Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ନାବାଳକଙ୍କୁ ଟାଙ୍ଗିଆରେ ହାଣି ହତ୍ୟା, ବଡ ଭାଇକୁ ତୀର ମାଡ
  • ||
  • ତେଲକୋଇ : ଫ୍ରି ଫାୟାର ଗେମ୍ ନେଲା ଜୀବନ, ଗୁରୁତର ଥିବା ଛାତ୍ରଙ୍କ ମୃତ୍ୟୁ
  • ||
  • ଟୋକିଓ ଅଲିମ୍ପିକ୍ସରେ ସ୍ଥାନ ପାଇବ ପଶ୍ଚିମ ଓଡିଶାର କଳାକୃତୀ, ୮ ଓଡିଆ କଳାକାର ହାସଲ କଲେ ସଫଳତା
  • ||
  • କାମାକ୍ଷାନଗର : ଟିକା ନେଇ ଶିଶୁ ମୃତ୍ୟୁ ଅଭିଯୋଗ, ପ୍ରାଣ ହରାଇଲେ ୨ ମାସର ଶିଶୁ କନ୍ୟା
  • ||
  • ସମ୍ବଲପୁର :ବନ୍ଦ ହେଲା ହୀରକୁଦ ଜଳଭଣ୍ଡାରର ୨ଟି ଗେଟ୍, ୧୨ଟି ଗେଟ୍ ଦେଇ ନିଷ୍କାସିତ ହେଉଛି ବନ୍ୟାଜଳ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୫ ଜଣଙ୍କ ଜୀବନ
  • ||
  • ଆଉ ଏକ ଲଘୁଚାପ, ୩୦ ଯାଏଁ ସାରା ରାଜ୍ୟରେ ବର୍ଷା
  • ||
  • ବରଗଡ଼ : ଗାଁ ମୁଣ୍ଡରେ ପଡ଼ିଛି ଯୁବକଙ୍କ ରକ୍ତାକ୍ତ ମୃତଦେହ, ହତ୍ୟା ନା ଆଉ କିଛି ?
  • ||
  • ମାଷ୍ଟରକ୍ୟାଣ୍ଟିନ୍‌ ଛକରୁ ମିଳିଲା ମୃତଦେହ, ଶାଢୀରେ ଝୁଲିପଡିଲେ ଯୁବକ
  • ||
  • ଦିନେ ବଢିବା ପରେ ପୁଣି କମିଲା ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୬୧୫ କରୋନା ପଜିଟିଭ୍
  • ||

ଘରେ ପଶି ବିଜେପି କର୍ମୀଙ୍କୁ ଗୁଳି କଲେ ଆତଙ୍କବାଦୀ, ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି

9/08/2020 at 10:07 AM

ବଡଗାମ ୦୯/୦୮ : ଜାମ୍ମୁ କାଶ୍ମୀର ବଡଗାମ ଜିଲ୍ଲା ଓମପୋରା ଅଞ୍ଚଳରେ ଆତଙ୍କବାଦୀମାନେ ରବିବାର ସକାଳୁ ବିଜେପି କର୍ମୀ ଅବଦୁଲ ହମିଦଙ୍କୁ ଗୁଳି କରି କରିଛନ୍ତି | ଆତଙ୍କବାଦୀମାନେ ଅବଦୁଲ ହମିଦଙ୍କ ଘରେ ପଶି ତାଙ୍କୁ ଗୁଳି କରିବା ପରେ ସେଠାରୁ ଫେରାର ହୋଇଯାଇଥିବା ଜଣାପଡିଛି | ଅବଦୁଲ ହମିଦଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି | ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ପୁରା ଅଞ୍ଚଳରେ ଘେରିଛି ଏବଂ ଆତଙ୍କବାଦୀଙ୍କୁ ଖୋଜିବାକୁ ସର୍ଚ୍ଚ ଅପରେସନ ଜାରି ରଖିଛି |

ସୂଚନା ଅନୁଯାୟୀ, ରବିବାର ସକାଳୁ ଆତଙ୍କବାଦୀମାନେ ବିଜେପି କର୍ମୀ ଅବଦୁଲ ହମିଦଙ୍କ ଘରକୁ ପଶି ଯାଇଥିଲେ | ଘରେ ପଶି ଅବଦୁଲଙ୍କୁ ଗୁଳି କରିଥିଲେ ଏବଂ ଏହାପରେ ସେହି ଅଞ୍ଚଳରେ ରହୁଥିବା ଆଉ ଜଣେ ମହିଳା ବିଜେପି କର୍ମୀଙ୍କ ଘରେ ପଶି ଯାଇଥିଲେ | କିନ୍ତୁ ମହିଳା କର୍ମୀ ସେତେବେଳେ ଘରେ ନଥିଲେ | ମହିଳାଙ୍କୁ ଘରେ ନ ପାଇ ଆତଙ୍କବାଦୀ ସେଠାରୁ ଚାଲି ଯାଇଥିଲେ | 

ଅବଦୁଲ ହମିଦ ବଡଗାମ ଜିଲ୍ଲା ବିଜେପି ଓବିସି ଜିଲ୍ଲା ଅଧ୍ୟକ୍ଷ ଅଛନ୍ତି | ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅବଦୁଲଙ୍କୁ ହସ୍ପିଟାଲରେ ଭର୍ତ୍ତି କରିଥିଲା | ସୂଚନା ଅନୁଯାୟୀ ଅବଦୁଲଙ୍କ ଅବସ୍ଥା ଗୁରୁତର ରହିଛି | 

କିଛି ଦିନ ହେଲା କଶ୍ମୀର ଘାଟିରେ ଆତଙ୍କବାଦୀ ଲଗାତାର ବିଜେପି ନେତା, କର୍ମୀଙ୍କୁ ଟାର୍ଗେଟ କରୁଛନ୍ତି | ଏହା ପୂର୍ବରୁ ଅଗଷ୍ଟ ୪ ତାରିଖରେ କୁଲଗାମରେ ଆରିଫ ଅହମଦଙ୍କ ଉପରେ ଆତଙ୍କବାଦୀ ହମଲା କରିଥିଲେ | ଜୁଲାଇ ୧୦ ତାରିଖରେ ବାନ୍ଦୀପୋରାରେ ବିଜେପିର ୩ ନେତାଙ୍କୁ ହତ୍ୟା କରିଥିଲେ |

   Related Posts