ସୋନପୁର ୨୬।୧୧ : କୃଷି ପ୍ରଧାନ ସୁବର୍ଣ୍ଣପୁର ଜିଲ୍ଲାରେ ଚଳିତ ଖରିଫ ଧାନ କ୍ରୟ ସମସ୍ୟା ଏବଂ ରାଜ୍ୟ ସରକାରଙ୍କ ଟୋକନ ବ୍ୟବସ୍ଥାକୁ ବିରୋଧ କରି ଭାରତୀୟ ଜନତା ପାର୍ଟି ଜିଲ୍ଲା ଶାଖା ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷେ।ଭ । ବିଜେପି ଜିଲ୍ଲା ସଭାପତି ବିଜୟ ମହାକୁଡ ଓ ବରିଷ୍ଠ ବିଜେପି ନେତା ଅଶୋକ ପୂଜାରୀ ଓ କୃଷକ ମୋର୍ଚ୍ଚାର ନେତା ଅଶୋକ ପୃଷ୍ଟିଙ୍କ ନେତୃତ୍ବରେ ଶତାଧିକ ଚାଷୀ ଧାରଣାରେ ବସିଛନ୍ତି ।
{"id":190144,"sizeSlug":"large"}ରାଜ୍ୟ ସରକାରଙ୍କ କେନ୍ଦ୍ରୀୟ ଟୋକନ ଉଚ୍ଛେଦ, କଟନି-ଛଟନି ବନ୍ଦ,ଧାନ ଉଠାଣରେ ପରିବହନ ଖର୍ଚ୍ଚ ଚାଷୀଙ୍କୁ ପ୍ରାପ୍ୟ ଓ ଧାନକିଣା ବ୍ୟବସ୍ଥାରେ ଦଲାଲି ନିଷେଧକୁ ନେଇ ରାଜ୍ୟପାଳଙ୍କ ଉଦ୍ଦେଶ୍ୟରେ ଏକ ଦାବୀପତ୍ର ଜିଲ୍ଲାପାଳ ମନୀଷା ବାନାର୍ଜୀଙ୍କୁ ଦେଇଛନ୍ତି । ବିଶେଷକରି ହୀରାକୁଦ ସେଚାଂଚଳ ବିନିକା ଓ ଡୁଙ୍ଗୁରୀପାଲି ଅଂଚଳ ସମେତ ଜିଲ୍ଲାରେ ଏବର୍ଷ ଧାନର ରେକର୍ଡ ଉତ୍ପାଦନ ହୋଇଥିବା ବେଳେ ସରକାରଙ୍କ କୃଷି ଓ କୃଷକମାରଣ ନୀତିର ପ୍ରତିବାଦ କରି ଏହି ଆନ୍ଦୋଳନ ଆରମ୍ଭ ହୋଇଛି ।
{"id":190145,"sizeSlug":"large"}ତେବେ ସମସ୍ୟାର ସମାଧାନ ନହେଲେ ଆଗକୁ ଚାଷୀ ଆନ୍ଦୋଳନକୁ ଅଧିକ ଜୋର କରାଯିବ ବୋଲି ଚେତାବନୀ ଦେଇଛି ବିଜେପି ।