କୋଲକାତା ୧୭/୦୫ : ପଶ୍ଚିମବଙ୍ଗ ବିଧାନସଭା ନିର୍ବାଚନ ୨୦୨୧ର ଫଳାଫଳ ଘୋଷଣା ହେବା ଦିନ ବିଜେପି କାର୍ଯ୍ୟକର୍ତ୍ତା ଅଭିଜୀତ ସରକାରଙ୍କ ହତ୍ୟା ମାମଲାରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ତୃଣମୂଳ କଂଗ୍ରେସର ବିଧାୟକ ପରେଶ ପାଲଙ୍କୁ ନୋଟିସ୍ ଜାରି କରିଛନ୍ତି । ତାଙ୍କୁ ଚଳିତ ମେ ୧୮ ରେ ସିବିଆଇ କାର୍ଯ୍ୟାଳୟରେ ହାଜର ହେବା ପାଇଁ ନିର୍ଦ୍ଦେଶ ଦିଆଯାଇଛି। ସିବିଆଇର ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି ।
ସିବିଆଇ ଅଧିକାରୀ ଜଣଙ୍କ କହିଛନ୍ତି ଅଭିଜୀତ ସରକାର ହତ୍ୟା ଘଟଣାରେ ପଚରା ଉଚୁରା ପାଇଁ ତାଙ୍କୁ ମେ ୧୮ ବୁଧବାର କୋଲକାତାରେ ଥିବା ଆମ ବିଭାଗୀୟ ଅଧିକାରୀମାନଙ୍କ ପାଖରେ ହାଜର ହେବା ପାଇଁ ସୂଚନା ଦିଆଯାଇଛି । ଏହି ଘଟଣାରେ ପରେଶ ପାଲଙ୍କର ପ୍ରତିକ୍ରିୟା ଜଣିବା ପାଇଁ ତାଙ୍କୁ ବାରମ୍ୱାର ବାରମ୍ୱାକ କଲ୍ କରାଯାଇଥିଲା କିନ୍ତୁ ତାଙ୍କ ସହିତ ଯୋଗାଯୋଗ ହୋଇପାରି ନଥିଲା ।
ପଶ୍ଚିମବଙ୍ଗ ବିଧାନସଭା ନିର୍ବାଚନ ଫଳଫଳ ଘୋଷଣା ହେବାର କିଛି ସମୟ ମଧ୍ୟରେ ଗତ ବର୍ଷ ମେ ୨ ତାରିଖରେ କଙ୍କୁରଗାଛି ଅଞ୍ଚଳରେ ବିଜେପି କାର୍ଯ୍ୟକର୍ତ୍ତା ଅଭିଜିତ ସରକାରଙ୍କୁ ହତ୍ୟା କରାଯାଇଥିଲା। ଅଭିଜୀତଙ୍କ ସମ୍ପର୍କୀୟମାନେ ଏଥିପାଇଁ ଟିଏମସି ନେତା ପରେଶ ପାଲଙ୍କୁ ଦାୟି କରିଥିଲେ ।
କୋଲକାତା ହାଇକୋର୍ଟଙ୍କ ନିର୍ଦ୍ଦେଶ ପରେ ସିବିଆଇ ଗତ ବର୍ଷ ଅଗଷ୍ଟ ମାସ ଏହି ମାମଲାରେ ମକଦ୍ଦମା ରୁଜୁ କରି ତଦନ୍ତ ଆରମ୍ଭ କରିଛି । ଅଦାଲତ ସିବିଆକୁ ପଶ୍ଚିମବଙ୍ଗ ବିଧାନସଭା ନିର୍ବାଚନ ପରେ ହୋଇଥିବା ହତ୍ୟା ଓ ବଳାତ୍କାର ମାମଲାର ଯାଞ୍ଚ କରିବା ମଧ୍ୟ ପାଇଁ ନିର୍ଦ୍ଦେଶ ଦେଇଥିଲେ।