Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

ପଶ୍ଚିମବଙ୍ଗରେ ହିଂସା ଜାରି : ଜୟ ଶ୍ରୀରାମ ଲେଖି ୧୦ ଲକ୍ଷ ପୋଷ୍ଟକାର୍ଡ ମମତାଙ୍କ ନିକଟକୁ ପଠାଇବା ବିଜେପି

2/06/2019 at 12:24 PM

କୋଲକାତା ୨/୬ : ଜୟ ଶ୍ରୀରାମ ନାରାରେ ପଶ୍ଚିମବଙ୍ଗରେ ବିବାଦ ଜାରି ରହିଛି । ଶନିବାର ଦିନ ଉତ୍ତର ୨୪ ପରଗନା ଜିଲ୍ଲାର କାଞ୍ଚରପାଡାରେ ତୃଣମୂଳ କଂଗ୍ରେସ ବୈଠକ ପୂର୍ବରୁ ପ୍ରଦର୍ଶନ କରି ଜୟ ଶ୍ରୀରାମ ନାରା ଲଗାଉଥିବା ଭାରତୀୟ ଜନତା ପାର୍ଟିର କାର୍ଯ୍ୟକର୍ତ୍ତାଙ୍କୁ ହଟାଇବା ପାଇଁ ପୋଲିସ ଲାଠିଚାର୍ଜକୁ କରିଥିଲା । ଏହି ଘଟଣା ପରେ ପଶ୍ଚିମବଙ୍ଗ ବିଜେପି ମମତା ବାନାର୍ଜୀଙ୍କ ନିକଟକୁ ୧୦ ଲକ୍ଷ ପୋଷ୍ଟକାର୍ଡ ପଠାଇବା ପାଇଁ ନିଷ୍ପତ୍ତି ନେଇଛି । ଏହିସବୁ ପୋଷ୍ଟକାର୍ଡରେ ଜୟ ଶ୍ରୀରାମ ଲେଖି ମମତାଙ୍କ ନିକଟକୁ ପଠାଇବା ପାଇଁ ନିଷ୍ପତ୍ତି ନେଇଛି ବିଜେପି । ବୈରକପୁରର ନବନିର୍ବାଚିତ ସାଂସଦ ଅର୍ଜୁନ ସିଂହ ଏ ସମ୍ପର୍କରେ ସୂଚନା ଦେଇଛନ୍ତି ।

ସୂଚନାଯୋଗ୍ୟ ଯେ, ଶନିବାର ଦିନ କାଞ୍ଚରପାଡାରେ ବିଜେପି କାର୍ଯ୍ୟକର୍ତ୍ତା ପ୍ରଦର୍ଶନ କରୁଥିଲେ । ପୋଲିସ କର୍ମୀ ବିଜେପି କର୍ମୀଙ୍କୁ ସେହି ଜାଗାରୁ ହଟାଇବାକୁ ଚେଷ୍ଟା କରିଥିଲା । କାରଣ ସେହି ଜାଗାକୁ ଟିଏମସିର ଏକ ରାଲି ଯିବାରଥିଲା । କୌଣସି ହିଂସା ନହେଉ ବୋଲି ପୋଲିସ ବିଜେପି କର୍ମୀଙ୍କୁ ସେଠାରୁ ହଟାଇଦେଇ ସେଠାରେ ଆରଏଏଫ ପୋଲିସ ନିୟୋଜିତ କରିଥିଲା । ମମତା ସରକାରଙ୍କ ଏହି କାର୍ଯ୍ୟାନୁଷ୍ଠାନକୁ ଗମ୍ଭିରାତାର ସହ ନେଇଥିଲା ବିଜେପି । ସାଂସଦ ଅର୍ଜୁନ ସିଂହଙ୍କ କହିବାନୁଯାୟୀ, ଜୟ ଶ୍ରୀରାମ ନାରା ଲଗାଇଥିବା ଯୋଗୁଁ ବିଜେପି କାର୍ଯ୍ୟକର୍ତ୍ତାଙ୍କୁ ଗିରଫ କରାଯାଇଥିଲା । ସେଥିପାଇଁ ତାଙ୍କ ଦଳ ଜୟ ଶ୍ରୀରାମ ଲେଖି ୧୦ ଲକ୍ଷ ପୋଷ୍ଟକାର୍ଡ ମମତାଙ୍କୁ ପଠାଇବା ପାଇଁ ନିଷ୍ପତ୍ତି ନେଇଛି ।

ଲୋକସଭା ନିର୍ବାଚନରେ ଅର୍ଜୁନ ସିଂହ ଚର୍ଚ୍ଚିତ ବୈରକପୁର ଆସନରୁ ଜିତିଥିଲେ । ସେ ମମତା ବାନାର୍ଜୀଙ୍କୁ ନିକଟତମ ନେତା ଦୀନେଶ ତ୍ରିବେଦୀଙ୍କୁ ପରାସ୍ତ କରିଥିଲେ । ଅର୍ଜୁନ ସିଂ ଏହାପୂର୍ବରୁ ଟିଏମସି ବିଧାୟକ ଥିଲେ । କିନ୍ତୁ ନିର୍ବାଚନର ଠିକ ପୂର୍ବରୁ ସେ ବିଜେପିରେ ସାମିଲ ହୋଇଥିଲେ ।

ଏ ସମ୍ପର୍କରେ ଅର୍ଜୁନ ସିଂହ କହିଛନ୍ତି ଯେ, ମମତା ମାନସିକ ସନ୍ତୁଳନ ହରାଇଛନ୍ତି । ବିଜେପି ଦଳର କାର୍ଯ୍ୟକର୍ତ୍ତା ଜୟ ଶ୍ରୀରାମ ନାରା ଲାଗିବାରୁ ମମତାଙ୍କ ପୋଲିସ ତାଙ୍କୁ ଗିରଫ କରିଥିଲା । ଭଗବାନ ତାଙ୍କୁ ଭଲରେ ରଖନ୍ତୁ ବୋଲି ସେ ପ୍ରାର୍ଥନା କରିଛନ୍ତି ।

   Related Posts