Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ସମସ୍ତ ସହରାଞ୍ଚଳରେ ଶନିବାର ଓ ରବିବାର ସଟ୍‌ଡାଉନ୍‌
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୫୦୩ କରୋନା ଆକ୍ରାନ୍ତ
  • ||
  • ଭଦ୍ରକ : ଚାକିରୀରୁ ବିଦା ହେଲେ ରସିକିଆ ଶିକ୍ଷକ, ହ୍ବାଟସଆପ୍ ଗ୍ରୁପରେ ପଠାଇଥିଲେ ନିଜ ଅନ୍ତରଙ୍ଗ ମୁହୂର୍ତ୍ତର ଭିଡିଓ
  • ||
  • ଆନନ୍ଦପୁର : ବାଲି ଗାଡି ମାଲିକଙ୍କୁ ହାବିଲଦାର ମାଗୁଥିଲେ ଚାନ୍ଦା, ଆଜି ଶୁଣିଲା ପରେ ଏସପି କଲେ ସସପେଣ୍ଡ
  • ||
  • ସମ୍ବଲପୁର : ବିଗୁଡୁଛି କରୋନା ସ୍ଥିତି : ଭୀମସାର କୋଭିଡ୍ ହସ୍ପିଟାଲର ବଢିବ ଶଯ୍ୟା, ଚାଲିଛି ଦ୍ବିତୀୟ ହସ୍ପିଟାଲ କାମ
  • ||
  • ଜଳେଶ୍ବର : ବସ୍ତା ଷ୍ଟେସନରେ ଏକ୍ସପ୍ରେସ୍ ଟ୍ରେନ୍ ରହଣି ଦାବି, ରେଳରୋକ କଲେ ସ୍ଥାନୀୟ ବାସିନ୍ଦା
  • ||
  • ମହାକାଳପଡା : କେନ୍ଦ୍ରାପଡାରେ ତାଣ୍ଡବ ରଚିଲା କାଳବୈଶାଖୀ, ବଜ୍ରପାତରେ ଚାଲିଗଲା ଜଣଙ୍କ ଜୀବନ
  • ||
  • ଖଲ୍ଲିକୋଟ : ବରଗଛ ମୂଳରୁ ନବଜାତ ଶିଶୁର ମୃତଦେହ ଉଦ୍ଧାର
  • ||
  • ନବରଙ୍ଗପୁର : ୧୦ଦିନ ପରେ ହୋଇଥାନ୍ତା ବାହାଘର, ଗଛରେ ଓଢଣୀ ବାନ୍ଧି ପ୍ରେମିକ ସହ ଝୁଲିପଡିଲେ ଯୁବତୀ
  • ||
  • ବ୍ରିଟେନ୍‌ ପ୍ରଧାନମନ୍ତ୍ରୀ ବୋରିସ୍‌ ଜନସନ୍‌ଙ୍କ ଭାରତ ଗସ୍ତ ବାତିଲ
  • ||

ଆସାମରେ କ୍ଷମତାକୁ ଫେରିବ ବିଜେପି, ମୁଖ୍ୟମନ୍ତ୍ରୀ ଭାବେ ସର୍ବାନନ୍ଦ ପ୍ରଥମ ପସନ୍ଦ: ଏବିପି ନ୍ୟୁଜ୍ ସି ଭୋଟର ସର୍ଭେ

27/02/2021 at 8:34 PM

ନୂଆଦିଲ୍ଲୀ ୨୭।୦୨: ନିର୍ବାଚନ ଆୟୋଗ ଗତକାଲି ପାଞ୍ଚ ରାଜ୍ୟ ପାଇଁ ନିର୍ବାଚନ ତାରିଖ ଘୋଷଣା କରିଛନ୍ତି। ୨୦୨୪ ଲୋକସଭା ନିର୍ବାଚନ ପୂର୍ବରୁ ଏହି ପାଞ୍ଚଟି ରାଜ୍ୟର ବିଧାନସଭା ନିର୍ବାଚନକୁ ସେମି ଫାଇନାଲ ଭାବେ ଦେଖାଯାଉଛି। ଉତ୍ତର ପୂର୍ବ ରାଜ୍ୟ ଆସାମରେ ବିଧାନସଭା ନିର୍ବାଚନ ହେବାକୁ ଯାଉଛି। ୧୨୬ ଆସନ ବିଶିଷ୍ଟ ଆସାମ ନିର୍ବାଚନ ତିନୋଟି ପର୍ଯ୍ୟାୟରେ ମତଦାନ ହେବ। ପ୍ରଥମ ପର୍ଯ୍ୟାୟ ମତଦାନ ମାର୍ଚ୍ଚ ୨୭ରେ ହେବାକୁ ଥିବା ବେଳେ ଭୋଟ୍ ଗଣତି ମେ ୨ରେ ହେବ।

ଆସାମରେ କ୍ଷମତାଧାରୀ ବିଜେପି ମେଣ୍ଟ ପୁଣି ଥରେ ସରକାର ଗଠନ କରିବାକୁ ଅଣ୍ଟା ଭିଡିଥିବା ବେଳେ କଂଗ୍ରେସ ମେଣ୍ଟ ବିଜେପିକୁ କ୍ଷମତାଚ୍ୟୁତ୍ କରିବାକୁ ଉଦ୍ୟମ ଚଳାଇଛି। ଆସାମର ରୋଚକ ମୁକାବିଲା ମଧ୍ୟରେ ଏବିପି ନ୍ୟୁଜ୍ ଭୋଟରଙ୍କ ମୋଡ୍ ପରଖିଛି। ଆସାମ ବିଧାନସଭା ନିର୍ବାଚନକୁ ନେଇ ଏବିପି ସର୍ଭେ କରିଛି।

ଏବିପି ନ୍ୟୁଜ୍ ସି ଭୋଟରର ଓପିନିୟନ ପୋଲ୍ ଅନୁଯାୟୀ ଆସାମରେ ବିଜେପିକୁ ୪୨ ପ୍ରତିଶତ ଭୋଟ୍ ମିଳିବ ବୋଲି ଆଶା କରାଯାଉଛି। ଅନ୍ୟପଟେ କଂଗ୍ରେସ ମେଣ୍ଟକୁ ୩୧ ପ୍ରତିଶତ ଏବଂ ଅନ୍ୟ ଖାତାରେ ୨୪ ପ୍ରତିଶତ ଭୋଟ୍ ଯାଉଥିବା ଓପିନିୟନ ପୋଲ୍‌ରୁ ଜଣା ପଡିଛି।

କାହାକୁ ମିଳିବ କେତେ ସିଟ୍

ଏବିପି ନ୍ୟୁଜ୍ ସି ଭୋଟରର ଓପିନିୟନ ପୋଲ୍ ଅନୁଯାୟୀ, ଆସାମରେ ବିଜେପି ମେଣ୍ଟକୁ ୬୮ ରୁ ୭୬ ଆସନରେ ବିଜୟୀ ହୋଇପାରେ। ସେହି ପରି କଂଗ୍ରେସକୁ ୪୩ ରୁ ୫୧ ଆସନରେ ସନ୍ତୁଷ୍ଟ ହେବାକୁ ପଡିପାରେ। ଅନ୍ୟ ଖାତାରେ ୫-୧୯ ଆସନ ମିଳିପାରେ। ଆସାମ ବିଧାନସଭାର ୧୨୬ ଆସନ ପାଇଁ ମ୍ୟାଜିକ୍ ନମ୍ବର  ହେଉଛି ୬୪ ଆସନ।

କିଏ ମୁଖ୍ୟମନ୍ତ୍ରୀ ଭାବେ ପ୍ରଥମ ପସନ୍ଦ

ଏବିପି ନ୍ୟୁଜ୍ ଓ ସି ଭୋଟର ସର୍ଭେ ଅନୁଯାୟୀ ଆସାମର ଜନତା ପୁଣି ଥରେ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୋଓ୍ଵାଲଙ୍କୁ ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହାନ୍ତି। ସର୍ଭେରେ ସାମିଲ ୪୪ ପ୍ରତିଶତ ମୁଖ୍ୟମନ୍ତ୍ରୀ ପାଇଁ ସର୍ବାନନ୍ଦଙ୍କୁ ଚାହିଁଛନ୍ତି। ଦ୍ଵିତୀୟରେ ରହିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗୋଇଙ୍କ ପୁତ୍ର ତଥା କଂଗ୍ରେସ ନେତା ଗୌରଭ ଗୋଗୋଇ। ତାଙ୍କୁ ସର୍ଭେରେ ସାମିଲ ୨୬ ପ୍ରତିଶତ ଲୋକ ମୁଖ୍ୟମନ୍ତ୍ରୀ ଭାବେ ପ୍ରଥମ ପସନ୍ଦ କହିଛନ୍ତି। ତୃତୀୟରେ ରହିଛନ୍ତି ରାଜ୍ୟ ଅର୍ଥ ମନ୍ତ୍ରୀ ହେମନ୍ତ ବିଶ୍ଵା ଶର୍ମା। ତାଙ୍କୁ ୧୫ ପ୍ରତିଶତ ଲୋକେ ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହାନ୍ତି।

   Related Posts