Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଜିବ ଓ ରଶିଦଙ୍କ ଘାତକ ବୋଲିଂ, ସ୍କଟଲାଣ୍ଡକୁ ୧୩୦ ରନରେ ହରାଇଲା ଆଫଗାନିସ୍ତାନ
  • ||
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ଓଡିଶାର ସୀମା ଅସୁରକ୍ଷିତ, ସୁରକ୍ଷା ଦେବାରେ ଓଡିଶା ସରକାର ବିଫଳ-ବିଜେପି

11/09/2021 at 1:47 PM

ଭୁବନେଶ୍ୱର ୧୧।୦୯: ଓଡିଶାର ସୀମା ଅସୁରକ୍ଷିତ । ରାଜ୍ୟର ଦକ୍ଷିଣାଞ୍ଚଳ, ପଶ୍ଚିମାଞ୍ଚଳରେ ସୀମା ବିବାଦ ଲାଗିରହିଛି । ଆନ୍ଧ୍ର, ଛତିଶଗଡ଼, ପଶ୍ଚିମବଙ୍ଗ, ଝାରଖଣ୍ଡ ବିଭିନ୍ନ ସମୟରେ ଓଡିଶା ଭିତରେ ପଶି ବିଭିନ୍ନ ଅଞ୍ଚଳକୁ ଅକ୍ତିଆର କରିଛନ୍ତି । ଏନେଇ ପ୍ରେସ୍‌ମିଟ୍‌ ଜରିଆରେ ସୂଚନା ଦେଇଛନ୍ତି ରାଜ୍ୟ ବିଜେପି ଉପସଭାପତି ଭୃଗୃବକ୍ସି ପାତ୍ର ।

ଓଡିଶା ସରକାର ସୀମାକୁ ସୁରକ୍ଷା ଦେବା ପାଇଁ ପଦକ୍ଷେପ ନେଉନାହାନ୍ତି । ୧୯୩୬ରୁ ଆଜି ପର୍ଯ୍ୟନ୍ତ ଦେଶରେ ଯଦି କୌଣସି ପ୍ରଦେଶ ନିଜ ସୀମାକୁ ସୁରକ୍ଷା ଦେବାରେ ଓଡିଶା ବିଫଳ ହୋଇଛି । କୋର୍ଟରେ ନିଜର ସମ୍ପୂର୍ଣ୍ଣ ତଥ୍ୟ ଦେଇ ପାରୁନାହାନ୍ତି ରାଜ୍ୟ ସରକାର । ପଡୋଶୀ ରାଜ୍ୟ ଜୋର ଜବରଦସ୍ତ ଅନୁପ୍ରବେଶ ଅଧିକ ବଢ଼ିଛି । ପଞ୍ଚାୟତ ନିର୍ବାଚନ କରିଥିଲା ଆନ୍ଧ୍ରପ୍ରଦେଶ । ଫେବୃଆରୀ ୨୧ ତାରିଖରେ ରାଜ୍ୟ ବିଜେପି ସଭାପତି ସମୀର ମହାନ୍ତିଙ୍କ ନେତୃତ୍ୱରେ ବିଜେପି ପ୍ରତିନିଧି ଦଳ ଯାଇଥିଲା । ସେତେବେଳେ ସେମାନେ ପଞ୍ଚାୟତ ନିର୍ବାଚନ ପାଇଁ ପ୍ରସ୍ତୁତି କରୁଥିଲେ ।

ସେହିପରି ଆନ୍ଧ୍ର ସରକାର କିଛି ଦିନ ତଳେ ଗୋଟିଏ ଅଙ୍ଗନବାଡି କେନ୍ଦ୍ର ଖୋଲିଲେ । ୬ ଓ ୭ ତାରିଖ ଦିନ ଓଡିଶା ଅଧିକାରୀ ମାନେ ଖବର ପାଇ ଅଙ୍ଗନବାଡି କେନ୍ଦ୍ର ସିଲ କଲେ । ୨ ଦିନ ତଳେ ୯ ତାରିଖ ଦିନ ମାଣିକପାଟଣା ଗାଁ ଗଙ୍ଗାବାଡ଼ ପଞ୍ଚାୟତ ରାୟଗଡ଼ ବ୍ଲକ ଠାରେ ଆନ୍ଧ୍ରର ମନ୍ତ୍ରୀ ଅପଲ ରାଜୁ ପୋଲିସ ଓ ସରକାରୀ ଅଧିକାରୀଙ୍କୁ ନେଇ ପହଁଚିଲେ । ସେଠାକାର ଲୋକଙ୍କୁ ପ୍ରଭାବିତ କଲେ । ସ୍ଥାନୀୟ ଗାଁର କିଛି ଲୋକଙ୍କୁ ଦରମା ଦେଇ ଆନ୍ଧ୍ର ସେମାନଙ୍କ ଯୋଜନା ପ୍ରଚାର କରିବାରେ ଲାଗିଛନ୍ତି । ମନ୍ତ୍ରୀ ରାଜନୈତିକ ଉଦ୍ଦେଶ୍ୟ ରଖି ସେଠାରେ ପହଁଚିଲେ । ଓଡିଶା ସରକାର ସେ ଖବର ପାଇ ନଥିଲେ ।

ଓଡିଶା ସୀମାକୁ ନେଇ ୨୦ ବର୍ଷର ଶାସନ ଭିତରେ ମୁଖ୍ୟମନ୍ତ୍ରୀ ସ୍ତରୀୟ କଥା ହୋଇନାହାନ୍ତି । ଦୁଇ ରାଜ୍ୟ ବସି ପ୍ରସ୍ତୁତ ହୋଇଥିବା ମ୍ୟାପରେ ଓଡିଶା ସୀମାରେ ମାଣିକ ପାଟଣା ଗାଁ ଅଛି । ବହୁ ବାଦ ବିବାଦ ପରେ କୋଟିଆରେ ରାଜ୍ୟ ସରକାର ଗୋଟିଏ ପୋଲିସ ଷ୍ଟେସନ ପ୍ରତିଷ୍ଠା କଲେ । କିନ୍ତୁ ଆଜି ଯାଏଁ ଥାନା ଉଦଘାଟନ କରିପାରିଲେ ନାହିଁ । ଗୁଡ଼ିଖୁଡ଼ି ଗାଁରେ ଆନ୍ଧ୍ର ବିଭିନ୍ନ ପ୍ରକଳ୍ପ କରିଛି ।

ଆନ୍ଧ୍ରର ପରବର୍ତ୍ତୀ ଟାର୍ଗେଟ ଗୁଡ଼ିଖୁଡି ଗାଁ । ସାଧାରଣ ଲୋକଙ୍କ ପାଖରେ ଖବର ଅଛି । କିନ୍ତୁ ଓଡିଶା ସରକାରଙ୍କ ଗୁଇନ୍ଦା ପାଖରେ ଖବର ନାହିଁ । ଦକ୍ଷିଣ ଓଡିଶାର ସମସ୍ତ ସୀମାନ୍ତ ଗାଁରେ ଆଦିବାସୀ ଲୋକ ରହୁଛନ୍ତି । ସେମାନଙ୍କୁ ପ୍ରଲୋଭନ ଦେଇ ଆନ୍ଧ୍ର ସରକାର ପ୍ରଭାବିତ କରୁଛି । ସେଠାକାର ଜଣେ ମହିଳା ତହସିଲଦାର ଆନ୍ଧ୍ର ସରକାର ସହ ଲଢୁଛନ୍ତି । କିନ୍ତୁ ଓଡିଶା ସରକାର ତାଙ୍କୁ ସୁରକ୍ଷା ଦେଉନାହାନ୍ତି । ବିଜେପି ସାଂସଦ ବସନ୍ତ ପଣ୍ଡାଙ୍କ ନେତୃତ୍ୱରେ ଏକ ସୀମା ସୁରକ୍ଷା କମିଟି ଗଠନ କରିଛି ।

ସବୁ ସୀମାନ୍ତ ଗାଁ ଗୁଡ଼ିକର ସର୍ଭେ କରାଯାଉ । କାହା ପାଖରେ ରାସନ କାର୍ଡ, ପିଇବା ପାଣି, ଜମି ପଟ୍ଟା ଅଛି ଯାଞ୍ଚ କରାଯାଉ । ରାଜ୍ୟ ସରକାର ପଡୋଶୀ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କଥା ହୁଅନ୍ତୁ ବୋଲି ବିଜେପି ଦାବି କରିଛି ।

   Related Posts