Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ହାଇଦ୍ରାବାଦ ନଗର ନିଗମ ନିର୍ବାଚନ : ଟିଆରଏସକୁ ବଡ ଝଟକା, ଓଓ୍ୱେସୀଙ୍କ ଗଡରେ ଧସେଇ ପସିଲା ବିଜେପି

5/12/2020 at 11:24 AM

ହାଇଦ୍ରାବାଦ,୦୫/୧୨:ଗ୍ରେଟର୍ ହାଇଦ୍ରାବାଦ ନଗର ନିଗମ ନିର୍ବାଚନର ଫଳାଫଳ ସାମ୍ନାକୁ ଆସିଛି । ନିର୍ବାଚନରେ ତେଲେଙ୍ଗାନା ରାଷ୍ଟ୍ର ସମିତି ବା ଟିଆରଏସ ପ୍ରଥମ ସ୍ଥାନରେ ଥିବା ବେଳେ ବିଜେପି ଦ୍ୱିତୀୟ ଓ ଏଆଇଏମଆଇଏମ ତୃତୀୟ ସ୍ଥାନକୁ ଖସି ଆସିଛି । ମୋଟ୍ ୧୫୦ଟି ଆସନରୁ ଟିଆରଏସ ୫୫ଟି ଆସନରେ ବିଜୟଲାଭ କରିଥିବା ବେଳ ବିଜେପି ୪୮ ଓ ଏଆଇଏମଆଇଏମ ୪୪ଟି ଆସନରେ ବିଜୟଲାଭ କରିଛି । କଂଗ୍ରେସ ଖାତାକୁ ମାତ୍ର ୨ଟି ଆସନ ଯାଇଛି ।

ନିର୍ବାଚନରେ ସବୁଠାରୁ ଅଧିକ କ୍ଷତି ସହିଛି ଟିଆରଏସ । ଗତଥର ଟିଆରଏସ ୯୯ଟି ଆସନ ଜିତିଥିଲା । ଏଆଇଏମଆଇଏମ ମଧ୍ୟ କ୍ଷତି ସହିଛି । ତେବେ ବିଜେପିର ଭରପୁର ଫାଇଦା ହୋଇଛି । ଦଳ ଗତଥର ୪ଟି ଆସନରେ ଜିତିଥିବା ବେଳେ ଏଥର ୪୮ଟି ଆସନରେ ବିଜୟଲାଭ କରିଛି । ବିଜେପିର ପ୍ରଦର୍ଶନ ଅବିଶ୍ୱସନୀୟ ରହିଛି ।

ବିଜେପି ହାଇଦ୍ରାବାଦ ନଗରପାଳିକା ନିର୍ବାଚନରେ ଆକ୍ରମଣାତ୍ମକ ଭାବେ ଲଢିଥିଲା । ପ୍ରଚାର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଗୃହମନ୍ତ୍ରୀ ଅମିତ ଶାହ ଓ ୟୁପି ମୁଖ୍ୟମନ୍ତ୍ରୀ ଯୋଗି ଆଦିତ୍ୟନାଥ ମଇଦାନକୁ ଓହ୍ଲାଇଥିଲେ । ଏବା ବ୍ୟତୀତ ବିଜେପିର ଅନେକ କେନ୍ଦ୍ରମନ୍ତ୍ରୀ ଓ ତୁଙ୍ଗନେତା ମଧ୍ୟ ପ୍ରଚାର କରିଥିଲେ । ବିଜେପିର ପ୍ରଦର୍ଶନକୁ ନେଇ ଗୃହମନ୍ତ୍ରୀ କହିଛନ୍ତି ଯେ, ତେଲେଙ୍ଗାନାବାସୀ ମୋଦୀଙ୍କ ଉପରେ ବିଶ୍ୱାସ ପ୍ରକଟ କରିଛନ୍ତି । ଏହାସହ ସେ ତେଲେଙ୍ଗାନାବାସୀଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ।

ସୂଚନାଯୋଗ୍ୟ, ହାଇଦ୍ରାବାଦ ନଗର ନିଗମ ନିର୍ବାଚନ ପାଇଁ ଡିସେମ୍ବର ୧ରେ ନିର୍ବାଚନ ଅନୁଷ୍ଠିତ ହୋଇଥିଲା । ପ୍ରାୟ ୩୪ ଲକ୍ଷ ୫୦ ହଜାର ଭୋଟର ସେମାନଙ୍କ ମତାଧିକାର ସାବ୍ୟସ୍ତ କରିଥିଲେ ।

   Related Posts