ଗଜପତି ୫/୧୨: ଗଜପତି ଜିଲ୍ଲା ପୋଲିସର ବେଆଇନ ଗିରଫଦାରୀ ଏବଂ ଗୁମ୍ମା ବ୍ଲକର ବିଜେପି ମଣ୍ଡଳ ସଭାପତି କୃଷ୍ଣ ଚନ୍ଦ୍ର ବିଶୋୟୀଙ୍କୁ ଗିରଫ କରିବା ପ୍ରତିବାଦରେ ବିଧାୟକ କେ ନାରାୟଣ ରାଓଙ୍କ ନେତୃତ୍ବରେ ଏସପିଙ୍କ କାର୍ଯ୍ୟାଳୟ ଘେରାଉ କରିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି । ସେମାନଙ୍କ ଅଭିଯୋଗ ହେଲା ଗତ କିଛିଦିନ ତଳେ ଗୁମ୍ମା ବ୍ଲକରେ ସରକାରୀ ଯୋଜନାରେ ବିଜୁ ଯୁବ ବାହିନୀ କିଟ୍ ବଣ୍ଟନବେଳେ ବେଆଇନ ଭାବେ ବିଜେଡ଼ିର ସମର୍ଥକ କିଟ୍ ବାଣ୍ଟିଥିଲେ। ତେବେ ଏହାର ପ୍ରତିବାଦ କରିଥିଲେ ବିଜେପି ମଣ୍ଡଳ ସଭାପତି କୃଷ୍ଣ ଚନ୍ଦ୍ର ବିଷୋୟୀ। ସେଥିପାଇଁ ତାଙ୍କୁ ଗିରଫ କରାଯାଇଥିବା ଅଭିଯୋଗ କରିଛି ବିଜେପି।
{"id":194191,"sizeSlug":"large"}ଏହି ଗିରଫ ଦାବିରେ ପ୍ରତିବାଦରେ ଆଜି ଶହ ଶହ ବିଜେପି କର୍ମୀ ବିଧାୟକ କେ ନାରାୟଣ ରାଓ ଙ୍କ ନେତୃତ୍ବରେ ଏସପିଙ୍କ କାର୍ଯ୍ୟାଳୟ ଘେରାଉ କରିଥିଲେ ।ଏହି କାର୍ଯ୍ୟକ୍ରମରେ ବିଜେପି ର ରାଜ୍ୟ ସ୍ତରୀୟ ନେତା ଭୃଗୁ ବକ୍ସି ପାତ୍ର ଯୋଗ ଦେଇ ଏସପି ସାରା ଶର୍ମାଙ୍କୁ ଆନ୍ଦୋଳନ ସ୍ଥଳକୁ ଆସି ଆଲୋଚନ କରିବା ପାଇଁ ଜିଦ୍ ଧରି ବସିଥିଲେ ।
{"id":194193,"sizeSlug":"large"}ଦୀର୍ଘ ସମୟ ଧରି ଆନ୍ଦୋଳନକାରୀ ବିକ୍ଷୋଭ ପ୍ରଦର୍ଶନ କରିବା ପରେ ଏସପି ସାରା ଶର୍ମା ପହଞ୍ଚି ଆଲୋଚନା କରିଥିଲେ । ଏହାପରେ ବିଜେପି କର୍ମୀ ମାନେ ଆନ୍ଦୋଳନରୁ ଓହରିଲେ ଏବଂ ଏସପି ସାରା ଶର୍ମା ଘଟଣାର ତଦନ୍ତ କରି ଉଚିତ୍ ପଦକ୍ଷେପ ନେବେ ବୋଲି ପ୍ରତିଶ୍ରୁତି ଦେଇଥିବା କହିଛନ୍ତି ବିଜେପିର ବରିଷ୍ଠ ନେତା ଭୃଗୁ ବକ୍ସି ପାତ୍ର । ସେପଟେ ଏସପି କହିଛନ୍ତି ଗୁମ୍ମାର ଘଟଣାରେ ଯଦି କୌଣସି ପାଲଟା ଅଭିଯୋଗ ଆସେ ତେବେ ଘଟଣାକୁ ବିଚାରକୁ ନେଇ ଉଚିତ୍ ପଦକ୍ଷେପ ନିଆଯିବ ବୋଲି ସାରା ଶର୍ମା କହିଛନ୍ତି ।
{"id":194194,"sizeSlug":"large"}