ସେ କୋଟି କୋଟି ଟଙ୍କାର ବ୍ୟବସାୟିକ ସାମ୍ରାଜ୍ୟ ଛିଡା କରିଛନ୍ତି । ବାଜଓ୍ୱା ଚୀନ-ପାକିସ୍ତାନ ଇକୋନୋମିକ୍ କରିଡରର ଚେୟାରମ୍ୟାନ୍ ଅଛନ୍ତି । ଏପକିକି ପ୍ରଧାନମନ୍ତ୍ରୀ ଇମରାନ ଖାନଙ୍କ ବିଶେଷ ପରାମର୍ଶଦାତା ଭାବେ ନିଯୁକ୍ତି ପାଇଛନ୍ତି ।ଚୀନ ସହ ସୁସମ୍ପର୍କ ଥିବାରୁ ସେ ସିପିଇସିର ଚେୟାରମ୍ୟାନ୍ ଭାବେ ନିଯୁକ୍ତ ହୋଇଥିଲେ ।

ବାଜଓ୍ୱାଙ୍କର ୬ ଭାଇ ଓ ୩ ଉଉଣୀ ରହିଛନ୍ତି । ତାଙ୍କ ଛୋଟ ଭାଇ ୨୦୦୨ରେ ଏକ ରେଷ୍ଟୁରାଣ୍ଟ ଖୋଲିଥିଲେ । ଏହି ସମୟରେ ସେ ପୂର୍ବତନ ରାଷ୍ଟ୍ରପତି ପରଭେଜ୍ ମୁଶାରଫଙ୍କ ପାଇଁ କାମ କରିବା ଆରମ୍ଭ କରିଥିଲେ । ଏପରିକି ତାଙ୍କ ଭାଇ ନଦୀମ ମଧ୍ୟ ପିଜା ଡେଲିଭରୀ ବୟ ଭାବେ କାମ କରୁଥିଲେ । ଆଜି  ନଦୀମ ଓ ଅସୀମଙ୍କ ପାଖରେ ୯୯ଟି କମ୍ପାନୀର ମାଲିକାନା ରହିଛି ।  ବାଜଓ୍ୱା ପରିବାର ପାଖରେ ଏକ ପିଜା କମ୍ପାନୀ ଓ ୧୩୩ ରେଷ୍ଟୁରାଣ୍ଟ ରହିଛି । ଯାହାର ଦାମ୍ ୪ କୋଟି ଡଲାର ଅଟେ ।

ରିପୋର୍ଟରୁ ଜଣାପଡିଛି ଯେ, ବାଜଓ୍ୱା ଜେନେରାଲ ଥିବା ବେଳେ ତାଙ୍କ ପରିବାର ୫୨.୨ ମିଲିଡନ ଡଲାର ବ୍ୟବସାୟ ବାବଦରେ ଖର୍ଚ୍ଚ କରିଥିଲେ । ଏହାସହ ଆମେରିକାରେ ୧୪.୫ ମିଲିୟନ ଡଲାରର ସମ୍ପତ୍ତି କିଣିଥିଲେ । ଏବେ ପାକିସ୍ତାନ ଆର୍ଥିତ ଦୁସ୍ଥିତି ଦେଇ ଗତି କରୁଛି । ଏହି ରିପୋର୍ଟ ନିଶ୍ଚିତ ଭାବେ ସରକାର ଓ ସେନାକୁ ବଡ ଝଟକା ପ୍ରଦାନ କରିପାରେ ।  

   Related Posts