Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଦୁଇ ବାଇକ୍ ଉପରେ ଚଢିଗଲା ଟ୍ରକ୍, ୩ ମୃତ, ଜଣେ ଗୁରୁତର
  • ||
  • ସୋର : ୮ଲକ୍ଷ ଟଙ୍କା ପାଇଁ କିଡ୍‌ନାପ୍ ! ବନ୍ଧୁକ ମୁନରେ ହତ୍ୟା ଧମକର ଭିଡିଓ ଭାଇରାଲ୍
  • ||
  • ସୋନପୁର : ଭିଜିଲାନ୍ସ ଜାଲରେ ଶିକ୍ଷକ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||
  • କରଞ୍ଜିଆ : କରଞ୍ଜିଆ ବନଖଣ୍ଡ ଅଞ୍ଚଳରେ ଜଳୁଛି ଜଙ୍ଗଲ, ଫେଲ୍ ମାରିଛି ବନ ବିଭାଗର ନିଆଁ ଲିଭା ଅଭିଯାନ
  • ||
  • ଚିନ୍ତା ବଢାଉଛି କରୋନାର ବ୍ରାଜିଲ ଭାରିଏଣ୍ଟ, ରହିଛି ପୁନଃ ସଂକ୍ରମଣ କ୍ଷମତା
  • ||

ଗଛରେ ଝୁଲୁଥିବା ଅବସ୍ଥାରେ ବିଜେପି କର୍ମୀଙ୍କ ଶବ ଉଦ୍ଧାର: ଟିଏମ୍‌ସି ଉପରେ ହତ୍ୟା ଅଭିଯୋଗ ଆଣିଲେ ରାଜ୍ୟ ବିଜେପି ଅଧ୍ୟକ୍ଷ

13/09/2020 at 5:37 PM

କୋଲକାତା ୧୩/୦୯ : ପଶ୍ଚିମବଙ୍ଗ ହୁଗୁଳୀ ଜିଲ୍ଲାରେ ରବିବାର ଦିନ ଭାରତୀୟ ଜନତା ପାର୍ଟିର ଜଣେ କର୍ମୀଙ୍କ ଶବ ଗଛରେ ଝୁଲୁଥିବା ଅବସ୍ଥାରେ ଉଦ୍ଧାର ହୋଇଛି । ଗୋଘାଟ ଅଞ୍ଚଳର ଖନତି ଗାଁରୁ ବିଜେପି କର୍ମୀ ଗଣେଶ ରାୟଙ୍କ ଶବ ଗଛରେ ଝୁଲୁଥିବା ଅବସ୍ଥାରେ ଉଦ୍ଧାର ହୋଇଛି । ବିଜେପି ଅଭିଯୋଗ କରିଛି ଯେ ତୃଣମୂଳ କଂଗ୍ରେସ ସଦସ୍ୟ ଗଣେଶ ରାୟଙ୍କୁ ହତ୍ୟା କରିଛନ୍ତି । କିନ୍ତୁ ଟିଏମସି ଏହି ଅଭିଯୋଗକୁ ଖଣ୍ଡନ କରିଛି । ଟିଏମସି କହିଛି ଯେ ଗଣେଶ ରାୟଙ୍କ ହତ୍ୟାରେ ଦଳସା କୌଣସି ସଦସ୍ୟଙ୍କ ହାତ ନାହିଁ ।

ପୋଲିସ ସୂଚନା ଅନୁଯାୟୀ, ଗଣେଶ ରାୟ ଶନିବାର ଠାରୁ ନିଖୋଜ ଥିଲେ । ରବିବାର ଦିନ ତାଙ୍କର ଶବ ଜବତ ହୋଇଛି । ମୃତ୍ୟୁର କାରଣ ଯାଞ୍ଚ କରାଯାଉଛି । ପ୍ରଦେଶ ବିଜେପି ଅଧ୍ୟକ୍ଷ ଦିଲୀପ ଘୋଷ କହିଛନ୍ତି ଯେ ଗଣେଶ ରାୟଙ୍କୁ ହତ୍ୟା କରାଯାଇ ଅଧ ରାତିରେ ତାଙ୍କ ଶଵକୁ ଗଛରେ ଟାଙ୍ଗି ଦିଆଯାଇଥିଲା । ଅଞ୍ଚଳର ବିଜେପି କାର୍ଯ୍ୟକର୍ତ୍ତାଙ୍କ ମଧ୍ୟରେ ଭୟର ବାତାବରଣ ସୃଷ୍ଟି କରିବାକୁ ଏହିଭଳି କରାଯାଇଛି ବୋଲି ସେ କହିଛନ୍ତି । ବିଜେପି କର୍ମୀଙ୍କୁ ହତ୍ୟା କରି ଶବ ଗଛରେ ଝୁଲାଇଦେବା ଏକ ନୂଆ ଚଳନ ପାଲଟିଛି । କିନ୍ତୁ ଦଳ ଏହାକୁ ପ୍ରତିରୋଧ କରିବ, ବିଜେପି ସମର୍ଥନ ମିଳୁଥିବାରୁ ଟିମଏସି ଭୟଭୀତ ବୋଲି ସେ କହିଛନ୍ତି ।

ଘଟଣାରେ ବିରୋଧ ପ୍ରଦର୍ଶନ କରି ବିଜେପି କାର୍ଯ୍ୟକର୍ତ୍ତା କିଛି ସମୟ ପାଇଁ ଗୋଘାଟ-ଆରାମମାର୍ଗ ସଡକ ମାର୍ଗ ଯାମ କରିଥିଲେ । କିନ୍ତୁ ପୋଲିସ ଆସି ଯାମ ହଟାଇଥିଲା । ଗତ କିଛି ବର୍ଷ ହେଲା ରାଜ୍ୟର ବିଭିନ୍ନ ସ୍ଥାନରୁ ବିଜେପି କାର୍ଯ୍ୟକର୍ତ୍ତାଙ୍କ ଶବ ଗଛରେ ଝୁଲୁଥିବା ଅବସ୍ଥାରେ ଉଦ୍ଧାର ହୋଇଛି ।

   Related Posts